Mizorama kum sarih lai Missionary-a rawn awm, Scotist mi James Kennedy-a khan 'Mizo hi lungleng hnam in ni, khua a that leh lungleng in ti a, khua a chhiat leh lungleng in ti bawk a' a ti e, an ti a. A dik hmel khawp mai, Mizo hian lunglen hi kan hre hle a ni. Hnam dang pawhin an hre ve ang, mahse kan hre zual deuh bik a ni awm e.
Kan lunglenna chhan thenkhatte chu: 'Nun hlui thlir leh dawn changin, Mahni khua lova awm a chhung leh khat leh then leh rualte hmu phak lova awmin, Hmangaihte nen inthen ni leh in awmbosanin, Sulhnu hlui fan changin, Hla lungtileng tak thiante nena kan ngaihthlakho thin play changin, Ramhnuaia kala Rengchal a lo kiu vang vangin, Ruah a sur cherh cherha in chhunga kan tawm mai maiin, Tlai ni tla turin kan ral tlang dul deuh riai a a chhun en raihin, Kan hmangaih chatuan rama min kalsan tawhte sulhnu en chang leh an kal ni cham lo thlenin, Khawtlang lunglen leh Hunpui a lo thlen dawnin; a bikin Christmas a lo thlen dawn a, mahni khua atanga hla takah hmanpui tur mumal tak nei lova kan awm changin. Heng hi kan lunglenna chhan leh hun tlangpuite chu an ni awm e.
Upa chuan Khawtlang Lunglen natzia hi an sawi thin a. Ngaihbik pawh nei chuang lovin an thil hmuh tlang leh lui kawr ruam, mihring chenin an lung a tileng em em ringawt mai thin a; an tap vawng vawng mai thin a ni an ti. Chutianga mi an awm chuan upain an thih a hnai a ni e, an ti thin. Hei hian Mizote hi lungleng hnam kan nihzia a tidik viau awm e.
Mizo Kristiante tana hun ropui ber Christmas a lo hnai leh ta, mahni khua atanga hla te khuaa awm, hmanpui tur mumal tak pawh la siam fel thei lo leh nei lote khua a harin lung a leng tan leh tawh ngei ang. A awm khawp mai!! Mizote hian Kristmas hi kan hlut em a, naupan lai leh vanglai huna kan hman dan hlimawm leh nuam kan tih em em sawi tur nei vek kan ni si a. Kristmas hman thin dan sawi chuan tawng kan in chuh nak nak thin a nih si hi!! Chuvangin he hunpui ropui tak mai lo thlen dawna lung a leng ruai mai a, kan hnim deuh ruih mai thin hi in dem theih ngawt pawh a ni lo ve, Lungleng hnamah kan lo piang bawk si nen!!
Engpawhnise, Rawngbawlna vang emaw, mahni hna tul vang emaw a khawhar taka hman a tulna hmunah kan awm si chuan ngaihtuah dan i thlak thleng teh ang u. Christmas hmasaber zana Mary leh Joseph-a te hun hman khawhar thlak dan tur kha i ngaihtuah teh ang. Mipui tamtak zingah khawhar em emin an hun an hmang a. A khawhar thlak mai pawh a ni lo, mi duh loh khualbuk atanga hnawh chhuah, ran thlunna Bawng zun leh ek hing hum hum karah Pathian Fapa, khawvel sual tlantu lo piang chu an sawngbawl dun a nih kha. Ava zahthlak dawn em aw!!! Chutia khawhar taka an awm lai chuan Berampu mi hmuhsit leh Phula an Beram riah chilh mektute hnenah Van lam zaipawl an lo lang a. 'Chungnungberah Pathian ropui takin awm rawh se, Lei chunga a lawm em em mihringte hnenah rem thu leng rawh se' an rawn ti hem hem mai ve thung si a nih kha.
Kumin Kristmas khawhar taka i hman dawn chuan hei hi ngaihtuah teh: Kristmas i hmanpui mamawh ngawih ngawih te bulah i awm tih hi; chu chauh pawh a ni lo, khawhar taka i hman a, Pathian Fapa Isua lo pianga chu i biaka i chawimawi mek lai khan tute hnenah emaw Van zaipawl an lo zai ve ngei dawn a ni tih hi. Chung mite chuan rei loteah an rawn zawm ve ang che. In ngaituah lungleng khawharin vui duh suh, rinnain chung lam thlir la, thlasik khaw thiang bo ruak vawt raih mai atang khian in hnenah ngei Van zaipawl chu an rawn zai ve dawn e. Chu chunglam aw chuan malsawmin a awmpui ang che/che u ang a; i Kristmas hman hun ropuiber leh hlawkber a chang mai dawn a ni.
