The Jordan

GO AND DO LIKEWISE

2010-11-30T11:33:00.000-08:00

The parable of Good samaritan is not the matter of who is my neighbour; It is the matter of whose neighbour I am. Jesus said to the Lawyer “Which of these three do you think was a neighbour to the man who fell into the hands of robbers” the Lawyer replied “The one who had mercy on Him”. ‘Go and do likewise’ Jesus said. ‘Go and be a neighbour to everyone who needs your service’ but don’t pretend. Be honest.

LUNGLEN LEH KRISTMAS

2010-11-19T01:22:00.000-08:00

Mizorama kum sarih lai Missionary-a rawn awm, Scotist mi James Kennedy-a khan 'Mizo hi lungleng hnam in ni, khua a that leh lungleng in ti a, khua a chhiat leh lungleng in ti bawk a' a ti e, an ti a. A dik hmel khawp mai, Mizo hian lunglen hi kan hre hle a ni. Hnam dang pawhin an hre ve ang, mahse kan hre zual deuh bik a ni awm e.

Kan lunglenna chhan thenkhatte chu: 'Nun hlui thlir leh dawn changin, Mahni khua lova awm a chhung leh khat leh then leh rualte hmu phak lova awmin, Hmangaihte nen inthen ni leh in awmbosanin, Sulhnu hlui fan changin, Hla lungtileng tak thiante nena kan ngaihthlakho thin play changin, Ramhnuaia kala Rengchal a lo kiu vang vangin, Ruah a sur cherh cherha in chhunga kan tawm mai maiin, Tlai ni tla turin kan ral tlang dul deuh riai a a chhun en raihin, Kan hmangaih chatuan rama min kalsan tawhte sulhnu en chang leh an kal ni cham lo thlenin, Khawtlang lunglen leh Hunpui a lo thlen dawnin; a bikin Christmas a lo thlen dawn a, mahni khua atanga hla takah hmanpui tur mumal tak nei lova kan awm changin. Heng hi kan lunglenna chhan leh hun tlangpuite chu an ni awm e.

Upa chuan Khawtlang Lunglen natzia hi an sawi thin a. Ngaihbik pawh nei chuang lovin an thil hmuh tlang leh lui kawr ruam, mihring chenin an lung a tileng em em ringawt mai thin a; an tap vawng vawng mai thin a ni an ti. Chutianga mi an awm chuan upain an thih a hnai a ni e, an ti thin. Hei hian Mizote hi lungleng hnam kan nihzia a tidik viau awm e.

Mizo Kristiante tana hun ropui ber Christmas a lo hnai leh ta, mahni khua atanga hla te khuaa awm, hmanpui tur mumal tak pawh la siam fel thei lo leh nei lote khua a harin lung a leng tan leh tawh ngei ang. A awm khawp mai!! Mizote hian Kristmas hi kan hlut em a, naupan lai leh vanglai huna kan hman dan hlimawm leh nuam kan tih em em sawi tur nei vek kan ni si a. Kristmas hman thin dan sawi chuan tawng kan in chuh nak nak thin a nih si hi!! Chuvangin he hunpui ropui tak mai lo thlen dawna lung a leng ruai mai a, kan hnim deuh ruih mai thin hi in dem theih ngawt pawh a ni lo ve, Lungleng hnamah kan lo piang bawk si nen!!

Engpawhnise, Rawngbawlna vang emaw, mahni hna tul vang emaw a khawhar taka hman a tulna hmunah kan awm si chuan ngaihtuah dan i thlak thleng teh ang u. Christmas hmasaber zana Mary leh Joseph-a te hun hman khawhar thlak dan tur kha i ngaihtuah teh ang. Mipui tamtak zingah khawhar em emin an hun an hmang a. A khawhar thlak mai pawh a ni lo, mi duh loh khualbuk atanga hnawh chhuah, ran thlunna Bawng zun leh ek hing hum hum karah Pathian Fapa, khawvel sual tlantu lo piang chu an sawngbawl dun a nih kha. Ava zahthlak dawn em aw!!! Chutia khawhar taka an awm lai chuan Berampu mi hmuhsit leh Phula an Beram riah chilh mektute hnenah Van lam zaipawl an lo lang a. 'Chungnungberah Pathian ropui takin awm rawh se, Lei chunga a lawm em em mihringte hnenah rem thu leng rawh se' an rawn ti hem hem mai ve thung si a nih kha.

Kumin Kristmas khawhar taka i hman dawn chuan hei hi ngaihtuah teh: Kristmas i hmanpui mamawh ngawih ngawih te bulah i awm tih hi; chu chauh pawh a ni lo, khawhar taka i hman a, Pathian Fapa Isua lo pianga chu i biaka i chawimawi mek lai khan tute hnenah emaw Van zaipawl an lo zai ve ngei dawn a ni tih hi. Chung mite chuan rei loteah an rawn zawm ve ang che. In ngaituah lungleng khawharin vui duh suh, rinnain chung lam thlir la, thlasik khaw thiang bo ruak vawt raih mai atang khian in hnenah ngei Van zaipawl chu an rawn zai ve dawn e. Chu chunglam aw chuan malsawmin a awmpui ang che/che u ang a; i Kristmas hman hun ropuiber leh hlawkber a chang mai dawn a ni.

Kumin Kristmas lo thleng tur hi nangmah mamawhtu, i hmanpui mamawh em emtute bulah i hmang em in ngaihtuah ang che.

CHHAWRTUI TUIKHUR -V- TAJMAHAL

2010-09-11T05:20:00.000-07:00

Tajmahal nge ropui i tih chhawrtui Tuikhur (Khurpui) an tih khi? tiin min zawt ta sela, Chhawrtui tuikhur (Khurpui) le, tiin ka chhang ngei ang.

Chhawrtui tuikhur leh Tajmahal hian in anna an nei. A siamtute hian an nupuite puala an siam ve ve a ni. Tajmahal chu Shahjahan an a nupui Mumtaj a hmangaih em em hriatrengna atana a thlan In khawvelin mawi an tih tur a siamsak a ni. Chhawrtui Tuikhur (Khurpui) erawh hi chu Chhawrtui Neihlalan a nupui a hmangaih em em Tuanpuii chawi atana a chhun chhuah a ni. Shahjehana chuan Tajmahal hi mi thiam rualte ruaia a sak a ni a. Chhawrtui Tuikhur erawh hi chu Chhawretui Neihlalan ama kut ngei thawh a, a chhun chhuah a ni a. Eng hmanrua nge a hman kan hre lo, tha engzat nge a sen a, engchen nge a duh kan hre lo.

Chhawrtui Neihlalan nupui Tuanpuii a nei a, a hmangaih em em mai a. Amaherawhchu vanduaithlak takin a nu in a duhpui lo tlat mai a; then leh se a ti a, chuvang chuan a tihretheihsak em em mai a. A ram hna thawhnaa thosi sehna bawlte chu 'Phar i nih hi i tenawm e' te a tihsak thin a. A Tui chawi te chu 'Vawk bual tui ka in duh lo' tiin a lo leihbuaksak thin a. Tuanpuii tan chuan awmngaihna a awm lo; mahse a pasalin a hmangaih em em a ni tih a hria a, a tuar tang tang a.

Chhawrtui Neihlala chuan a nupui chhan chhuah nan a tui chawi tur Tui thianghlim laih chhuah a tum ta a. Tuna Chhawrtui tuikhur (Khurpui) an khaw lai taka awm hi, a nupui Tuanpuii chawi atan liau liau a chhun chhuahsak ta a ni. A thuk lam feet nga lai a ni a. Lung tal tha tak mai khamphei ruih mai chu a lai takah a ker ta ngat ngat a. Feet nga lai a ker hnuah chuan a mawng atangin Tui thianghlim elkhen a rawn chik chhuak ta a ni. Chhawrtui Neihlala hian engtinnge hetah hian tui a awm tih a hriat ni ang le. Lalpan a nupui a hmangaih chhan chhuahna tura a inpekna mal a sawm a nih a rinawm e. Hagari tui tla chham a fapa thi tur en ngam lo hnena tui petu lalpa bawk khan a lo pe a ni mahna. A tirah chuan a chung khuh nan Lungphek hlai tak hman a ni a. Kum 1955-ah khan Lungrem thiam tak mai (tute tih ka hre reng ta lo, kan naupan lai a ni a) khaw dang atanga lo kalin tuna a chung hi an rem pum a ni.

He Tuikhur hi a mawng chu Mizo Fianthlir a suah nuam tawka zau chauh a ni a. Tui hi a tam lova nghahtlin chawp zel ngai a ni a. A thuk em avangin Fianthlir a zuk suah phak a ni lova. Fian chu Mau feet li emaw velin an zawm a, chu chuan an zuk suak thin a ni(A thlalak a a lan ang hian). Mizoram Tuikhur Fian liang zawma suah ngai awm chhun a ni hial awm e.

