(Vaiva kawn field leh a chheh vel, Chief Minister tual atanga lak)Thianpa Fela zarah zoram lam chanchin up-to-date tak tak kan lo hre ve zel a. Kum 2009 Christmas leh Kumhlui thlahna leh a thar lawmna te pawh a ni ang chu, Halpuah telovin zoramin an hmang a ni tih hriat hian thil tam tak min ngaihtuahtir.
Pakhatnaah chuan tun tum kan sorkarin hma an la chak tawkin, a thawktute pawhin sorkar thupek an kengkawh tha a ni tih a lang. Kum dangah kha chuan 'a khaptuten an man khawmsa an fate tan an hawn a, an hal tho' tihte kha a ri nasa hle thin a. Tichuan Christmas-ah a reh ve deuh pawhin Kumhlui thlahna leh a thar lawmnaah chuan Zanlai Inkhawm pawh tih mumal hleih theih loh khawpin a bengchheng mai thin kha a ni a. Kumin chuan Zanlai inkhawm pawh a hun takah tibuaitu bengchheng awm lova hman a ni chu a lawmawm hle mai.
Pahnihnaah chuan Zoram mipuite hian zirtirtu leh hruaitu tha kan neih chuan thu kan la awih a ni tih a tilang. Zirtir theih kaihhruai theih kan la ni a, chhan tlak kan la awm a ni. Kan sorkarten thil tha tam zawk min zirtirin min hruai zel se, hmasawnna kawngah chak takin kan kal theih a rinawm.
Tunah chuan Insak dan hmangte pawh Dan mumal tak siamin kalpui a lo ni ta a. Hetih rual hian zoram hriselna atana pawimawh em em chenna inte pawh hi thlir tel ni se a tha ngawt ang. A bikin Mi luah tura insak leh kan in inluahtirte hi Sorkarin Dan hmangin khuahkhirh sela ka ti hle mai. Tuna Kan In inluahtir tamtak hi chu mihring khawsakna tur awma ngaih a ni lo. Choka, Bed room, sitting room, mumal engmah a awm lova. Ek In leh tuikhawihna hmun mumal a awm lova, heng hian zoram hriselna nasa takin a tichhia a. Kan rilru leh ngaihtuahna pawh a tihniam a ni. 'Mi luah tura in sak chuan Choka, Dining room, Bed room, living room leh Ek In tha tawk a nei ngei tur a ni a. Sorkarin approval a pek loh chu tumah luahtir theih a ni lo' tiin Dan han siam hmak mai sela, kan khawsakna chu a thangawkin ka ring a ni.
Mizote hi kan tlem a, India ram state-ah mihring thawlber dawttu kan ni a. Kan in luah dan hmang te, Dawr luah dan hmangte hi Dan mumal awmin, changkang zawka siam chu nise India ramah hian state dangte tan kawng hrang hrangah entawn, zirtirtu ni thei turin kan ding chhuak thei. Vai rama mihring bit lutuk tihngaihna awm tawh lo rama an awm dan entawn lovin, kan bul hnai, hnam tawp tak nia kan ralrin ringawt Bawteho kan tih Bhutan te hi i thlir teh ang u. India ram nen a inrina atangin a danglam nghal a, an khawlai a fai thianghlim em em a, an in leh lo sak hmang a fel fai a, entawn tlak an ni. Ram thianghlim Sap ram leh Japan ram chanchin te hahipin kan sawi a. Chung chu kan ramah hian kan ti ve thei, kan sorkar chaktak hian hma han la sela mipui ten lawm takin i zawm teh ang u, keimahni hriselna tur, mawina tur leh hamthatna tur vek a ni si a.
Kum thar 2010 kan chuankai hian kan ram hmangaih em em Zoram hian hetiang hawi hian ke pen se ka va ti em!!!!
13 comments:
A point pahnihnaa i sawi khi a dik lutuk tlat. Mizote hi kan thatchhe lo a, kan zelthel lo a, kan luhlulin dan zawm hi kan hnial hek lo. Role model tha kan tlachham mai zawk a ni, zirtirtu leh hruaitu example nena min kaihruaitu kan mamawh mai zawk a ni.
