Tlangval pakhat sual ve tak mai hi a awm a. Thuhriltu hmingthang tak pakhat thu sawi atangin a piangthar hlauh mai a. A pianthar hnu chuan thuhriltu chu a zui ve ta a. Engemaw chen an in zui hnu chuan ni khat chu khaw pakhat, chu tlangval lo tal hrep tawhna chu an lo thleng a. Chu khuaa mi pakhat chuan chu tlangval an hmuh chuan 'E he, nang khan Thuhriltu ka zui e, i tia maw, i zak chai nang e, i bawlhhlawhzia leh i sualzia leh tenawmzia te kha ka hre vek asin!! a ti ta phiar phiar mai a. Chu tlangval chu a ngawi reng a, Thuhriltu nen chuan an ding dun a. A nakinah chuan a thin a rim ve ta a, a chhang let ve ta, 'nang pawh enge i nih bik, ka hre ve tho che a lawm......' a ti ve ta. Chu veleh Thuhriltupa chuan a kalsan ta a.
Reife an in hauva an in hnial hnu chuan an in thathen ta a. Chu tlangval chuan a Thuhriltu zui chu rawn zawngin a rawn zawm ve leh a. Thinrim tak mai hian 'Mi rinawmah ngaiin ka zui che a, engtinnge kha mi sual pain min rawn hau lai khan min tanpui miah lohva i ngawih reng theih?. engatinge min tanpui lova min kalsan ringawt a'? a rawn ti a. Thuhriltupa chuan 'I NGAWIH CHHUNG ZAWNG KHA CHUAN VANTIRHKOHTEN AN CHHANSAK CHE A, I CHHAN VE CHIAH KHAN AN KAL TA VEK SI A, CHUVANGIN KA KAL VE TA MAI A NI' a lo ti a. Chu tlangval pawh chuan a dik lohna in hre chhuakin, Pathian hnenah leh Thuhriltupa hnenah chuan ngaihdam a dil ve leh ta a ni.
5 comments:
Vawi engzat nge hre hauh lova Vantirhkohte min chhan sak lai ka lo tihbuai tawh ang aw?
Beramno hmulmettu hma a ngawi reng anga ka ang lo, Lalpa hnungzuitu nih hi, zirlai zir zawh tih awm lo a lo ni.
"Be still and know that I am God" rilzia min ngaihtuahtir.
kawng dang pawhin sawi ta ila, ngawih a huna ngawih nachang hria hi mifing an ni mai thinin ka hria, kei ka lo tlak leh duah thin mai pawh a.
Joba 4:16 - A reh thiap a, tin aw ka hria a
Pathian hi gentleman dik tak a ni a, keimahni lam kan ngawih loh chuan a lo tawng duh bik thin lo a ni ngei ang... tiin ka ngaihtuah fo thin.
Thufing 17: 28-ah chuan 'Mi a pawh a ngawih reng chuan mi finga chhiar a ni' a ti asin!!!!
Ngaihtuah a va tithui em! Tha khawp mai! Ka nun min fuihtu a ni nghal!
Ka lawm e.
A va'n tawi fel in, a va tha si em aw? Thiamna nei manglo pawh hian Thiamthu han sawi ve phet hi kan chak thin si a.. Vantirhkoh te hi kan tibuai thin ngawt ang le...
Post a Comment