He Tuikhur atanga hla vak lovah, Tuichang lam kalna Arro leh Khawzawl lam kalna kawngah chuan Tuani tlang leh Tuani Lungphunte an awm. He tuikhur hi Mizo pipute sulhnu (Land Mark) kan neih zingah chuan a tluka ropui leh hlu hi awmin ka hre lo. Chuvangin khawtlang leh Sawrkar tangrualten mawi takin chei ni sela, a hmun hmate chei tha in, a bulah hian Khual buk te siam ni bawk sela. Nupa in hmangaihna tithar duhte tan hmun pawimawh kan pan huai huai tur a ni ngei ang.

PUT ON THE NEW SELF

2010-08-29T13:49:00.000-07:00

"But now you must rid yourself of all such things as these: anger, rage,malice, slander, and filthy language from your lips... and have put on the new self, which is being renewed in knowledge in the image of its creator" (Collosians 3:8 - 10 NIV)

One day a scorpion wanted to cross a river that was very wide and fast flowing. By that time a large frog came hopping. The scorpion called him and asked him to carry him across the river and prmissed to show the place where there were many insects to eat. The frog said, "No, I know all about you, you are a treacherous creature and you kill everyone with that powerful sting in your tail." But the scorpion pleaded and persuade him. The scorpion climed on the Frog's back and the frog leapt into the water. thu current was strong but the frog swam hard and managed to battle his way through. They reached half way before the scorpion suddenly decided to break his promise and with a flash of his tail stung the frog with his deadly poison. The frog became paralized and was unable to fight against the current. As they both started to drown and sink the frog gave a final questioning glance at the murderer as to ask why he did this for he didn't see any reason. The Scorpion apologizes to his victim with his final breath - "I could not help it, It is my nature".

It is such a nature that needs to be refined. The human nature, as seen in the Bible portion unless refined by the blood of Jesus, is like that of the scorpion. The sweter they speak, the nature that is not refined or changed by the power of God, becomes more perilous. We cannot help ourselves but Jesus can. Submit yourself to him without any reserve and allow Jesus to renew your soul and your whole life. He will change you and you will never be the same.

VANTIRHKOHTEN AN CHHAN SAK CHE

2010-08-13T02:12:00.000-07:00

Tlangval pakhat sual ve tak mai hi a awm a. Thuhriltu hmingthang tak pakhat thu sawi atangin a piangthar hlauh mai a. A pianthar hnu chuan thuhriltu chu a zui ve ta a. Engemaw chen an in zui hnu chuan ni khat chu khaw pakhat, chu tlangval lo tal hrep tawhna chu an lo thleng a. Chu khuaa mi pakhat chuan chu tlangval an hmuh chuan 'E he, nang khan Thuhriltu ka zui e, i tia maw, i zak chai nang e, i bawlhhlawhzia leh i sualzia leh tenawmzia te kha ka hre vek asin!! a ti ta phiar phiar mai a. Chu tlangval chu a ngawi reng a, Thuhriltu nen chuan an ding dun a. A nakinah chuan a thin a rim ve ta a, a chhang let ve ta, 'nang pawh enge i nih bik, ka hre ve tho che a lawm......' a ti ve ta. Chu veleh Thuhriltupa chuan a kalsan ta a.

Reife an in hauva an in hnial hnu chuan an in thathen ta a. Chu tlangval chuan a Thuhriltu zui chu rawn zawngin a rawn zawm ve leh a. Thinrim tak mai hian 'Mi rinawmah ngaiin ka zui che a, engtinnge kha mi sual pain min rawn hau lai khan min tanpui miah lohva i ngawih reng theih?. engatinge min tanpui lova min kalsan ringawt a'? a rawn ti a. Thuhriltupa chuan 'I NGAWIH CHHUNG ZAWNG KHA CHUAN VANTIRHKOHTEN AN CHHANSAK CHE A, I CHHAN VE CHIAH KHAN AN KAL TA VEK SI A, CHUVANGIN KA KAL VE TA MAI A NI' a lo ti a. Chu tlangval pawh chuan a dik lohna in hre chhuakin, Pathian hnenah leh Thuhriltupa hnenah chuan ngaihdam a dil ve leh ta a ni.

THE POWER OF FORGIVENESS

2010-08-04T10:47:00.000-07:00

"Therefore, I tell you, her many sins have been forgiven - for she loved much. But he who has been forgiven little loves little" Luke 7:47 (NIV).
Bishop John Sellwyn, was teaching in a Christian School where a boy from barbarous society of South Sea Island was a student. One day Bishop had to rebuke this boy sternly for his behaviour. The boy instantly flew into a passion and struck the Bishop with a cruel blow on the face. The Bishop said nothing, but turned and walked away quietly. The boy returned to his own Island as his behaviour went from bad to worse.

Many years later, a Missionary, working in South Sea Island was called to visit a sick man who was dying and wanted to be baptized as a Christian. It was Bishop Sellwyn's old student. When the baptismal ceremony was over the Missionary asked the dying man whether he wanted to take a new name to mark his conversion. "Call me John Sellwyn" the dying man replied, "because he taught me what Christ was like that day when I struck him"

We are often impatient to see the power of forgiveness. And we neither believe it. Therefore, we often go along with the law of this world taking revenge of sin and call it justice. It is forgiveness that changed the life of a sinner and turned him to be a good man. We are taught by our Lord Jesus Christ to forgive one another. He knew that we will be persecuted and suffer countless miseries. But, His teaching is to bless those who curse us and to forgive those who sin against us. Forgiveness is a key to live together peacefully for family, church and community. We are told to bear each other and forgive whatever grievances we may have against one another and forgive as the Lord forgave us. (Collosians 3:13 NIV)

It was the forgiveness of Stephen towards his persecutors that produced Appostle Paul who wrote most of the New Testament books for us. When he was being stoned to death Stephen prayed "Lord do not charge them with this sin." Paul was watching Stephen when all his friends were stoning him to death. This would surely have had an impact on his life and his search for the Lord revealed Himself to him on the way to Damascus. The forgiveness of Joseph straightened his brothers and make them humble. A sinful woman was made whole by forgivenss and she loved Jesus very much.

DO NOT TAKE YOUR HOLY SPIRIT FROM ME

2010-07-28T12:59:00.000-07:00

"Do not cast me from your presence or take your Holy spirit from me..." David cried desperately to God because he knew very well how terrible life without God would be. He had no excuse with which to justify himself, when the prophet Nathan came to rebuke him because of the sin he committed against God (2Samuel 12: 1 - 10). the Lord said to him "you struck down Uriah the Hittite with the sword and took his wife to be your own ..Now therefore, the sword shall never depart from your house, because you despised me and took the wife of Uriah the Hittite to be your own". David knew that the sin that he had committed was enough reason for God to cast him out of his presence, and to take his Spirit from him.

At that moment, David will surely have been remembering when God cast Saul, his predecessor, out of His presence, and took His Spirit from him. He would also have remembered that God did this because of Saul's disobedience. Seeing the prophet Nathan approaching him, he would probably have vividly pictured the Prophet Samuel approaching King Saul to rebuke him for his sin. Saul then, filled with anger and jealousy toward David, tried on many occasions to kill him. Bearing all these things in mind David cried out to God asking forgiveness "do not cast me out of your presence or take your Holy Spirit from me".

David might also have remembered what had happened to King Nebuchadnezzar and to Samson the Judge. Due to his pride, God had driven King Nebuchadnezzar away from his people and made him eat grass like the cattle. His body was drenched with the dew of heaven until his hair grew like the feathers of an eagle and his nails like the claws of a bird (Daniel 4: 33). Samson, a mighty ruler who struck down a thousand Phillistine men with a jaw-bone of a donkey, was left by God and was used by his enemies to entertain the crowd due to his folly (and even to reveal the secret of the power which had been given to him by God to a woman) (Judges 16: 20 - 21).

Even today, God is taking His Spirit from His people due to reasons which he makes known to them. They might not be committing the same sins as David, Nebuchadnezzar or Samson. Have you ever come across people who were once used powerfully by the Spirit to preach the Gospel, and even heal the sick, but now they are as dry as any unbeliever and Godless? If we are not careful it can happen to us too.

If there's anything in your life that you suspect may cause God to cast you out of His presence and take His Spirit from you, then do not delay but pray as David did "Do not cast me out of your presence or take your Holy Spirit from me". the Lord is gracious and he will forgive your sins if you are truly repentant.

