Great Britain-ah kum ruk lai kan lo awm ve ta bawk a. Kumin chu an ram mawia an sawi Devon leh Cornwall i tlawh ve teh ang kan ti a. Kan tlawh chak zualna chhan pa khat chu kan tunu hmingah Devon tih a nih vang a ni. Vanneih thlak takin Devonah hian Lt, Colonel Joan William India rama Missionary a awm tawh thin, India hmangaih em em mai chu a awm hlauh bawk a. A Inah Mizo in mikhual ang thlapin min lo mikhuala, a chungah kan lawm teh asin. (Chanchin kimchang Army Home lamah ka dah e). Kan thlenna khuaa chu Tavistock a ni a.
Tavistock-a an Biak In pakhat compoundah chuan Thing phun pakhat an lo nei a, chu chu kan thla lakpui hi a ni. He thing hi 'Glastonbury thorn' an tih zar sahthlak a ni tiin kan Guide chuan min hrilh.
Glastonbury Thorn: Sapho thu in hlan chhawn in a sawi dan chuan Isua thih hnu khan a ruang la thlaa phumtu Josepha Arimathai khua a mi kha Glatonbury-ah hian a lo kal a. Kohhran a rawn din a, chu chu Saprama Christian Kohhran ding hmasaber a ni nghe nghe. A Kohhran din Biak In compound-ah chuan a tiang a sawhphun a, chu chu a lo chawr a. Christmas ni apiangin a par a. A par chu vawiin thleng hian England lal In (Buckingham Palace-ah) an la thawn ziah a ni. Chu thing danglam leh chanchin nei tak mai chu a hnuaia mi hi a ni.
Hemi hmunah hian Christian-ten kut ropui tak an hmang thin. An sawi dan chuan Josepha Arimathai kha mi hausa tak a ni a, Isua nen inlaichinna an nei a. Glastonbury-a a kal hian Isua Nu Mari pawh a hruai a ni an ti.
6 comments:
Pu Kiamlo, in dam maw min la hria a ngem aw... Chennai in awmlaia Merina-i u Sangtea kha ka nia, Bible hrilhfiahna ka zawnna lamah i blog hi ka hmufuh hlauh a ka lut vel a nih hi..... in rawngbawlnate Pathian zara tluanga taka in thawh zel ka beisei
Sangte: E, ka la hria che e, iva fel ve blog te i rawn comment a. Enge i tih tak zel? chanchin in hriat zui zel ava chakawm ve. Kan rawngbawlna Pathian thatna zarah kan tluang ve zel e. I ti lunglen thlak hle mai.
Sapho hi an hnam a upa tawhin an Kristianna a rei tawh bawk a, myth lam pang hi an ngah ngawtin ka hria. Santa Clause etc tih ang velte hi.
A ram a mawiin a nawm hmel hle mai. In tunu hminga Devon in nei a, a hnuah Devon khua in va tlawh a ni a, in hre chhuak lo maw?
Josepha Arimathai khuaa mi hriatrengna awm chhun a va nih hmel ve, kan Bible-ah a inziak tih lohah chuan. Ani kha a ngaihsanawm ka ti, mawi taka Isua ruang tuamhlawma phumtu kha a ni a. Tuna Mizorama Samaritan Society (niin ka hria)ten ruanghlawmtu neilo, tual thite mawi tak leh zahawmna nena an vui liam thin ang deuh hi a nih ka ring.
Isua baihvai hun lai ber, a Pa pawhin a phatsan hun laia lo sawngbawltu anih avang hian Josepha Arimathai hi a ngaihsanawm.
Chanchin ngaihnawm tak min rawn hrilh a, a bengvar thlak thin hle. A dang kan lo beisei zel ang.
Fela: Nie, Myth, Legend leh tradition lamah hian an hausa khawp mai a. Ngaihnawm tak tak a awm. Vawk lu sahthlak indo kan tih vel mai mai lai pawh khan an lo sang tawh em alawm.
Zaia: Holy Grail - chanchin kha i hre thin ang a, kha pawh kha Englanda rawn keng luttu niin an sawi asin. Ka theih angin an hmanlai thil a taka thleng ngei ngaihnawm tak takte rawn dah kan tum ang e.
Post a Comment