Kathmandu atanga kan chhuah dawn tuk zing kan han thangharh chu ruah a lo sur nasa hle mai a. Khawpui a ri uar uar bawk a. Chhei raw! kan thlawh chhuah tumna khua chu kan ti rilru a, Pathian hnenah tawngtaina kan nei a. Lalpan a hun takah khua min tihvensak a, kan thlawh chhuah chuan a thiang ta hle mai a. Ruah sur khan romei zawng zawng a tlakpui a ni ang chu. Kan thlawk kang chho chuan hnuai lam kan han thlir a, Kathmandu khawpui te chu a lo lang chiang em em a, ka Blackberry thar in thla kan la a.
Khawpui hmuhnawm deuh lai apiang ka la chhunzawm zel a. Thlawhna atanga thlir chuan a chiang duh kher mai!!
Heng laite hlei hlei hi a hmuhnawm ka ti.
Kan thlawk zel a, Himalaya tlang a lo lang tan a, kan dinglam sir zelah chuan a lang var vo mai a. Chumi thlir reng chung chuan kan thlawk zel a. Pathian thilsiam mawi leh ropuizia min hmuh chian tir hle mai. Pathian hnenah lawmthu sawi mawlh mawlh chungin kan thlawk zel a.
Vante khian Pathian ropuiza chu a lantir a, Boruak zau tak hian a kut chhuak chu a lantir thin a - tih angin heng tlang mawi tak tak leh luikawr ruam thuk pui pui leh tlang cham put maite hian siamtu an chawimawiin a ropuizia an tilang thin a ni.
Lalpa a kut chaka min hruai thintu chu Fakin awm rawh se.
Khawpui hmuhnawm deuh lai apiang ka la chhunzawm zel a. Thlawhna atanga thlir chuan a chiang duh kher mai!!
Heng laite hlei hlei hi a hmuhnawm ka ti.
Kan thlawk zel a, Himalaya tlang a lo lang tan a, kan dinglam sir zelah chuan a lang var vo mai a. Chumi thlir reng chung chuan kan thlawk zel a. Pathian thilsiam mawi leh ropuizia min hmuh chian tir hle mai. Pathian hnenah lawmthu sawi mawlh mawlh chungin kan thlawk zel a.
Vante khian Pathian ropuiza chu a lantir a, Boruak zau tak hian a kut chhuak chu a lantir thin a - tih angin heng tlang mawi tak tak leh luikawr ruam thuk pui pui leh tlang cham put maite hian siamtu an chawimawiin a ropuizia an tilang thin a ni.
Lalpa a kut chaka min hruai thintu chu Fakin awm rawh se.
6 comments:
thlawhna tanga lak ni si, a fiah reuh zek mai, hmuhnawm hlawm. Pic 1 & 2 khi Google Earth ami ni awm tak a ni...
Nia ti rawh google earth a mi a ang ve khawp mai, kei pawh ka rin aiin a lang fiah daih a. Himalaya tlang vur vel hian ung a tileng deuh asin:
Thlawkin va leng ila sir va iangin,
aw- a thluk i hre nghal mai lo maw Dini.
Chunglam atang hian a lo chiang deuh zel anihdawn hi le.Ai a sang leh zual atang phei chuan kan nun dan thleng hian lang thei mai tur a sin ha hahahah.
Hmingte ka thlawp a che. Bird's eye view te pawh an ti a ni lawm ni kha!
Himalaya tlang vur var vo mai chunga han thlawh hian, Siamtu ropuizia min ngaihtuahtir nasa.
A mak tih bak sawi dan ka thiam lo.
Ni e ti rawh hmingte - chhosan zel chuan kan kaw chhungte pawh a lang vek ta ve ang. Pu Pachhunga mumanga hmutu khan 'in samzai khat pawh chhiar a ni, tih hi tak tak a nia maw tiin ka zawta a, Pu Pachhunga chuan 'ni teh reng e, helam atanga thil lanchian zia chu langlo engmah a awm lo' a ti e a tih chu.
A mawiin a hmuhnawm khawp mai. Chung lama thlir hi hmuhnawm ka tihpawl niin ka hria, google earth/map te, discovery channel-a bird's eye view te, thlawhna tukverh atanga hnuailam thlirte hi ka nuam tihpawl leh hmuhnawm tihpawl a ni thin.
Mit a tlai e
Post a Comment