U K Mizo Christian Fellowship

2010-07-22T13:52:00.000-07:00

This is Salvation Army Church of Balham at 38 Balham High Road, London SW12 9AH. Mizo Christians in United Kingdom meet and worship on the first Sunday of every month in this Church. Come and join us.

HE REFUSED TO DRINK

2010-07-13T13:18:00.000-07:00

Blessed be the one who invented anaesthetic for numerous lives have been saved by its application at the time of operation. It helps a person undergo an operation even without sensing even the slightest pain whilst the surgeon is using a sharp knive on the body.

Dr William Barclay says that it was the custom for the women of Jerusalem to prepare an anaesthetic drink to any man crucified on the cross - the drugged wine would deaden their terrible pain. This drink was offered to Jesus whilst on the cross but the Bible tells us that after tasting it, he refused to drink it (Mathew 27:34). He was on the cross, suffering the cruellest sentence in the world, and it was certain that the wounds made by the crude iron nails which they drove through his hands and legs was unbearable even without all the persecution and abused he had suffered before reaching the mount of Calvary.

Jesus, as it have been predestined, preferred to undergo pain, suffering even death with all its terrors, so that his words "I have overcome the world" John 16: 33) would be fulfilled. By the same spirit, the martyrs (as the writer of Hebrew tells us) refused to be released in order that they might gain a better ressurrection (Hebrew 11: 35). they had been given the chance to deny their Lord and give up their faith in order to be released, but to the surprised of the persecutors, these martyrs refused to be released.

It is natural for human beings to lie or gives bribes for one to be released from suffering, blame, accusation or persecution. But Jesus said "For whoever wants to save his life will lose it, but whoever loses his life for me and for the gospel will save it" (Mathew 8: 35).

KATHMANDU TO NEW DELHI

2010-06-30T12:08:00.000-07:00

Kathmandu atanga kan chhuah dawn tuk zing kan han thangharh chu ruah a lo sur nasa hle mai a. Khawpui a ri uar uar bawk a. Chhei raw! kan thlawh chhuah tumna khua chu kan ti rilru a, Pathian hnenah tawngtaina kan nei a. Lalpan a hun takah khua min tihvensak a, kan thlawh chhuah chuan a thiang ta hle mai a. Ruah sur khan romei zawng zawng a tlakpui a ni ang chu. Kan thlawk kang chho chuan hnuai lam kan han thlir a, Kathmandu khawpui te chu a lo lang chiang em em a, ka Blackberry thar in thla kan la a.
Khawpui hmuhnawm deuh lai apiang ka la chhunzawm zel a. Thlawhna atanga thlir chuan a chiang duh kher mai!!

Heng laite hlei hlei hi a hmuhnawm ka ti.

Kan thlawk zel a, Himalaya tlang a lo lang tan a, kan dinglam sir zelah chuan a lang var vo mai a. Chumi thlir reng chung chuan kan thlawk zel a. Pathian thilsiam mawi leh ropuizia min hmuh chian tir hle mai. Pathian hnenah lawmthu sawi mawlh mawlh chungin kan thlawk zel a.

Vante khian Pathian ropuiza chu a lantir a, Boruak zau tak hian a kut chhuak chu a lantir thin a - tih angin heng tlang mawi tak tak leh luikawr ruam thuk pui pui leh tlang cham put maite hian siamtu an chawimawiin a ropuizia an tilang thin a ni.

Lalpa a kut chaka min hruai thintu chu Fakin awm rawh se.

2010-06-19T01:43:00.000-07:00

Kan Indian territory thenkhatten Building thar nei turin tan an la zel hi ka lawmna a ni. India Central pawhin Headquarters thar building mawi tak mai nei turin tan an la mek. A hnuaia mi hi a building paln a ni. A hnuaiber ground hi Car park tur a ni a. First Floor hi Shopping centre leh Bank atana luah duh apiangte luah tur a ni a. Second floor hi THQ Office a ni ang a, a third floor ah hian Officer Quarters paruk a awm dawn a ni.
IHQ tanpuina tel lovin anmahni Mission support allocation leh anmahni lakluh atangin sak an tum a ni. Reiloteah bul an tan theih kan beisei.

World Record -Bamboo Dance

2010-05-31T14:10:00.000-07:00

Kan Mizo nula leh Tlangvalten Bamboo Dance-ah a ruala lam Bu tamber nia World Record an siama. Aizawl Lam Mual leh kawngpui dungah an buk suau suau a, kan Minister te an in sul zut zut lai khan keini chhung pawhin World Record kan lo siam ve a. A bu tam lam a ni lo, lam thiam lam pawh a ni lo, hetianga naupang (Kum 1.6) mi Cheraw kan hi in hmu tawh ngai em!!! Kan Tunu Cheraw kan hi World Record ah kan puang ve tawp mai a ni. Han en ve mah teh!!!!

Pakistan lam bawk

2010-05-28T10:07:00.000-07:00

Rawngbawlna Review neiin Pakistan ni 12 - 21 May thla chhung khan kan tlawh a. Kum 2005 khan kan tlawh tawh bawk a, tun tum chu hma an lo sawn tha hle mai a, sipaite leh Officerte an hlim a, an hmuh a nuam khawp mai. An TC ber thah a nih avanga an rilru thlabarna te pawh tunah chuan a lo ziaawm ta, hotu thar tha tak Canada a mite an nei bawk a, an mite an ngaihsak tha a, an hlim tlangin rawngbawlna pawh a kal tha khawp mai. Business Administrator thar nupa a USA East a mite an nei bawk a. Tunah hian Training Principal tur England a mite nupa an thleng leh chiah, kan lawmpui hle a ni.

Pakistan-ah hian member a lu nunga chhiar chuan 90,000 chuang lai kan nei a. Thlarau lam dinhmunah an nghet tha a, Social work lam an kalpui tha a, Hmeichhe lam rawngbawlna pawh a kal tha khawp mai. Emergency lama an rawngbawl thatna avangin sorkar leh mipui hriat pawh an hlawh hle a ni. Training College tha tak, tuna kan General TC a nih laia an sak, an nei a, a hnuaia mite hi an ni.

A chunga mi hi Chhungkuaa lut fa nei ngah deuhte Quarters leh a vei lam zawk hi an nau awmna In a ni. A tual zawl hi naupang infiamna a ni a. Cadet 39 an nei mek a, an fate nen an lut vek a, naupang pawh 26 an awm.

Training College Compound a tawpa a chhawng chung varandha hungna pawl saw Cadette room a ni a, a kawi lai takah sawn Library a awm a, A kawi lam pawh hi Cadet room tho a la ni. Transport lamah chuan Van pathum leh Car Training Principal hman bik deuh an nei.
Hei hi Administration block a ni a, a lai tak hi Prayer Hall a ni a. Vei lam hi Office leh Class room te a ni a. Dinglam pang saw Choka leh Dining Hall a ni. Principal leh Staff dangte Block lam ka lo la tel lo hlauh a ni, pawi ka ti hle mai.

A chunga mi hi Lahore Fort chung zawl a ni a. A hnuai lam hi chhawng thum a ni a, chumi chung zawlah chuan ground hrang hrang a awm a, thing buk lian pui pui te pawh an awm. Heng hian ka lo hisap thin 'zoram hian Play ground hi a laiha laih zawl aiin Concrete building chung zawlah siam sela kan hlawhtling hma zawk ang' ka tih chu a theihzia min hmuhtir.

A chunga mi hi Lahore Kulh bang chu a ni. A chung zawla awm chuan hnuai a nei ngai ang tih ngaihtuahna a awm lo. Phai zawl zau taka in leh thing, phaitual hnim champut ang hi a ni mai. Thingpui dawr leh Dawr dang tourist te lei chi lam deuh bikte a awm bawk. He Kulh hi Shahjehana Tajmahal sa tu bul tan bawk a ni.
Hei hi Hmanlai Moghul lalten Muslim hote pathian biakna zawl atana an siam a ni a, tum khatah mi singruk an tawngtaiho thei a ni.

Pakistan visit

2010-05-22T04:52:00.000-07:00

Hetiang thil hi in hre ngai tawh em? Hei Puii hnung a vei lam leh ding lamah hian Cedar thing pakhat ve ve a awm hi. Phun rual an ni a, A ding lama mi hi a than a tha em em a. A vei lam a mi erawh chu a buk liai ringawta a thang sang thei reng reng lo. General John Gowans te nupain Pakistan Training College an tlawh tuma an phun a ni. A vei lam a mi hi General John Gowans -a phun a ni a, a ding lam a mi hi a nupui Gisele Gowans-i phun a ni ve thung. General John Gowans a hi nikum hmalam lam atang khan a hriselna a tha lova, a hriat rengna a hloh va. A nupui pawh a hre mang lo khawpin a awm a. 'A thingphun pawh hian a hriselna dinhmun hi a tilang a ni ang e' an ti.