Kumin Kristmas lo thleng tur hi nangmah mamawhtu, i hmanpui mamawh em emtute bulah i hmang em in ngaihtuah ang che.
Kan lunglenna chhan thenkhatte chu: 'Nun hlui thlir leh dawn changin, Mahni khua lova awm a chhung leh khat leh then leh rualte hmu phak lova awmin, Hmangaihte nen inthen ni leh in awmbosanin, Sulhnu hlui fan changin, Hla lungtileng tak thiante nena kan ngaihthlakho thin play changin, Ramhnuaia kala Rengchal a lo kiu vang vangin, Ruah a sur cherh cherha in chhunga kan tawm mai maiin, Tlai ni tla turin kan ral tlang dul deuh riai a a chhun en raihin, Kan hmangaih chatuan rama min kalsan tawhte sulhnu en chang leh an kal ni cham lo thlenin, Khawtlang lunglen leh Hunpui a lo thlen dawnin; a bikin Christmas a lo thlen dawn a, mahni khua atanga hla takah hmanpui tur mumal tak nei lova kan awm changin. Heng hi kan lunglenna chhan leh hun tlangpuite chu an ni awm e.
Upa chuan Khawtlang Lunglen natzia hi an sawi thin a. Ngaihbik pawh nei chuang lovin an thil hmuh tlang leh lui kawr ruam, mihring chenin an lung a tileng em em ringawt mai thin a; an tap vawng vawng mai thin a ni an ti. Chutianga mi an awm chuan upain an thih a hnai a ni e, an ti thin. Hei hian Mizote hi lungleng hnam kan nihzia a tidik viau awm e.
Mizo Kristiante tana hun ropui ber Christmas a lo hnai leh ta, mahni khua atanga hla te khuaa awm, hmanpui tur mumal tak pawh la siam fel thei lo leh nei lote khua a harin lung a leng tan leh tawh ngei ang. A awm khawp mai!! Mizote hian Kristmas hi kan hlut em a, naupan lai leh vanglai huna kan hman dan hlimawm leh nuam kan tih em em sawi tur nei vek kan ni si a. Kristmas hman thin dan sawi chuan tawng kan in chuh nak nak thin a nih si hi!! Chuvangin he hunpui ropui tak mai lo thlen dawna lung a leng ruai mai a, kan hnim deuh ruih mai thin hi in dem theih ngawt pawh a ni lo ve, Lungleng hnamah kan lo piang bawk si nen!!
Engpawhnise, Rawngbawlna vang emaw, mahni hna tul vang emaw a khawhar taka hman a tulna hmunah kan awm si chuan ngaihtuah dan i thlak thleng teh ang u. Christmas hmasaber zana Mary leh Joseph-a te hun hman khawhar thlak dan tur kha i ngaihtuah teh ang. Mipui tamtak zingah khawhar em emin an hun an hmang a. A khawhar thlak mai pawh a ni lo, mi duh loh khualbuk atanga hnawh chhuah, ran thlunna Bawng zun leh ek hing hum hum karah Pathian Fapa, khawvel sual tlantu lo piang chu an sawngbawl dun a nih kha. Ava zahthlak dawn em aw!!! Chutia khawhar taka an awm lai chuan Berampu mi hmuhsit leh Phula an Beram riah chilh mektute hnenah Van lam zaipawl an lo lang a. 'Chungnungberah Pathian ropui takin awm rawh se, Lei chunga a lawm em em mihringte hnenah rem thu leng rawh se' an rawn ti hem hem mai ve thung si a nih kha.
Kumin Kristmas khawhar taka i hman dawn chuan hei hi ngaihtuah teh: Kristmas i hmanpui mamawh ngawih ngawih te bulah i awm tih hi; chu chauh pawh a ni lo, khawhar taka i hman a, Pathian Fapa Isua lo pianga chu i biaka i chawimawi mek lai khan tute hnenah emaw Van zaipawl an lo zai ve ngei dawn a ni tih hi. Chung mite chuan rei loteah an rawn zawm ve ang che. In ngaituah lungleng khawharin vui duh suh, rinnain chung lam thlir la, thlasik khaw thiang bo ruak vawt raih mai atang khian in hnenah ngei Van zaipawl chu an rawn zai ve dawn e. Chu chunglam aw chuan malsawmin a awmpui ang che/che u ang a; i Kristmas hman hun ropuiber leh hlawkber a chang mai dawn a ni.
Kumin Kristmas lo thleng tur hi nangmah mamawhtu, i hmanpui mamawh em emtute bulah i hmang em in ngaihtuah ang che.
