Lalpan Mosia hnenah Zahngaihna Dawhkan (Mercy Seat) siam turin a hrilh a. Chutah chuan a rawn bia in a mite a rawn tawk thin dawn a ni tih a hrilh bawk a. A dung leh a vang (a size) leh a chungah Cherub in thla an zar tur a ni tihte lamin a hrilh vek a ni.
Ka naupan lai Chhawrtuia kan awm lai chuan Nilaithawhtan zan hi Naupang Inkhawm a ni thin a. Zankhat chu kan Officer (Captain Saidawla) in Naupang sipai a lut tura min buatsaih laiin thutiam min zirtir a. Chu thutiam chu:
"Ka sual kalsanin tunah Lalpa Isua Krista chu ka chhandamtu atan ka pawm ta. Ama tanpuinain a fa hmangaih leh thu awih ka ni ang a. A sipai rinawm ka ni bawk ang. Mi dangte pawh chutiang nihtir turin ka bei ang. Tawngtai turin, Pathian Lehkhabu chhiar turin leh Ruih theih lam thil reng reng ti lo turin ka tiam e." tih hi a ni a.
"Ka sual kalsanin tunah Lalpa Isua Krista chu ka chhandamtu atan ka pawm ta. Ama tanpuinain a fa hmangaih leh thu awih ka ni ang a. A sipai rinawm ka ni bawk ang. Mi dangte pawh chutiang nihtir turin ka bei ang. Tawngtai turin, Pathian Lehkhabu chhiar turin leh Ruih theih lam thil reng reng ti lo turin ka tiam e." tih hi a ni a.
Chumi zan chuan Zahngaihna Dawhkanah thingthiin Lal Isua Krista chu ka chhandamtu atana pawmin ka inhlan a. Chumi hnu kum engemaw zat hnuah kan lo tleirawl a, Pathian leh hotute duh loh zawng thil kan lo tipalh a, ka Nu-in Zahngaihna Dawhkanah Ngaihdam dila kun turin min tir a. Ka kunin Pathian ngaihdamna ka dil a, min ngaidam ngei a ni tih pawh ka hria a.
Hun a lo kal zel a, Lalpan Rawngbawl turin min ko ta a, chu chu 1967-ah a ni a. Salvation Army House to House Campaign group a ka tel venaah a ni nghe nghe a. Zan a rei tawh hle mai a. Zanlai a ni tawh a. Chumi zan la la chuan Zahngaihna Dawhkanah kuna Pathian biak tulin ka hria a. Kan Biak In kan khuaa tlangsang ber Bungtlanga awmah chuan han kalin Zahngaihna Dawhkanah chuan " Lalpa, Aw le" ka han ti ta a ni.
Kum engemaw chen rawngbawla kan awm ve hnuah kan Biak In chu a hmun ngai atanga sawn a lo ni ta a. A hmun hluiah chuan Chhawrtui Water Supply Tuizem lianpui pui mai dah a ni a. Chumi sirah chuan ka inhlanna hmun a ni tih hriat reng nan Chhawrtui khuain Zahngaihna Dawhkan Cement in min siamsak a. Kan Zahngaihna Dawhkana in ziak ngai te bawk 'Sim rawh u Vanram a hnai tawh e' tih an ziak a. Chu chu ka Bethel hmun pawimawh tak a lo ni ta a ni. Chhawrtui ka kal apianga ka tih hmasakber chu, Chumi hmuna han kala Lalpa pawlna han neih chu a ni. Zahngaihna Dawhkan hi a hlu a ni, i ngaipawimawh ang u, Chutah chuan Lalpan a mite a tawk thin si a.
Hun a lo kal zel a, Lalpan Rawngbawl turin min ko ta a, chu chu 1967-ah a ni a. Salvation Army House to House Campaign group a ka tel venaah a ni nghe nghe a. Zan a rei tawh hle mai a. Zanlai a ni tawh a. Chumi zan la la chuan Zahngaihna Dawhkanah kuna Pathian biak tulin ka hria a. Kan Biak In kan khuaa tlangsang ber Bungtlanga awmah chuan han kalin Zahngaihna Dawhkanah chuan " Lalpa, Aw le" ka han ti ta a ni.
Kum engemaw chen rawngbawla kan awm ve hnuah kan Biak In chu a hmun ngai atanga sawn a lo ni ta a. A hmun hluiah chuan Chhawrtui Water Supply Tuizem lianpui pui mai dah a ni a. Chumi sirah chuan ka inhlanna hmun a ni tih hriat reng nan Chhawrtui khuain Zahngaihna Dawhkan Cement in min siamsak a. Kan Zahngaihna Dawhkana in ziak ngai te bawk 'Sim rawh u Vanram a hnai tawh e' tih an ziak a. Chu chu ka Bethel hmun pawimawh tak a lo ni ta a ni. Chhawrtui ka kal apianga ka tih hmasakber chu, Chumi hmuna han kala Lalpa pawlna han neih chu a ni. Zahngaihna Dawhkan hi a hlu a ni, i ngaipawimawh ang u, Chutah chuan Lalpan a mite a tawk thin si a.
4 comments:
Com i ti trha e.pu Kangliana min hriat chhuah tir Chhawrtui i sawi apiangin.
Zahngaihna dawhkan hi kei pawh ka ngaih pawimawh em avangin an hawn nazawngah hian ka kun na zen duh lo reng reng, ka kun-a thu ka tiam anih chuan ka ngai pawimawh hle bawk thin. I inhlanna hmun tha taka an la vawnsak che hi i vannei hle mai.
A ropui hle mai. I khuate pawh chu an bengvarin an chawimawi thiam hle mai che. Mahni khaw mi leh sate tana mi chhuanawm i nih theihna chhan pawh hi khatih laia helai hmuna Pathian rawngbawl tura i inhlanna rah a ni tih a fiah hle mai.
Zahngaihna Dawhkan hi eng atan bera hawn nge a nih thin? India Eastern Territory-ah khi chuan kan hawng zau thinin ka hria - sual simte, zawngtute, lawmthu sawi duhte, siam thar lehna chang duhte, rawngbawl tura tirhchhuahna leh inhlan nan te leh midangte tana dilpui nan te thlengin. Zambia Territory-ah hi chuan "Sual Puang Duh leh Ngaihdam Dil Duhte" tan ang deuh hian an hawng thin a, kal pawh an tam lo, kal awm miah loh tum a tam zawk. Kal chhunte lah hi a hynu thlengain Local Officer leh CO hoin an chhhuih zui bawk.
Hei hi a tha ber em ka ti thin. Mipuiin a kalte chhunte hi an 'stigmatised' deuhin ka hre leh nghal. He hun hi mihlim tawng takin a 'nung lo' thin khawp mai, an kalpui dan a fuh loh deuh vang a ni thei em? India Eastern Territory-a kan tih dan khi a tha ka ti, kan Officerte lahin zawngtute an lo support tha bawk si a. Hma an hruai thinte khi a tha.
Kum 1990 kum khan kei pawh ka in hlan ve tawh antismoking sunday a ni nghe 2 a meizial zu tawh lo tur in an hawng a an intiam sup 2 ka awilo hlawm khawp a .atawp 2 ah chuan zial zu lo tur in kan intiam ve a vawiin ni thleng hian ka zu leh toh lo.Thil intiam ve tawh chuan trhat pon trhap pui tawp chhiat pawh in chhiat pui top mahni ni thil tih toh ah chuan tawp si ngam tlat mi ka lo ve khang lang si a.
Post a Comment