Wedding (Robert Lalremsiama & Janet Lalmawipuii

2010-04-16T15:03:00.000-07:00

Pathian leh chhung leh khat, then leh rualte duhsakna leh malawmna avangin kan fanu hming koh Janet Lalmawipuii leh Robert Lalremsiama te inneihna chu tluangtakin kan zo thei a, kan lawm hle mai. Kan rawngbawlpui Officer leh Sipaiten min tawiawm tha em em a, an chungah kan lawm tak zet a ni. A bikin ram hla tak tak atanga min lawmpui tura lo kal heng: Jimmy pachuau London te, Commissioner Mary Rajkumari Territorial Commander India Western Territory ;leh a thiannu Major Puspa te, Commissioner M Y Emmanuel Territorial Commander India Central territory te, Commissioner K V Lalhase Territorial Commander India Northern territory te leh Lt, Colonels K C Davida te nupa National Secretariat Kolkatta te lo tel chuan min tiropui zual hle.
Kan Langtlang unaute hmangaih taka min lo tanwgtaipui tute leh thenkhat a hmuna lo tel theiten in lo hmuh ve atan thlalak tlem kan han tarlang e.

Biak Ina lenglo khawpa chhung leh khat, then leh rual, kan rawngbawlpuite lo kal khawmin min tilawm hle mai.

A naute nupa tuak hnih nen.

A vahte, Grace Lalmalsawmi Henry-a leh Maruati te fanu leh Devon Lalmuanpuii Douglas-a leh Zohmai fanu.

ZAHNGAIHNA DAWHKAN LEH KEI (MERCY SEAT AND ME)

2010-02-24T01:07:00.000-08:00

Lalpan Mosia hnenah Zahngaihna Dawhkan (Mercy Seat) siam turin a hrilh a. Chutah chuan a rawn bia in a mite a rawn tawk thin dawn a ni tih a hrilh bawk a. A dung leh a vang (a size) leh a chungah Cherub in thla an zar tur a ni tihte lamin a hrilh vek a ni.

Ka naupan lai Chhawrtuia kan awm lai chuan Nilaithawhtan zan hi Naupang Inkhawm a ni thin a. Zankhat chu kan Officer (Captain Saidawla) in Naupang sipai a lut tura min buatsaih laiin thutiam min zirtir a. Chu thutiam chu:

"Ka sual kalsanin tunah Lalpa Isua Krista chu ka chhandamtu atan ka pawm ta. Ama tanpuinain a fa hmangaih leh thu awih ka ni ang a. A sipai rinawm ka ni bawk ang. Mi dangte pawh chutiang nihtir turin ka bei ang. Tawngtai turin, Pathian Lehkhabu chhiar turin leh Ruih theih lam thil reng reng ti lo turin ka tiam e." tih hi a ni a.

Chumi zan chuan Zahngaihna Dawhkanah thingthiin Lal Isua Krista chu ka chhandamtu atana pawmin ka inhlan a. Chumi hnu kum engemaw zat hnuah kan lo tleirawl a, Pathian leh hotute duh loh zawng thil kan lo tipalh a, ka Nu-in Zahngaihna Dawhkanah Ngaihdam dila kun turin min tir a. Ka kunin Pathian ngaihdamna ka dil a, min ngaidam ngei a ni tih pawh ka hria a.

Hun a lo kal zel a, Lalpan Rawngbawl turin min ko ta a, chu chu 1967-ah a ni a. Salvation Army House to House Campaign group a ka tel venaah a ni nghe nghe a. Zan a rei tawh hle mai a. Zanlai a ni tawh a. Chumi zan la la chuan Zahngaihna Dawhkanah kuna Pathian biak tulin ka hria a. Kan Biak In kan khuaa tlangsang ber Bungtlanga awmah chuan han kalin Zahngaihna Dawhkanah chuan " Lalpa, Aw le" ka han ti ta a ni.

Kum engemaw chen rawngbawla kan awm ve hnuah kan Biak In chu a hmun ngai atanga sawn a lo ni ta a. A hmun hluiah chuan Chhawrtui Water Supply Tuizem lianpui pui mai dah a ni a. Chumi sirah chuan ka inhlanna hmun a ni tih hriat reng nan Chhawrtui khuain Zahngaihna Dawhkan Cement in min siamsak a. Kan Zahngaihna Dawhkana in ziak ngai te bawk 'Sim rawh u Vanram a hnai tawh e' tih an ziak a. Chu chu ka Bethel hmun pawimawh tak a lo ni ta a ni. Chhawrtui ka kal apianga ka tih hmasakber chu, Chumi hmuna han kala Lalpa pawlna han neih chu a ni. Zahngaihna Dawhkan hi a hlu a ni, i ngaipawimawh ang u, Chutah chuan Lalpan a mite a tawk thin si a.

MIHRINGA NUNNA THAW HI LALPA TA A NI

2010-02-13T14:40:00.000-08:00

Kan chenna khawvel, Pathianin a mite an hring chan chhunga an chenna tura a siam hi eng a ti zo ta nge ni ngai ang le!! Engatinge mihringte hi heti em em a nun ning ang maia kan tal tak? Engatinge Lalpan mihringa a dah Ama thaw ( A Nunna) min hawhtir hi zah lova mihring nunna, mahni nupui fanau te leh mahni fate ngei ngei nunna pawh lak kan hnial loh tak mai hi ni le. Thenkhatten mahni nunna thleng pawhin an la duh bawk a.

Heng a hnuaia Chanchinbu thlalakte hi London chanchinbu Metro 12. 02. 2010 a chhuak a mi vek an nih hi. Tuk khat chanchinbu chhuakah pawh heti zat, inthah, mahni intihhlum a awm chuan khawvel nitin thil thleng hi la khawm ila ava rapthlak zual dawn em!!! Mihringa Nuna thaw awm hi kan ta a ni lova, kan duh hun huna kan tihtawp leh sawisak atana min pek a ni lo. Lalpa ta Aman tha a tih huna a laklet tur a min pek a ni. Heng Bible chang Joba bu a mite hi en ila: 'Keimahah hian ka thaw a la kim a, Ka hnarah Pathian thaw a la cham' (Joba 27: 3). Pathian Thlarau chuan mi siam a, Engkimtitheia thaw chuan nunna mi pe' (Joba 33: 4). 'Ama thlarau chu a hnena a lakkir a, Ama thaw chu a hnena a lakkhawm leh chuan, Mi nung zawng zawng an boral rual ang a, Mihring chu vaivutah a chang leh mai ang. ( Joba 34: 14, 15).

Khawvelah hian kan hrehawmna leh tuarnate leh thawippikna avang te a intihhlum tur ni ta ila, Joba tluka thih chak tur leh mahni intihlum duh tur hi an awm chuang lo. Mahse Joba chu a nupuiin intihlum mai tura a rawn pawhin "Nang hi hmeichhe a tawngin i tawng a nih hi. Eng nge, Pathian hnen ata thil tha kan hmu a, thil tha lo pawh kan hmu lovang em ni?" a ti tlat mai a ni (Joba 1: 10).

Khawvel hi a hrehawm ngei a, a ninawma, a thaw ippik thlak teh zawng a nih hi. Hebrai mite hnena Lehkhathawn ziaktu chuan: "Chung mite (Pathian mite) tan chuan khawvel hi awmna tlak a ni lo, thlalerah te, tlangah te, pukah te, khuarkhurumah te an vak an vak thin a" a ti (Hebrai 11: 38). Mahse chung tihduhdah tuartute chuan 'a hrehawm em mai thi ila a nuam zawk ang' tiin tuman anmahni nunna an titawi lo. Lalpa an nghak zawk thin.

Kan hrehawmnaah pawh lawmin awm ila, chhel takin i tuar hram hram ang u. Lalpan min awmchilh a, a mite a thlahthlam ngai lo. Rinawm taka hrehawm a tuar chhuah hnuah Joba chu Nun hlimawm tak pek a ni.

(A chung: He Driver hian a partner hlui nen an inhnial thinrim vang ringawtin a fate pahnih Motorah khung in Vur luiah a tlan luhpui a nih chu)
(A chung: He pa hian a nupui leh a fanu a that a, amah a inawkhlum bawk nia hriat a ni)
(A chung: He nu hian a ngaihzawng hlui nupui nei tur thikin an pahnihin turin a hrai a, a mipa chu a thi)

(A chung: He nula hian a bialpa hlui a then tawh chu ngaiin kohkir leh nan tiin Damdawi a ei a, a harh chhuak zo ta lo).