12 comments:
Com i va han reh rei ve le.
Ka tleirawl laiin phaiah Mizo awm lohnaah ka awm ve tawh ka lung a leng em em ringawt tunge ka ngaih pawh ka hrelo.Lunglen hrelo niin ka in hre thin kha ani a.chu chu khawtlawng lunglen an tih thin hi niin ka hria.
Tunah chuan Jordan lui hnaihah ka awm tawh .thal summerah sangha man in ka la kal ang chu.Pthian zarah kan dam ang a.
Ni e Hmingte reh rei khawp mai, rawn lang leh tan dawn e, iva han tilunglen thlak ve, Jordan lui kamah khan Galilee dil atangin zanah kan tlan thla a,kan tlanna kawng kha Gandhi Memorial Road tih a ni a, kan Gandhia hi ni tak maw!! Jericho leh Dead Sea lam atang khan Jerusalem kan lut chho leh a. I awmna lai chu khawi lai tak kha ni ang maw!! Lo kal leh kan chak teh asin!!
Khawtlang lunglen siper te pawh i lo tawng ve tawh a nih tak chu.
A hma chuan chhim lam ah ka awm a.Tunah chuan hmarlamah ka pem phei Tiberias kan hnaih Jesreel ruam chhak tlangah kan awm.Galili te yam hamelakh (dead Sea)leh Maztada te chu 2007 khan ka fang tawh tunhnu hi chuan hun ka nei ta lo ani e.Londonah in la awm rei dawn em?Mizoram ka chhuah hnuah ka la rawn zin ve ang chu.
Jordan lui kam thla zana eng thla zui mai kha mawi kan ti teh asin! London hi kan awm rei thei tawh lovang, kan retire ve dawn tawh 2012 April hi dan pangngai chuan kan chhuah hun a ni tawh a, chumi thlengte chu kan la awm mai thei e. enge tunah khan a lo zin theih mai lo em ni?
Sum lam hi a buaithlak ber chu anih zel hi maw.Hei kan in sawn a ta langah tum loh lamah sum hman a ngai si a.
Lungleng hnam, nih hi a pawi lo ve. Kan inpawh leh hlutsak zia tilangtu a ni lawm ni ka ti. Chu bakah inlaichinna kan dah sang tih lantirtu a ni ve bawkin ka ngai.
Hmingtea nena in titi Jordan tih vel erawh ka mitthla ve thei rih lo. Ram thianghlim hi lung-tilengtu a nih fona a bo chuang lo!!!
Khawtlang lunglen hi chu a na thin khp mai. Kumin Krismas chu keipoh ka huphurh khop a, mahse i thu sukthlek dan ka lo hmang tangkai ve thei dawnin ka hria a, ka zuam ta sawt mai. Naute nen chuan chhuah theih a ni don si lova, in lamah a nih tur ang takin kan hmang thei zawk dawn a lo ni...
Chhiari lo lang hlawl hian lung ava tileng em, lungleng hnam kan ni bawk a. Naute tharte chu blog lamah tal hian rawn chhuahpui lawp lawp theih nise a thla tal kan va hmu chak ve!!!
Ka lo inrawlh ve lawk:
Krismas hmanpui tur nei lo nula tlangval te u, krismas hi khawhar takin lo hmang tawh suh u. Riangvai te run, hnuchham te tuallenna runah krismas hlim taka i hmanpui thlahlel ngawih ngawih tu an tam a nia. Nula/tlangval i star ruk em em, mahse engah maha ngailo tu che nena krismas hman ai chuan, i khawngaihna thlahlel ngawih ngawihtu te hnenah kal la, nikhat tal an tan hun pe ve teh. Krismas i hmanpui avang khan an damchhungin an hre reng tawh ang che.
caribou - A dik lutuk i ti lawm awm e. Retheih vangte, Damloh vang leh chhan dang vanga Kohhranho zinga Christmas hmang thei lo engzat tak awm ang maw!! Christmas awmzia la hre lote hlei hlei - pakhat tal kan zawn chhuah a, Bethlehema nau piang Isua chanchin kan hrilh theih chuan ava ropui dawn em!!
Krismas a lo thlen dawn lai vel hian, lunglen hi a awl khawp mai! Nikum lam kan hman dan te kan ngaihtuah a, mual min liamsan ta thian leh chhungte kan ngaihtuah a, lung hi a leng vawng vawng thin! A birthday neitu ber Lal Isua Krista duhdana hman hi a tha ber mai!
I dam maw? kan khua i rawn kala min rawn tlawh zawk kha kan lawm khawp a sin , Kan sawi kan sawi che a.
Post a Comment