Salvation Army Officer training session 'Light Bringer' chu October 1970-ah tan a ni a. Kei chu a tir atanga pawm ka ni ve lova. Kal thei lo pakhat, Baktawng a mi ni ta awmin ka hria, a awm azarah kan hotuten min rawn ko ve leh hnuhnawh a. December thlaah Christmas dawn tep hian ka lut ve ta a. Cadet Kiamlova, ka ni ve ta.
1970 Octoberah min Commissioned a. Ka Corps hmasaber chu Tlangmawi a ni a, khaw lian lo tak a ni a. A khua pawhin In 14 chauh kan ni a. Primary School leh Middle School a awm a. A khua chu tlang chung zawla awm nuam em em mai hi a ni a. Amaherawhchu kan luahlum zawh loh em avangin khawchhung hnimbuk karahte hian Phivawkte an rawn riak ve thin a. Sai a rawn luh thuak thuak changte a awm bawk a. A khuain Sipai pawl vek kan ni a, chutih laia an lal chuan kohhran dang din a phal lova, Sipai pawl khua a ni tawp mai a ni. Kan mite chu ei leh barah an harsa em em mai a, mahse kan awm chhungin Pathian ram an neih ang atangin an pe tha a, Cachar District chhunga thawhlawm nei thaber kan nih changte a awm ve a. Chutih lai chuan thla khatah Rs 60 ka hlawh a, tanpui ngai zualte theih ang angin ka la pui ve leh chhawng thin a. Pathian zarah ka nghei bik lo.
Khawhar em em mai chang hi ka nei thin a, Kan khua atanga hmar thlang lam pangah chuan Ngaihban tlang ngaw dur tha em em mai hi a awma. Tlai ni tla turin chung tlang vel an chhun en ruih maite chuan ka lung a tileng zual thin a. Ka tap ru deuh thin a niber e. Kan bul hnaiah Officer dang han biak phak tur an awm mai si lova. Lothazawlah Lieutenant Thanhlira a awm ve a, mahse reiloteah Zoram lamah an sawn chho va. A Corps pawh chu ka va bial tel ve ta nghe nghe a. Pathian tanpuinaa ka tuar chhuak thei kha ka va lawm em!! Ka lungleng khawhar chu a ni taber ang chu hla min phuahtirtu kha; He ti hian ka'n ti ve ta a nih kha:
1. Aw awmkhua a har tinkim ka dawnin,
Nun hlui puan ang a chul tawh hnu kha;
Ngai mah ila kir an rel lo,
1970 Octoberah min Commissioned a. Ka Corps hmasaber chu Tlangmawi a ni a, khaw lian lo tak a ni a. A khua pawhin In 14 chauh kan ni a. Primary School leh Middle School a awm a. A khua chu tlang chung zawla awm nuam em em mai hi a ni a. Amaherawhchu kan luahlum zawh loh em avangin khawchhung hnimbuk karahte hian Phivawkte an rawn riak ve thin a. Sai a rawn luh thuak thuak changte a awm bawk a. A khuain Sipai pawl vek kan ni a, chutih laia an lal chuan kohhran dang din a phal lova, Sipai pawl khua a ni tawp mai a ni. Kan mite chu ei leh barah an harsa em em mai a, mahse kan awm chhungin Pathian ram an neih ang atangin an pe tha a, Cachar District chhunga thawhlawm nei thaber kan nih changte a awm ve a. Chutih lai chuan thla khatah Rs 60 ka hlawh a, tanpui ngai zualte theih ang angin ka la pui ve leh chhawng thin a. Pathian zarah ka nghei bik lo.
Khawhar em em mai chang hi ka nei thin a, Kan khua atanga hmar thlang lam pangah chuan Ngaihban tlang ngaw dur tha em em mai hi a awma. Tlai ni tla turin chung tlang vel an chhun en ruih maite chuan ka lung a tileng zual thin a. Ka tap ru deuh thin a niber e. Kan bul hnaiah Officer dang han biak phak tur an awm mai si lova. Lothazawlah Lieutenant Thanhlira a awm ve a, mahse reiloteah Zoram lamah an sawn chho va. A Corps pawh chu ka va bial tel ve ta nghe nghe a. Pathian tanpuinaa ka tuar chhuak thei kha ka va lawm em!! Ka lungleng khawhar chu a ni taber ang chu hla min phuahtirtu kha; He ti hian ka'n ti ve ta a nih kha:
1. Aw awmkhua a har tinkim ka dawnin,
Nun hlui puan ang a chul tawh hnu kha;
Ngai mah ila kir an rel lo,
Zaitin ka chhiar nilen e.