Aw khawvel, khawvel, mihringte hnena lawmna leh hlimna i hlan ve theih chhun te hi Pathian tel lova hman chuan lungngaihna leh thihna thlentu mai an ni e. Keini zawngin Lalpa kan nghak tlat ang a, i chhunga kan chen a phal chhung zawng min tihrehawmtu setana hi kan do vanga; Lalpa hmingin hnehna kan la chang ngei dawn. I chhunga kan harsatna leh kan tuarna mit tui zawng zawngte hi min la hrukhul sak ang a; buaina chungah zalen takin min la lentir ang. Lalpa chauh kan fak zel dawn!!! Amah fak mai loh chu hlimna dang a awm si lova.

CHHAWRTUI KHUA

2010-01-31T08:46:00.000-08:00

Khawhar lunglen zual ni deuhte hi a awm thin a, chutiang hunah chuan mahni seilenna hmun hlui lamah rauthla a leng thin. Ka naupan atanga kum 1968 March thlatir thlenga ka chet tlatna ram leh mual leh thian hlui te rilruah an lang uar uar mai. Ngai viauin sulhnu chhuiten han kalin han fang vel mah ila a hmunah pawh hmanlai kha an la ngaihawm tho va, engmahin a hnem tak tak thei tawh love. A hmunah pawh lunglen a zual ting mai a ni.

Chhawrtui khua hi Champhai Road a Kawlkulh khua atang khian chhim lamah Mel kua a ni a. A in karah Puilo khua, chhawrtui atanga mel ruk, Kawlkulh atanga mel thum a awm a. Chhim lamah Vanchengpui Mel sarih ah a awm a. Khawthlang lamah chuan Tuivawl ral Mel sarih a hlaah Tawitlang panga Maite khua a awm bawk a. Chhak lamah chuan Arro khua Tuichang ralah Mel sarih a hla bawk a awm.

Ka hriat theih tirh atangin YMA a ding tha hle a. Sum tuakna dang teh vak awm loh vang nge an fin vang hrim hrim Sipai Chhuti lo hawng hi an lawm ziah a; pawisa chung lai hun atan chuan tih tham ve tak kha an thawh zel bawk a. Sum tuakna tha tak a ni. Kan YMA president kumhlun chu Kangliana a ni a. Kolasib-ah nikum hmasa lam khan van kohna min chhansan ta nghe nghe a. Thalaiin kan zah em em a, thlan mualah thlan laihnaahte hian a lo kal tawh chuan tumah thu ngam kan awm lova. Lo thu mai mai pawh hi kan tho sung sung mai a, thlan chhunga luh kan in chuh sup sup mai thin a ni.

YMA bakah 'Tlangval Tang rual pawl' an awm a. Khamite kha an fakawm ka tiin an hna thawh kha a hun lai atan chuan a tha thlawt a ni. Mitthi lumen tur an awm apiangin zanlaiah Mizo chhangban kan leh Kurtai leh thingpui an sem ziah a. Khawhar chhungte leh tlaivar riltam te tan hlu tak a ni. Chumi ti thei tur chuan Buhban hmunte an nei a, vawkte an ser a, a hriak an dah tha a. Lumen ngaia thi an awm tih an hriat veleh an tlan khawma chhang an chiah a, an deng nghal a, Nula a dihsaktu an nei nge ni ka hre lo. An pawl hming chu 'Tlangval Tang rual Pawl' a ni si. An lo thawkrim awm hlein ka hre thin. Ka hriat dan chuan U Savawma te in kha an Headquarters a ni a.

Lo nei mite infuihna atan Buh za lawm kan nei thin bawk a. awm ni khamin Mual zawlah intihhlimna chi hrang hrang siamin Buh za chung lam nei zawng zawngte hnenah chawimawina an hlan thin a. An chawimawhna pek erawh chu Ser tawk te leh Serthlum te in awrhtir kha a ni mai a. Mahse chawimawina a nih avangin a hun lai kha chuan Lo nei mite fuih nan a tha em em a ni.

A khaw hmun chu a thlalaka a lan ang hian a bumbohvin a awih ve khawp mai a. Mahse a mi chengte chu fiamthu duh tak tak hlir an ni a, an fiamthu a sang a mahse tuman huat en enah an en lo. Mikhual tlangvalin nuam an ti thei hle, a chhan chu khawtlang tlangvalin an nulate lakah an thik ve ngai loh vang a ni. Rilru zau leh inpawh tak, chhungkua ang maia In zahnih dawn lai khua kan awm khawmna leh hun lai kha a ngaihawm thin teh e.

Halpuah tel lo Christmas leh Kumthar lawmna

2010-01-01T06:22:00.000-08:00

(Vaiva kawn field leh a chheh vel, Chief Minister tual atanga lak)
Thianpa Fela zarah zoram lam chanchin up-to-date tak tak kan lo hre ve zel a. Kum 2009 Christmas leh Kumhlui thlahna leh a thar lawmna te pawh a ni ang chu, Halpuah telovin zoramin an hmang a ni tih hriat hian thil tam tak min ngaihtuahtir.

Pakhatnaah chuan tun tum kan sorkarin hma an la chak tawkin, a thawktute pawhin sorkar thupek an kengkawh tha a ni tih a lang. Kum dangah kha chuan 'a khaptuten an man khawmsa an fate tan an hawn a, an hal tho' tihte kha a ri nasa hle thin a. Tichuan Christmas-ah a reh ve deuh pawhin Kumhlui thlahna leh a thar lawmnaah chuan Zanlai Inkhawm pawh tih mumal hleih theih loh khawpin a bengchheng mai thin kha a ni a. Kumin chuan Zanlai inkhawm pawh a hun takah tibuaitu bengchheng awm lova hman a ni chu a lawmawm hle mai.
Pahnihnaah chuan Zoram mipuite hian zirtirtu leh hruaitu tha kan neih chuan thu kan la awih a ni tih a tilang. Zirtir theih kaihhruai theih kan la ni a, chhan tlak kan la awm a ni. Kan sorkarten thil tha tam zawk min zirtirin min hruai zel se, hmasawnna kawngah chak takin kan kal theih a rinawm.
Tunah chuan Insak dan hmangte pawh Dan mumal tak siamin kalpui a lo ni ta a. Hetih rual hian zoram hriselna atana pawimawh em em chenna inte pawh hi thlir tel ni se a tha ngawt ang. A bikin Mi luah tura insak leh kan in inluahtirte hi Sorkarin Dan hmangin khuahkhirh sela ka ti hle mai. Tuna Kan In inluahtir tamtak hi chu mihring khawsakna tur awma ngaih a ni lo. Choka, Bed room, sitting room, mumal engmah a awm lova. Ek In leh tuikhawihna hmun mumal a awm lova, heng hian zoram hriselna nasa takin a tichhia a. Kan rilru leh ngaihtuahna pawh a tihniam a ni. 'Mi luah tura in sak chuan Choka, Dining room, Bed room, living room leh Ek In tha tawk a nei ngei tur a ni a. Sorkarin approval a pek loh chu tumah luahtir theih a ni lo' tiin Dan han siam hmak mai sela, kan khawsakna chu a thangawkin ka ring a ni.
Mizote hi kan tlem a, India ram state-ah mihring thawlber dawttu kan ni a. Kan in luah dan hmang te, Dawr luah dan hmangte hi Dan mumal awmin, changkang zawka siam chu nise India ramah hian state dangte tan kawng hrang hrangah entawn, zirtirtu ni thei turin kan ding chhuak thei. Vai rama mihring bit lutuk tihngaihna awm tawh lo rama an awm dan entawn lovin, kan bul hnai, hnam tawp tak nia kan ralrin ringawt Bawteho kan tih Bhutan te hi i thlir teh ang u. India ram nen a inrina atangin a danglam nghal a, an khawlai a fai thianghlim em em a, an in leh lo sak hmang a fel fai a, entawn tlak an ni. Ram thianghlim Sap ram leh Japan ram chanchin te hahipin kan sawi a. Chung chu kan ramah hian kan ti ve thei, kan sorkar chaktak hian hma han la sela mipui ten lawm takin i zawm teh ang u, keimahni hriselna tur, mawina tur leh hamthatna tur vek a ni si a.
Kum thar 2010 kan chuankai hian kan ram hmangaih em em Zoram hian hetiang hawi hian ke pen se ka va ti em!!!!

CHRISTMAS

2009-12-20T07:31:00.000-08:00

Christmas a lo thlen apianga thil pawimawh em em mai pakhat chu 'Fapa pekin kan awm ta a, Van in khawvel sual hi a rem leh ta' tih hriatnawn leh hi a ni a. Chumi min hriatnawntir tur chuan khawvel hnamtin Kristianten kan rilru tithar thei tur apiang kan hmang thin. Kum tam tak kal ta atang khan kan chhungkuain Kristmas a kum tin kan tih ngei ngei chu Christmas Tree siam hi a ni.
Sapho thinlungah chuan Vur tla leh Christmas hi a in hmeh em em mai. Chuvangin Kumin christmas chu a Christmas bik riau dawn a ni. Hawina lam apiang a lo var uar mai a. Heng hian Bethlehem lamah rilru a hruai vang vang mai.

