Rawngbawlna Review neiin Pakistan ni 12 - 21 May thla chhung khan kan tlawh a. Kum 2005 khan kan tlawh tawh bawk a, tun tum chu hma an lo sawn tha hle mai a, sipaite leh Officerte an hlim a, an hmuh a nuam khawp mai. An TC ber thah a nih avanga an rilru thlabarna te pawh tunah chuan a lo ziaawm ta, hotu thar tha tak Canada a mite an nei bawk a, an mite an ngaihsak tha a, an hlim tlangin rawngbawlna pawh a kal tha khawp mai. Business Administrator thar nupa a USA East a mite an nei bawk a. Tunah hian Training Principal tur England a mite nupa an thleng leh chiah, kan lawmpui hle a ni.
Pakistan-ah hian member a lu nunga chhiar chuan 90,000 chuang lai kan nei a. Thlarau lam dinhmunah an nghet tha a, Social work lam an kalpui tha a, Hmeichhe lam rawngbawlna pawh a kal tha khawp mai. Emergency lama an rawngbawl thatna avangin sorkar leh mipui hriat pawh an hlawh hle a ni. Training College tha tak, tuna kan General TC a nih laia an sak, an nei a, a hnuaia mite hi an ni.
A chunga mi hi Chhungkuaa lut fa nei ngah deuhte Quarters leh a vei lam zawk hi an nau awmna In a ni. A tual zawl hi naupang infiamna a ni a. Cadet 39 an nei mek a, an fate nen an lut vek a, naupang pawh 26 an awm.
Training College Compound a tawpa a chhawng chung varandha hungna pawl saw Cadette room a ni a, a kawi lai takah sawn Library a awm a, A kawi lam pawh hi Cadet room tho a la ni. Transport lamah chuan Van pathum leh Car Training Principal hman bik deuh an nei.
Hei hi Administration block a ni a, a lai tak hi Prayer Hall a ni a. Vei lam hi Office leh Class room te a ni a. Dinglam pang saw Choka leh Dining Hall a ni. Principal leh Staff dangte Block lam ka lo la tel lo hlauh a ni, pawi ka ti hle mai.
A chunga mi hi Lahore Fort chung zawl a ni a. A hnuai lam hi chhawng thum a ni a, chumi chung zawlah chuan ground hrang hrang a awm a, thing buk lian pui pui te pawh an awm. Heng hian ka lo hisap thin 'zoram hian Play ground hi a laiha laih zawl aiin Concrete building chung zawlah siam sela kan hlawhtling hma zawk ang' ka tih chu a theihzia min hmuhtir.
A chunga mi hi Lahore Kulh bang chu a ni. A chung zawla awm chuan hnuai a nei ngai ang tih ngaihtuahna a awm lo. Phai zawl zau taka in leh thing, phaitual hnim champut ang hi a ni mai. Thingpui dawr leh Dawr dang tourist te lei chi lam deuh bikte a awm bawk. He Kulh hi Shahjehana Tajmahal sa tu bul tan bawk a ni.
Hei hi Hmanlai Moghul lalten Muslim hote pathian biakna zawl atana an siam a ni a, tum khatah mi singruk an tawngtaiho thei a ni. 
5 comments:
Pakistan chu an lo phuisui ve hle mai, Territory khatah sipa n tam duh khawp ang a.
Ka rin aiin Pakistan Territory-ah chuan Salvationists an va lo tam ve. An Training College te pawh a changtlung hle mai. I sawi ang hian Bomb te a puak zing si a, emergency service SA in kan nei chu an tangkaipui viau dawn nih chu.
Pakistan hi a ram pum ang pawhin tawngtaipui ngai tak an ni e.
ka rin ai deihin an changtlung ka ti, Sipai pawh an lo thahnem hle mai, Lalpa'n hruaiin awmpui zel rawh se.
Sanga; Zaia leh Johna: Ni e, pawn lam atanga an chanchin kan hriat dan rapthlak leh hlauhawm aiin a chhunga rawngbawlna chu a kal tha khawp mai. Missionaryte pawh hlau leh thlabar in an awm lo, rilru ngampa takin rawngbawlna an kalpui thei a lawmawm khawp mai. Executive Officers' meeting te kan nei a, hun kan hmang tha khawp mai. Lalpa chu fakin awm rawh se.
very use ful knoledge thanks keep it up
Post a Comment