Aw min awmpui la ka Lal nunnem,
Hmuh ka nuam i ram mawi chullo lawmna parmawi,
Vulna hmun min thlirtir rawh.
2. Thal favang tlai ni tla eng riaian,
Mahten awmhar tuar ka zuam lo e,
Leng la Lalpa ka thinlung ah,
Awmhar tuar a nem tawh ang.
3. Tlang tin ka chuan vel nun hlui ka thlir a,
Siangah an lawi siamtu runah chuan;
Mahriakten ar ang ka vai e,
Tinkim ka dawn chang ni hian.
4. Ka ngai ka pa ram lungduh an lenna,
Tahchuan awmhar tuar a awm tawh lawng;
Min tlantu beramno fakin,
Lungduh zawng an kim tawh ang.
Vanneihthlak takin Traininga kan awm laiin Naupang khawmpui Ruallungah kan tel ve a. Chuta tang chuan ka kumtluang kawppui tur ka chhar ta. Kan dawta Officer training session an hawn chu engemaw chen an kal leh tawh a; Kan hotute khawngaihna azarah engemaw chen session a kal hnuah, keimah ang bawkin, kan hotuten Nl Lalhlimpuii chu Cadet nih an phal ve leh ta a. Hun laklawhah training chu a zawm ve leh ta a. 1973 April thlaah chuan hotuten ka khawhar min hriatthiampui a ni ang, amahin an commissioned a, min rawn zawm ve ta a. Khawhar a hnem teh asin!!!!.
8 comments:
A khawharthlak ngawt ang le. Keini kan training chhuah hlimin Phuaibuang, in 300 khuaah kan awm a. A khat tawkin jeep a rawn lut chung pawh khan khawharthlak kan ti a, kan lung a leng kha a ni si a.
Khatih hunlaia Tlangmawi khaw hmun thut kha tuna mi ai khu chuan a nawm hmel zawk daihin ka ring.
He i hla hi tuna kan hlabuah hian telh a ni em le? Kei ka hming ang lo pui hian zai leh hla lam hi hriat ka nei tam lo a. Telh a la nih loh chuan a va telh chi awm ve.
Thuziak mi leh hla phuah mite thian tha ber chu 'khawhar fianrial' hi a ni reng asin! Tunlai khawvelah hian kan rilru leh ngaihtuahna zar buaitu changkanna thil a lo tam ta a, kan thu leh hla phuah mite irawm chhuak hian tunhma mite kha a tluk ta lo emaw chu aw a tih theih ang.
I hla hi chutiang zawnga en chuan hla tha tak a ni.
I lunglen hnemtu i chhar ta leh tun thlenga 'hnemtu'-a a la tang hi ka lawmpui a che!
Fela: Nuam zawk daih e mawle, Lui kamah eizawnna awlsam zawka an rin vang a ni chek ang chu an lo pem thlak daih ni.
Thiama: Hla buah em chuan tel rih lo, ka lungleng khawharin kan rum chhuahpui ve a ni a, tha i lo tia ka lawm e. Tlangmawiah chuan kan sa ve thin.
Hma nni chu Capt. Zaupuia ka phone a, 'Tlangmawiah ka awm' a rawn ti a. i post hi mi hriatchhuahtir leh zawk mai. 'An khua kha an luah hneh lo ti raw' ka zu ti a, 'ni e, an luah hnum hneh lo khawp mai' a rawn ti. an khaw thut a zau lutuk a ni. Zim teah inhawrkhawm sela a nuam tur a nia le,
Fela: An khaw thar hi ka la hmuhpui hauh lova, Biak In School l;eh Quarters sakna tur kha tunhnaiah ka pe kha a ni a. An sak zawh hunah hotuten a hawnte min phalsak leh kan la kal ve ang chu. Kojhhranah chauh nilovin khawtlang enkawlna thuah pawh hruaitu tha an mamawh khawp mai.
capt ,major in nih lai a ka hriat hunlai te kha hmanlai an chang zo ta kolasib in awm lai te kha aw
fela khawiah nge in awm in dam maw kolasib i kal ngai em? i thuzaik te ka hmu zeh 2 trhin capt Zamlova ,te thla srilanka oh an com toh maw kha
my innermost ah hian ka lut vr trhin buannel leh misaul ah te tin kolsaib .com ah te Fela i lut ve ngai em 1982 RR cinema hall bul a kan tlaivar lai te kha ti raw ho ang reng ngawt mai ti raw i la hria em?
Post a Comment