Thlasik vur daifim hnuaiah;
Bethlehem bawng in tlawmah,
LalKrista a lo piang ta;
Van mipuiten an rawn thlah,
Kan sual min tlan tur;
Lei leh van lal ni mahse,
Chham ang zalna ranthleng a lo ni.
Christmas khawvel hun pui pawimawhber kan thleng leh ta. Pathian hmangaihna rawn intihniama khawvel sual hmangaih taka a fawhna hun chu. He hun tluka khawvel mihringte hlim kimna hun hi a awm lo vang. Chrsitian leh Christian lo pawhin kan nghakhlel tlang theuh niin a lang. Kan nghahlelh dan erawh a in ang lo thei e. Aizawlah chuan Bazaar an khat lui lui a. Kan bazar na chhanber chu thawmhnaw mawi lei niin a lang.
Sap ram chu ei leh in leh party buaiin an buai a ni ber. Sum dawnna hmun zawsng zawng an cheimawi a. Dawrpui hmun leh khawlai cheina te chu an mawi thei khawp mai. Heng karah hian Bethlehema nau piang Isua lawmna thinlung pu hmuh tum ta ila zawn ngial a ngai awm e.
A hnuaia mi hi Israel rama Ran chaw pekna thleng, hman lai Isua hun lai vela an hman thin an hmuh chhuah a ni a. Isua an muttirna pawh kha hetiang hi a ni zawk mai awm e.
A pianna hmun tak nia an sawi, Bethlehema Biak In an sak hnan 'Ranthleng' an tih lai tak chu hei hi a ni.
German ramah chuan khawpui hrang hrangin Christmas Market an siam a. Rhine luiah Lawng lianpui mai pakhat chu Christmas marketah siam a ni bawk a. Heng market zawng zawngah hian mihringte inthuam mawina tur thawmhnaw lam reng reng zuk zuar ve hauh lova. Ei leh Ina intihhlimna tur lam chi pawh a awm lo. an thil zawrh reng reng chu Isua piang min hriatchhuahtir thei tur a hun laia an hman rua lam hlir a ni. A hnuaia mi hi an market pakhata an thil zawrhte chu an ni. Christmas kan thlir dante hi a in ang lo hle hlawm mai. Chatuana ka damna tur Fapa min pek avanga Pathian hnena lawmthu sawina hun, chumi avanga lawmna thilpekte kan inpekna hun, Pathian hmangaihna kan puan chhuahna hunah i hmang teh ang u.
8 comments:
Lal piang lawm theuh theuh hi kan lawm dan leh hmuah dan a in ang lo thei hlawm khawp ang.
Keini chu Family Day an ti daih a, chawhma inkhawm te chu kan nei ve ang a, a bak chu mahni in lamah an hmang vek ang a, keini chhungkua chu kan khawhar viau mai thei a ni...
Din: In va khawngaihthlak dawn ve a!! lo zin daih rawh.
in chhungkua chu i van in thurual duh dawn ve
com pic i nei trha ve a
E khai, khilam chu Masi in lo hawi nasa tawh hle mai. Capt Dini sawi ang hian Equator chhimlam (Southern Hemisphere)a awmte tan chuan Krismas thawnthu leh a boruak hi a inhmeh ve thei tlat lo. Kan Nipui/Fur lai a ni a. Buaithlak tak a ni, nipui/fur laia piantir tum chu!
Hetah chuan a thihna Good Friday kan la urhsun zawk. Ram palailengah ni 4 chhung riahchilhin kan hming thin.
Kumin Krismas erawh kum dang zawng aiin kan la urhsun ve dawn a ang. Kan C.O. Major Beryl Pierce hi American a ni a, ani phurna zarah ruai vawi khat chu kan theh ho ang. Kan tih dan erawh a dang deuh dawn a, ruaithehna hmunah hian mahni neih ang ang kan keng khawm ang a, kan eiho mai dawn a ni awm e. Naupan laia chawei khawm ang deuh khan. Keini chhungkua pawhin Ar pum 2 leh Kel pum khat chu kan thawhchhuahpui ang.
CHRISTMAS CHIBAI U.
Hmingte: I ti dik khawp mai, rawngbawltu tan nupuite sum dawnna lam sawipui ngai awm lo hi malsawmna a ni.
Thiama: A ni dawn tak maw, South India ah mai pawh in hmehlo kan ti a, thlan tla hluam hluam a, Krismas Carol kan han nei mai chu zopa thinlungah a in hmeh thei hlawl lo. Thlasik vur daifim karah tih nak a laia ruahpui a sur tluk tluk a, kawr phelh tung a ngaih mai si chuan. Ni 13 Chawlhni khan U K Mizo ho pawhin chaw keng khawmin kan hmang asin. Chhungkaw awm ho zawngin chaw leh chawhmeh kan keng a, single ho kan phut lova, mahse in tur, biscuit etc an rawn keng ve tho va. Mi 75 vel kan kal khawm Salvation Army Balham Corpsh kan hmang.
bethlehem ah chuan 15dec khan mass an hmang tran tawh khua a vawt viau ang ruah a sur buaina a awm lem rih lo
Merry Christmas from Chennai!! In ngaihawm khawp mai...
Hmingte: Christmas hmannaah chuan i va tel ve hman lawm ni, Sabath chauhva inkhawm lovin - Christmas te chu va chhim ve la.
Anonymous: anon chu a ni na lung i va tileng tak ve, Madras kha kum 6.6 kan awm a kan ngai thei khawp mai, tu tak ni che maw le!!!!. Engpawhnise i tilawmawm e.
Post a Comment