Keini nupa chuan In chhung chei (decoration lam) kan hlimpui a. Kan theih ang tawkin kan in chhung kan chei a, heng hian Pathian fapa Isua chu kan tan Bethlehemah a piang ngei a ni tih min hriat nawntir a min tihlim hle thin a ni.

Kan TV leh a velte chu kan Christmas cheimawina ten an hual tiau a, Football khel en pawh an tinuam leh zual. TV-ah chuan eng programme pawh en ila, kan tan Naupang a lo piang a ni tih a vela decoration te hian min hriattir.

Santa hi ngaisang ve lem lo mah ila, heng laiah chuan a serh zinga a mei ang hlauh a ni a. Christmas-ah chuan ngei ngei a, tihlan a ni.

Christmas lai chuan kan lehkhabu chhiar lai rem mawite pawhin lan an chang lo, Lal piang lawmna cheimawinain a hliah khuh vek mai a ni.

Heng lantern te hi German Christmas market atanga kan hawn an ni a, Isua hun laia an laltin hman chu hetiang hi a ni awm e. Kan hman ve than leh hriat than ni mah suh sela, han hman ve chuan a ti Mas riauin a hriat ve theih mai nia.Kan Dining table te pawh ni dang ang a ni lo, han en mai pawhin Lal thar a piang tih min hriattir a ni.

He hun lawmawm leh hlu takah hian kan in chhung room tin maite an danglam a, an thar suau mai a. Hawi na lam a piangin Lal thar a piang tih min lo hriattir a. Tlangsam par te hmu pha lovin, 'U amah i lo fak ang' tih in chhawn ri tluk tluk thawmte hre pha ve lo mah ila, kan hlim ve em em thin a ni. Eng dang vang a ni lo, Rem Lal piang chuan thinlai a hnem tlat vang a ni e.

CHRISTMAS

2009-12-13T14:06:00.001-08:00

Chumi zan reh takah chuan,
Thlasik vur daifim hnuaiah;
Bethlehem bawng in tlawmah,
LalKrista a lo piang ta;
Van mipuiten an rawn thlah,
Kan sual min tlan tur;
Lei leh van lal ni mahse,
Chham ang zalna ranthleng a lo ni.

Christmas khawvel hun pui pawimawhber kan thleng leh ta. Pathian hmangaihna rawn intihniama khawvel sual hmangaih taka a fawhna hun chu. He hun tluka khawvel mihringte hlim kimna hun hi a awm lo vang. Chrsitian leh Christian lo pawhin kan nghakhlel tlang theuh niin a lang. Kan nghahlelh dan erawh a in ang lo thei e.

Aizawlah chuan Bazaar an khat lui lui a. Kan bazar na chhanber chu thawmhnaw mawi lei niin a lang.

Sap ram chu ei leh in leh party buaiin an buai a ni ber. Sum dawnna hmun zawsng zawng an cheimawi a. Dawrpui hmun leh khawlai cheina te chu an mawi thei khawp mai. Heng karah hian Bethlehema nau piang Isua lawmna thinlung pu hmuh tum ta ila zawn ngial a ngai awm e.

A hnuaia mi hi Israel rama Ran chaw pekna thleng, hman lai Isua hun lai vela an hman thin an hmuh chhuah a ni a. Isua an muttirna pawh kha hetiang hi a ni zawk mai awm e.

A pianna hmun tak nia an sawi, Bethlehema Biak In an sak hnan 'Ranthleng' an tih lai tak chu hei hi a ni.

German ramah chuan khawpui hrang hrangin Christmas Market an siam a. Rhine luiah Lawng lianpui mai pakhat chu Christmas marketah siam a ni bawk a. Heng market zawng zawngah hian mihringte inthuam mawina tur thawmhnaw lam reng reng zuk zuar ve hauh lova. Ei leh Ina intihhlimna tur lam chi pawh a awm lo. an thil zawrh reng reng chu Isua piang min hriatchhuahtir thei tur a hun laia an hman rua lam hlir a ni. A hnuaia mi hi an market pakhata an thil zawrhte chu an ni.

Christmas kan thlir dante hi a in ang lo hle hlawm mai. Chatuana ka damna tur Fapa min pek avanga Pathian hnena lawmthu sawina hun, chumi avanga lawmna thilpekte kan inpekna hun, Pathian hmangaihna kan puan chhuahna hunah i hmang teh ang u.

CHRISTMAS HI ENGTIKA LAWM TUR NGE

2009-12-02T18:30:00.000-08:00

Christmas hi engtika lawm tur nge? December ni khata lawm hi a sualna a awm em? Kurunagala Corps Sri Lankah chuan December ni khatah kan hmang a. Ruai kan theh dur dur mai. Anglican Bishop te pawh an rawn tel ve a. Naupang an hlim Christmas thawmhnaw nen mawi tawkin an rawn in thuam. Kan hlim hle a ni.

Naupang chauh an hlim lo, Puitling ruai buatsaihtute pawh an hlim a, ruai pawh an hneh khawp mai. Corps in compound an lo nei tha bawk a, hei hi kil khata awmho te an ni.

An Christmas Carol zaipawlte hi an Corps mite bakah thenawm officerte an sawm bawk a. An hla sak zawng zawng hla pariat lai chu an Commanding Officer phuah vek a ni a. an zai thiam khawp mai. An DC te leh an divison CO hote sawmkhawmin an buatsaih a ni.

Zoramah chuan December ni 25 a ruai theh leh theh lohte kha kan in hnial deuh thinnate a ni a. Kan naupang lai chuan Zirtawpni hi Roman Catholic sa ei thian loh ni a nih avangin Christmas hi zirtawpniah a tlak chuan Inrinniah kan sawn mai thin. Sri Lankaah chuan December a kai tawh chuan duh ni niah a lawmna an siam mai niin a lang. In an chei tan vek tawh bawk a. A Christmas tawh hle mai. Hman chhung a rei a, a tih chi phian zawkin a lang. Mizo rilruin pawm thei tak maw!!!!

ONE SUNDAY SCHOOL TEACHER

2009-11-18T12:47:00.000-08:00

In 1855, a Sunday School teacher named Kimbell, led a 19 year old shoe clerk to Jesus Christ. He in turn became a Sunday School teacher leading other youth to Christ.

Later he became a world renowned evangelist. His name - Dwight L. Moody. He led hundreds of thousands to Christ in USA and England. Though poorly educated, Moody in one of his English trips, influenced the well-educated and cultured theologian, Frederick B. Meyer to change his preaching style and emphasis.

Later F B Meyer came to USA on an evangelistic tour. On one occasion a discouraged preacher, Wilbur Chapman, was in the audience and through his preaching influenced him to become an evangelist. As his evangelistic ministry grew, he needed an assistant, so he hired a former baseball player with high school education to help him. His name - Billy Sunday.

Billy Sunday won over 1 million persons to Christ. In 1924 in charlotte, NC, a prayer group was formed, which met regularly. When the depression started, they became convinced it was God's judgement on the nation. They specifically prayed for another revival, and Mordecai Ham responded.

Mordecai Ham when he became an evangelist and he was preaching, a 16 year old farm lad was converted. His name - Billy Graham. Billy Graham has preached to millions of ordinary persons, as well as to kings, presidents and prime ministers. But it all started with a Sunday School teacher named KIMBELL. Suppose he, or any of the other, had failed to share the gospel.....

REMEMBRANCE DAY

2009-11-08T08:46:00.000-08:00

Sapho hian tradition tha ang reng tak tak hi an nei a, 11 November hi Indonaa thite hriatrengna ni a ni a. Chumi ni hnaihber Pathianniah hun serh ropui tak an hmang thin a. Biak In service zawng zawngah pawh chhun dar 11-ah Indonaa thite hriatreng nan leh sun nan minute hnih ngawi rengin kan ding thin a ni. Vawiin hian chu ni chu hman a ni a. A hma deuh atangin hriatrengna atana an hman Poppy pangpar mi tamtakin leiin kawr hmaah an tar a. Hemi hralhna hian kumtin sipai thi chhungte tan pawisa tamtak an hmu chhuak thin a ni. TV leh Football khel te i en chuan hetiang bel hi i hmu ngei ang.A hunserhpui ber chu lalnu hovin hman a ni thin a, Church of England hotupain service a kaihruai a, tawngtaina leh malsawmnate a sawi thin. Vawiina an hun hman pawh a ropui khawp mai. A hnuaia hriatrengna lungphunah hian Lalnuin pangpar a dah hmasaber a, chumi hnu chuan mi ropui dangten a in dawtin an dah a. Pawl hrang hrangin kawng zawhin an dah zel a. Salvation Army pawh engemaw zat kalin a groupin kawng an zawh a, pangpar dah vein a puangtu pawhin 'Indonaah leh Emergency-ah volunteera thahnemngaitaka thawk thinte an ni, a ti.
A hnuaia mi hi Unknown Warrior (British sipai Indopui pakhatanaa thi tu tih hriat loh) thlan a ni a. Westminster Abbey a mi a ni. British sipai khawvel rama danga Indonaa thi tu tih hriat theih loh tam tak awmte aiawhin ruang pakhat an thlang chhuak a, chu chu Westminster Abbeyah hian mi ropuite zingah an phum ve a. Hetah hian mi ropui thlan tamtak a awm a, mahse zahna entir nana a chunga ke kal awih miah loh chu he Unknown Warrior thlan chauh hi a ni.