Kan Sorkar pawh Pathianin finna, chakna leh theihna pein kaihruai zel rawh se. Hmangaihna a laiah nen.
Nia Zaia sawi hi thu dik tak ani kan zoram ah dan in zah a hlawh loh van leh dan pal zut thei an tam avang leh awmzia a neih loh vang ten tin thawh hah in awm zia aneih loh vang ten mi an sual in an thatchhia in dan zah loh ah an ram trang mai zawk ani.
tin inluah chungchang kha a dik mai nilovin a tul ngawih 2 .in kan luah in hak lai leh ei bungbel bak neih a nagi lo han in sawn dawn hian thil kan nei tlem thei rap .Zoramah chuan engkim neih a ngai poh hi a buai thlak .
Aizawl Development Authority (ADA)in kaihhruaina an siam a, in sa tur reng rengin zawm tur a ni. Hei pawh hi an zawm tha hlawm hle, zawm lo tlem an awm a, chungte pawh chu thiahsak an ni.
Commissioner sawi ang hian inkaihhruaina tha leh inzirtirna a awm phawt chuan, sorkar lamin an thupekte an kenkawha an bawhzui that phawt chuan mipuiin sorkar hmalakna hi kan la zawm tha thei hle a ni.
Zaia: Hruaitu tha leh dik dila kan tawngtai a tul khawp mai.
Hmingtea:Ni e, Mi rama awmin rual awh a na zual; Chhura chengkek lo thei lo ang maia 'Naa chu ni se heti hian a ti tur tia kuaikura thlah leh thin' hruaitu kan nei thin tihna a maw ni teh reng le.
Fela: Zoram kha kaihruaitu tha, Dan leh dun siam a, kengkawh ngam dila tawngtai a tul a ni e.
@com ram hmangaihtu dik leh huai hi kan mamawhna a rei tawh a awm poh an awm mai mahna mahse chung ai chuan selfish tak a kan mimal hlawkpui tur ang chi ho him kan thlang deuh zel zawk niin ka hria
Tin Chhura chengkek lo ang chiah chu kan nia lom .tuna a kei ve teh mai hriat leh apply ve theih tur zoram lam hmasawnna tur ka hriat ve ringawt beihtham te te pawh hi hmang ta ilang chuan zoram ah chaun zia phahna uar 2 chu kan pai ve tawh ngei ang har lem lo fin vak poh ngai lo thiam san vak poh ngai lo tam tak hmasawnna tur ti ten ka ngaihtuah ve trhin
@com a dik a chunga ka coment khi kan anonymous a nih khi
Hetianga hmala nghal thei sorkar hi neih a chakawm. Mahse lal hi a nuamin a thlakhlelh awm hmel si a, mipui lungawina tur zawng a nih loh chuan party te hian an ti ngam mai lo ang a. Vote hmuh thatna tur lam hawi a nih leh nih loh hian kawngro a su tlat thin si. Thil tha leh ram hmasawnna ai chuan lalthuthlenga thut rei theihna tur thil hi kan ram hruaitute hian an zawng zawk fo lo maw?
2ZL a dik chiah mai ti raw mahse ram hmasawn na ni bawk vote hmuh na ni bawk tam tak a awm a sin .hmasawn tak tak tur chuan tuna kan kal dan khi paih vek a thar thawh leh a ngai tawh ni ber in ka hria .In buai a reh toh maw TV lam ah Sri lanka tih ka hre ngai ta lo ve hahahah
@ Hmingte- Kan buai a reh tawh a, inthlan buaiin an buai thung. President tur 26 January hian thlan a ni dawn. Campaign ngawrh lai a ni.
I inclination not concur on it. I assume precise post. Especially the title attracted me to review the unscathed story.
Anonymous: be advise to read older post under the heading of 'ZORAM TANG FAN FAN'
Amiable dispatch and this post helped me alot in my college assignement. Say thank you you as your information.
Brim over I agree but I dream the list inform should have more info then it has.
Post a Comment