Sialhawk khua hi In zali chuang an ni a, Biate leh Khawhai inkara awm a ni. Nikum Zorama kan chhuah lai khan an khawtlang hruaitu Village Council president leh Salvation army Corps awptu Kross sipai Lalnghinglova te lo kalin Tuizem min rawn dil a. An khaw tui harsatzia lantir turin Video film an siamte an rawn keng bawk a. An film siam han thlir chuan uchuak deuhva chan chawpte pawh a anna lai a awm a. Engpawhnise khawtlang hruaitute meuh lo kala an mamawhzia rawn sawi chu theihtawp chhuahin THQ pawhin rawn dilpuiin project-te siam a ni ta a.
An Project leh an film siamte chu United Kingdom territory hnenah pek a ni a. Annin sum lo khawnsakin Project chu tihpuitlinsak an ni ta a. Kuminah hian Corps Cadet Khawmpui hmang turin kan chhuak dawn tih hriain chumi ruala hawn theih tur chuan an tuizem siam chu an lo zo ve a. A hawng tura min rawn sawmna chu ngaipawimawhin kan han kal a. Tui harsatzia chu kan mit ngeiin kan han hmu ta a. Project siamsak tlak an lo ni ngei mai. An khawthlang hi In 400 chuang an ni a, chu chuan tui pump pali an nei a. An tui pump khawi mah hi tui tamtak a awm lova. Tin khat pump tur pawhin hun a duh rei em em mai a. Pump centre tinah hian Exercise book an dah a, tin dah apiangin hming ziah zel tur a ni a, an pump zawhah thai chhiat leh zel tur a ni bawk. Zing dar rukah Tin dahten tlai lam dar li-ah an pump thei chauh a ni. Heng Tui pump te bak hi Tuikhur chawi tur a awm miah lo bawk.
An Tuizem lo siam chu feet 20 diametre a thuk lam Feet 12 a ni a. Chu aia te deuh chu Salvation Army Biak In kawtah siam a ni bawk. Heng Tuizem pahnih mai hi chu a khatin tui lo awm thei pawh nise chhungkaw zali chuang tan chuan a tawk lo hle a ni. A aia lian siamsak theih atan an tha hle. An khawtlang hi an lawm thiam khawp mai a. Kan thlen ni chuan Salvation Army bakah khawtlang hruaitu hrang hrangten parthi nen min lo hmuak a. A zahthlak thei hial zawk a ni. A tukah Tuizem hawnna leh hlanna Inkhawm neih a ni a, ruai te theh a ni hial bawk a. Pathian Biak Inkhawmte kan neih bakah Nilengin upa hote nen inkawmna hun tha tak kan nei a ni.
4 comments:
Sialhawk water project hi a hlut tehreng nen, Zoram lamah hian kan tiri lo lutuk a. A thlalak pawh hei hi ka vawikhat hmuhna a ni. Vantlang tana kan thawhna hi tihlan a ni lo leh thin hi a pawi khawp mai. An mamawh tak ngaihtuahsak theitua in tang hi in vannei khawp mai.
Fela, i ti dik khawp mai, TC ho kha kan ni a, DC te pawh kha an awm a, report Tlangaubu a mi turte pawh an pe ang chu ka lo ti mai a. Nachang hriat hi a pawimawh a, an lo hre lo a ni ang a. Thlalak chu ka neih ang ang ka han thawn ang che. Completion report te pawh an mamawh tur kha a ni a. Chung em em chu hriat ve awm tak lah ni.
" Tui in tur min pe rawh u " ti tute kutdawh saka an tui in tur dahkhawmna Tuizem tha tak mai sialhawk a in siam sak thei hi a lawmawm hle mai. Sialhawk hi zoram khuaah chuan Tuilak emaw Tuizem emaw mamawh ber te zing a mi an ni. Sipai Tlangau mai bakah All India War Cry ah leh All the World ah pawh lang theise a tha ngawt mai.Khawtlang mamawh tak petu leh hawnsaktu in ni thei hi kan lawmpui tak zet che u a ni
Sipai pawl te rawngbawlna ah hi chuan thlaraubo chhandamna tura khawtlang kan ngaihsakna kan lantir hi chhuanawm berin ka hre thin. Sialhawk khua tana kan thiltih hi ka chhuang em a, ZOAR ah pawh i ziah atang hian ka lo chhuah chhawng a nia o
Post a Comment