Bible chuan 'In hotu Pathian thu lo hrilh tawhtu che u chu hre reng ula an awm dana thil chhuak chu ngaihtuahin an rin dan zir rawh u' (Hebrai 13: 7) min ti a. Rinnaa mi huaisen kal ta te hriat rengna hian rinna kawngah min vawng nung a, min tihuai a, indona min hnehtir ve thin a ni. Hebrai bung 13 hian mi huaisen kal tawhte list sei tak min siamsak a. Hegn lo pawh hi keimahni hun theuhvah mi huaisen entawn tur tha min hnutchhiahtu kan nei theuh ngei ang.

BEISEINA NUNG

2009-11-04T12:26:00.000-08:00

Ram Thianghlim 'Israel Ram Fan thu' by Lalkiamlova BA., B.D, thlirlawkna - by Dr Rualkhuma Colney - Principal, Aizawl Law College.
Mizo Thu leh Hla huangah, Lehkhabu thar duhawm tak mai, 'Beiseina Nung' tih Commissioner Lalkiamlova B A., B.D. ziak a lo piang tur hi a lawmawm ka ti a. Ram thianghlim leh Jerusalem chungchang hi a hmun ngei a kalte ziak kan nei nual tawh a, Mizo Kristiante rilru tam tak vawngtu leh kan lunglenna ram chanchin hi chhiar a nuamin a kal ve thei lote hnenah Jerusalem chanchin min han hrilh thin hi a manhlain a hlu thin a. He lehkhabu pawh hi Bible literature tha tak a ni a, Rinna leh beiseina kawngah min tiharh thei lehkhabu tangkai a ni. Hetiang lehkhabu an han buatsaih thei hi Commissioner te nupa chungah lawm thu ka sawiin, duhsakna ka hlan e.

Lehkhabu tin hian a ziaktu beisei leh tum ram min hruai thleng turin thil tihtheihna mak tak a pai theuh a, a ziaktu azir leh a thu ken azirin lehkhabu tha leh tha lo a awm thin. Engpawh nise, ziakin emaw tawngkain emaw pawh nise, an hmuh leh hriatte leh an beisei te fiah taka ziak thei leh sawi thiamte hi an an chhuanawm a, an thawh hlawk bik thin. Tin, kan sawi emaw, kan ziak emaw chu mi thinlunga fiah taka thun thei tur chuan a ziaktu emaw a sawitu emaw chu an thil sawi/ziakah an chian hle a ngai thung bawk.

He Lehkhabu ziaktu hi chutiang chuan, a sawi tum leh min zirtir a tumah hian a chiang a. A lehkhabu hi hun reilote chhunga ziak angin lang mahse, a nihna takah chuan a bul a tanna chu Jerusalema an zin dawn atangin emaw, an zin hawn hnuah emaw ni lovin, a pian thar hma a nih loh vek pawhin a pian thar veleh khan a ni ang tih ka ring. Chuvang tak chuan a lehkhabu hmanga min zirtir leh min hrilh a tum kawngah a chiang a, a ziak dan turah a mikhual lovin, zawh pawh a zo nalh narawh e. A sap tawng takin, a finishing a tha a, lehkhabu chhiarnahawm tak a ni.

A bu hmingah hian 'Beiseina Nung' ati a. A phuah chhan hi Bung Ngana lam daih, phek 39-naah a sawi a. Judate'n Messiah an beisei chu a lo kal hunah Jerusalem Golden Gate, Muslim lalin a kharsak tak tlat Messiah lo luhna tur ni ngeia an rin leh, a lo kal hunah chuan mihringte hawn ni lovin Van Pathian, Messiah thiltihtheihna avanga amaha inhawng tura an beiseina nung reng bakah, keini Pathian ringtute pawhin Pathian beiseina nung kan neih reng tul a tihna te tlawhchhana a bu hming hi phuah a ni a.

Bible a daw ngai dawn lo a. Bawhchhiatna tinreng leh thuawih lohna tinreng te hian thungrulhna fel tak an hmu zel thin. Pathian chatuan remruat chu mihring tihdangalam rual a ni lova; hun kal tawhah leh hun lo la awm zel turah pawh khawvel hian Bible dikzia leh rintlakzia tilang turin 'a aikaih' ang maiin hma lam a pan zel thin tih kan hriat theihna tura, ringtute lung tilengtu Jerusalem leh a chheh vela mit ngeia hmutu, Commissioner lehkhabu, 'Beiseina Nung' hi Mizote tan lehkhabu malsawm a nih ngei ka ring.

Pu V.L Hruaia CCG, Aizawl Temple Corps te, Pu C. Rokhuma te, Major Vanlalfela ten an lo chhiar lawk tawh thu leh, an hmuh dan an ziak pawh, a bu chhung thu i luh chilh hma a i han kalpah thuak thuak theih turin a phek hma lamah hian dah a ni a, kal pah ngei ang che.

He lekhabu hi thian dang tel lova an nupa chauhva Jerusalema an zin, ni 12 October 2008 atanga ni 18 October 2008 chhung, khaikhawmna a ni deuh ber a. Lehkhabu chhah lem lo, phek 122-a chhah, Bung 9 chauh awm, lehkhabu ngaihnawm tak, chhiar nuam leh chhiar zuamawm tawk leka chhah a ni. A kawm hma lamah hian Jerusalem khaw Map, Golden gate lang lai dah a ni a. A kawm hnung lamah a ziaktu mi mal chanchin tawi leh a lehkhabu ziah tawh te tarlan a ni a. Tin, hmun pawimawh leh benglut zual laia an thlalalk 25 lai dah a ni bawk. Bung khatnaah hian Mumbai Airport atanga Jerusalem an luh thu leh kal kawng chanchin kan chhair dawn a. Bung hnihna-ah hian Jerusalem an thlen tuk zinga Commissioner helhhawlh nasa lutukin an Taxi chuanna-a a Laptop a theihnghilh daih thu leh a chheh vel ngaihnawm takin min han khilai hlak a, chutah Bungthumna atangin hmun hrang hrang an fan (site seeing) chanchin kan chhiar tan dawn a ni.

Bung thumna hi Jerusalem an luh ni leh an cham nikhatna chanchin a ni a. Commissioner te nupa hian sawi set set lovin Jerusalem fang turin an han armeikawhchhuah ve ta tawp mai hian Pathian thu an hriatna leh Jerusalem lama lung leng thin an nihna avanga an rilru lama an tlangnel lawkzia min hrilh a. Picnic nikhuaa a chak fal bik leh helhhawlh chesual zui ta hi an ang viau awm e. mahse, an vanneih asiamin, khawtual na na na chuan mikhual hawiher an lo hre ngiang mai a, hlawh neia kaihruaitu ruai duh tur chi an ni ngei tih hai hauh lova bekbawrtu an tawng ta thuai a. Tichuan, hruaitu neiin an leng kual zui ta a. Nikhatna-ah hian Via Dolorosa lam atanga tanin, Church of the Sculpture te, Tahna bang te an han suatluan phawt a.

A ni hnihnaah chuan Bethlehem leh Berampute Beram venna phul te, Tuipui thi te, Jeriko te, Zakaia lawnna Theipui kung te, Isuan ni 40 leh zan 40 chaw a ngeina tlangte an han suartluan leh a. Tuipui thi, khawvel hmun hniamber chanchin a sawina-ah hian Commissioner hian khawvel hmun dang, tuifinriat aia hniam hmun 60 lai hming, an awmna leh an hniam zawng (meter) a dah tel a, hei hi thil tha leh tangkai tak a ni.

