He thlalak mawi tak mai hi Saituala Salvation army Hlimna In chung atanga khawthlang lam hawia ka lak a ni a. Zoram thla ka lak hrang hrangte zingah mawi ka tih ber a ni. Tlangdung pahnihna hi Seling tlang dung a ni a, a dawt lehah sawn Durtlang leh Aizawl te pawh a lang thei. Hetiang ram hring mawi tak mai hian mit a tihahdam a, min tihlim a, nun a tinuam a, boruak a vawng tha bawk a. Mihring hriselna atan pawh a tha a, ram sate tan a nuamin an nunna a ni bawk a. Vawn that reng atan ava tha em!! A hnuaia mi hi zuangtui Kudam, Sangthankima hovin mi harsate an enkawlna Riangvaite Run lam phei kha a ni a. Salvation army tawngtai tlang pawh chiang takin a lan khi.
Kan lo neih dan hian ram chu a tichhia a ni. Kangvar laiin zoramah kan zin a, a hnuaia mite pahnih hi Karvar thla kan lak a ni. Hman laia kan tih ve fo thin dan mah ni se kan hmuh lohna a rei tawh a, ram ngaw humhalh tulzia hriatna ram leh ngaihtuahna atanga han thlir chuan ram kan tipamhmai chauh pawh a ni lova; a lungchhiat thlak thei hial a ni. Zoram mipuiin thlawhhma atana kan neih tur aia zau zawk ram kan tikangchhe tel zel mai si a. Tumah lah dem tur an awm chuang lova, kum hei chen State sorkar kan nih hnu pawhin a thlakna tur tha kan la hmu chhuak si lova. A thlakna kan hmu chhuak lo a nih pawhin hman lai ram theh leh humhalh ang khan ram kang zau lo thei tur ang bera ram theh te la ni sela a that dawn teh reng nen. A tihdan tha zawk hmuh chhuah chu a ngai a ni.
Kan sorkar hotute tih tur chauhvah dah lo ila; kan Scientist hote, kan Agriculturist hote leh lo neitute tangrual in, thingtlang lo neih dan tha zawk hmuh chhuah tumin beihpui thlak a ngai a ni. Ram hmangaihtute hian ram tak tak hi i hmangaih teh ang u. Tih dan tha nia kan hriat apiang thawh tlang ila, i tangtlang teh ang u, kan zaa mawhphurhna a ni e.
He thlalak mawi tak mai hi Saituala Salvation army Hlimna In chung atanga khawthlang lam hawia ka lak a ni a. Zoram thla ka lak hrang hrangte zingah mawi ka tih ber a ni. Tlangdung pahnihna hi Seling tlang dung a ni a, a dawt lehah sawn Durtlang leh Aizawl te pawh a lang thei. Hetiang ram hring mawi tak mai hian mit a tihahdam a, min tihlim a, nun a tinuam a, boruak a vawng tha bawk a. Mihring hriselna atan pawh a tha a, ram sate tan a nuamin an nunna a ni bawk a. Vawn that reng atan ava tha em!! A hnuaia mi hi zuangtui Kudam, Sangthankima hovin mi harsate an enkawlna Riangvaite Run lam phei kha a ni a. Salvation army tawngtai tlang pawh chiang takin a lan khi.
Kan lo neih dan hian ram chu a tichhia a ni. Kangvar laiin zoramah kan zin a, a hnuaia mite pahnih hi Karvar thla kan lak a ni. Hman laia kan tih ve fo thin dan mah ni se kan hmuh lohna a rei tawh a, ram ngaw humhalh tulzia hriatna ram leh ngaihtuahna atanga han thlir chuan ram kan tipamhmai chauh pawh a ni lova; a lungchhiat thlak thei hial a ni. Zoram mipuiin thlawhhma atana kan neih tur aia zau zawk ram kan tikangchhe tel zel mai si a. Tumah lah dem tur an awm chuang lova, kum hei chen State sorkar kan nih hnu pawhin a thlakna tur tha kan la hmu chhuak si lova. A thlakna kan hmu chhuak lo a nih pawhin hman lai ram theh leh humhalh ang khan ram kang zau lo thei tur ang bera ram theh te la ni sela a that dawn teh reng nen. A tihdan tha zawk hmuh chhuah chu a ngai a ni.
Kan sorkar hotute tih tur chauhvah dah lo ila; kan Scientist hote, kan Agriculturist hote leh lo neitute tangrual in, thingtlang lo neih dan tha zawk hmuh chhuah tumin beihpui thlak a ngai a ni. Ram hmangaihtute hian ram tak tak hi i hmangaih teh ang u. Tih dan tha nia kan hriat apiang thawh tlang ila, i tangtlang teh ang u, kan zaa mawhphurhna a ni e.
5 comments:
Thlalak hmasa leh hnuhnungte khi khaikhin ila, a inthlau khawp mai.Thuchah tha tak a keng tel.I thuziak chhan pawh a tifiah e.
Kan sorkar agriculture department-te hian thingtlang lo neih rau rauah pawh ram tichhe lo zawnga neih dan mipuite min zirtir tam tok em ka hre lo. Hmun nghet neiin terrace farming te hi ching uar ila, hna sen a tlem zawk anga, a thar hlawk zawk ang a, ram pawhin a tuar lo zawkin ka ring ve tawp.
Farming han tih hian buh leh thlai chi hrang hrang bakah sangha/ran vulhte nen tikawp ta ila - ran ek lei tha, bawnghnute, sa, sangha, thlai, buh - a inchawi nung tawn ang a, tangkailo nia kan hriat kan thil hluhlawnte kha a hman tangkaina kan lo hre zawk bawk ang. Hmun khatah 'ecological niche' tha tak kan siam thei ang a,sum lakluhna tha tak leh 'ei bel' kam thei lo kan nei a ni mai!
Ramngaw humhalh hi chu kan tihmahmawh a ni. Heti ang zela kan kal chuan rei kan daih tawhin a rinawm loh.
Hmanlai ang khan a hun bi takah ruahtui kan dawng tha tawh si lo va, chereuna hi a chak lehzual ang.
Durtlang khampang leh a dangahte hian adventure club-te ruaiin hmawng/bung lam hi ching ta vak ila, rei loteah kham ngaw tha tak kan siam theih mai ka ring.
Mizoram Salvation Army pawh hian afforestation lam atan hian hmalak theih kan neih chu ka ring khawp mai.
Zaia leh Fela: Karvar laiin han zin kual ve teh u, ka sawi khan Lo nei mite ka demna chu a ni lo, mahse han hawi kual ila tah a chhuak tawp mai a ni. Thuneituten an ngaihtuah ran a ngai khawp mai. Phul thei lo tura kan ngaih hi a phul thei dawn tlat. In comment pawh a tha a lawmawm ka ti.
Hello. And Bye.
good day bros. I'm honestly into shoes and I have been searching for that meticulous model. The prices due to the fact that the shoes were about 190 pounds on every page. But finally I base this area selling them for half price. I really like those [url=http://www.shoesempire.com]gucci sneakers[/url]. I will probably order these. what can you tell me about these?
Post a Comment