A nithumna chu, Jerusalem khawpui hlui-a veng hrang hrang, rilru lama an hriat lar ve tak tak, a taka an la hmuh si loh an han fangkual leh a. Muslim veng, Christian veng, Armenian veng leh Juda veng te. Chutah, Zion tlang lamah her liamin Lal David thlan te, Pindan chungnung te, Jerusalem Kulh kawngkhar te, Gate hrang hrang, Golden Gate (a bu hming lo pian chhuahna lai) te fangkualin, Gethsemani huan an pan leh a. Chutah Olive tlang-ah lawn-in, mihlui ho thlanmual te an han fangkual leh a. Bethphage, Isua chuanna Sanbengtung no awmna khua te, Lal Isua ngeiin 'Lalpa tawngtaina' kan tih a zirtir thinna hmun te, Simona in te uluk em emin an han fang leh a. A ni lina-ah chuan Isuate khua, Nazarethah kalin, Mari Tuikhur te, a hnena Lalpa Vantirhkoh a inlarna lai taka awm Biak In te, Kapernaum te, mipui 5000 hraina hmun te, Galilee Dil te tlawhin Jordan lui te mahni ke ngeiin an han dai leh vel a, hah pawh sawi phal lovin am takin hun an hmang leh a.

A ninganaah chuan hmun pawimawh tak tak dang, Sekem khuate, Bethani te tlawhin, lazara thlan leh amah hriatrengna Biak In te an tlawh a. He bungah hian, Isua thlan hmun te an tlawh chanchin bakah an hmun tlawh dante chanchin chhui zauna thui tak kan hmu a. A bik takin Gerizim leh Ebal tlang inkar hmun zau tak mai a, 'Aurinna leh i' pawh awm hlei lova tawng inhriattawn phak vek dan mak tak, Lapan mipui punkhawmna tana a hmun ruat bik mak dan chhuizauna te, Samari mite sakhaw rinna leh an awm phung te, Tuipui thi chanchin chipchiar tak bakah Abrahama Ramtiam luh thute leh a unaupa fapa Lota nena ram an insem thu leh a behbawm ngaihnawm tak tak i chhiar dsawn bawk.

A ni ruknaah hian, chhun dar 12:30-a chhuak tur an nih tawh avangin an fang tam lo a. An thlenna Hotel chung zawl atangin Jerusalem khaw thla Video in an la kual a. Isua Kross putna kawng zawhin a thihna leh an phumna hmun te an han sakhi ram fan thuak thuak thu kan hmu a.

Bung kuanaah hian a hma, kum 2005 May thla daih tawh a Atheni khuaa WCC khawmpuia Salvation Army ai awha a zin thuin a hnu a khar a. Atheni khuaa Hriatloh Pathian tan tih (Areopagi) lo chhuah dan (History) bakah Tirhkoh Paula te rawngbawlna chanchin ngaihnawm tak min khilai bakah WCC chungchangah ngaih dan fel tak kan neih theihna turin thuchah fel tak a zeptel bawk.

Commissioner hian Bible thu leh Judate History a hrehle tih he lehkhabu hian min hriattir a. Amah ngeiin mahni mit ngeia hmu bik si lova a lo ngaihven em em thin leh Training College-a Principal a nih lai atang renga a zirtir thin laia a zawhna tam tak a lo neih ruk ve thin te chungchang a, a chhanna te mahni mit ngeia hmuh ve a, a hmun ngeia han kal ve a lo chak ngawih ngawih thinna ram a han fang ta chu, a tui pawh a tuiin, a ngaih dan a ni hliah hliah tih a hriat reng a. A bu chhung thu inrem a thain, diary ang deuhva ziak a ni bawk a, a indawt tha thlarh mai a. tin, A sehhmeh turin thlalak te a dah bakah, Bible Bung leh chang hmangin a nemnghet tel zel bawk a. Uluk tak leh ngun taka chhiar chuan Jerusalem kan fang ve a ni ber mai. Commissioner hi ka hriat sual loh chuan pa titi thiam a ni a, ziak pawh a lo thiam narawh e.

Sawi tawh ang khan a Bible lamah leh a History lamah a chiang sa a, a hmuna fan hlan nghakhlel tak a ni bawk a. Damkawrrawp takin a chawhmeh duh zawng tak hmeh a, chaw a ei ang hi ni berin a lang. Sawi duah lo ila, Mizote zingah Israel ram chanchin tuipui leh ngaihven ber pawl a ka lo ngaih thin te zinga mi, Pu C Rokhuman 'Israel ram chanchin ka lo hriat ve leh ka lo ziah ve tawhte ka han chhut nawn leh hian, kei chuan vau chin leh chin lovah Sahdal leh Thangchep ve mai mai ka kam laiin, Commissioner Lalkiamlova hi chuan vau chhungah lutin Beai Thang a lo kam daih ni berin ka hria' a tih hian a tichiang tawkah ka ngai e.

Mizo Kristian, Jerusalem lama lungleng tak tak, kal ve thei si lo leh Pathian thua tui mite tan chuan chhiar ngei ngei chi a ni.

Commissioner te nupa Lalpan malsawm zel rawh se.

Ka lawm e.

NEWS COLLECTION

2009-10-11T14:00:00.000-07:00

Bible chuan 'Pathianin tluang taka nung turin mihringte hi a siam a, anni erawh chuan an tikihirhkhan zo vek a ni' a ti a (Thuhriltu 7: 29). Heng chanchin bu lawr khawm mak dangdai tak takte hi ngun takin chhiar la, kan khawvel dinhmun hi eng nge ang i tih ve le?

He nu hi a bialpa nen an in kiss laia a lei (tongue) a lo seh thlaksak avangin roreltuten lung in tang turin a chung thu an rel thlu a ni.

He nausen pianghlim hian a nun hmangaih taka a kiss chu a thih phah ve tlat mai. Kan khawvel hian hri tha lo a vei a ni. Fimkhur ava ngai em!!
Khawvel lum zual zel (Global Warming) chuan san lam a pan zel a, Chatuan vur awmkhawm tlang lian pui pui leh khawmual zau pumpui anga champut maite chu an tui huau huau reng a. Chu chuan tuifinriat tui tipungin a chim chin a sang chho zel a.

Tuifinriat chim chin sang zel chuan thliar kar tam tak chu hlauh thawnawm takin a awm tir a. Kan India ram bul mai a thliar kar pakhat Maldive ram tam zawk chu tuifinriat atanga feet sarih lek a sang a ni ta. Khawvelin a hlauhawmzia an hriat nan tiin Maldive ram lal chuan a Cabinet Minister zawng zawng chu tui liluh thiam vek tur leh, tuifinriat hnuaia Cabinet Meeting nei tura in buatsaih turin a ti. A lema a lan ang hian Diving suit nen an in ring thap mai.
He naupang hian a pa ler a thih phah ve thung. A pa in a nau nen awmin, Nau nawrna in Tuifinriat ko sang tak chunga kawngpui kamah an kal a. Chutih lai chuan A pa chuan a bialnu a hmu ta hlauh mai a. An han in pawm kiss chuan a fate pahnih Nau nawrnaa a nawr mekte chu a theihnghilhin a thlah ta mai a. Tuifinriatah an tlat liam ta, chhan tumin an pahnihin an zuang thlaa, mi dangin an rawn pui ve bawk a. Mahse a unaupa chauh an chhan chhuak a, ani te hi chu a dam chhuak zo ve ta lo a ni; ava khawngaihthlak em!! I ler vang em ni, i ler vang em ni? tih hla kha a ang khawp mai.

Pathianin mihring fate hnena a pek Lei (Planet Earth) mihring finna leh thiamna te, duhamna te hmanga kan tih chhiat vek tawh hnuah pawh la duh tawk lovin, Thla (Moon) pawh duhamna avangin kan bomb ul ul mai dawn a nih chuan le!!! Zawlnei Joelan 'Ni thimah a chang ang a, thla thisenah a chang ang a, Lalpa ni ropui tak leh rapthlak tak chu a lo thlen hmain' (Joela 2:31) kha a thleng dawn a ni mai lawng maw.

Biak Ina inkhawm zai te hial pawh zai ring lutuk lo turin kan in khap ta a nih hi le!! kan khawvel hi chu ava danglamin Pathian thu hian lalna ava chang ta lo nasa em aw!!! Amah fak nana aw min pekte pawh hmang tha ngam lo tura inkhap a ni ta hial mai.

Chutih laiin Chelsea boss chuan a teamten an khelh chhung zawng Pathian malsawmna dilin Kross a lo hum ran thin.

KA CHHINGMIT KHARLAI MIN HAWNSAK VE ANG

2009-09-27T10:13:00.000-07:00

Kum 1975 kum khan Mizoram Sorkar leh Salvation Army in be remin Kolasibah Mitdel School hawng tura hmalak a ni a. June thlaah kan hotuten Kalimpong Mitdel Schoolah Mitdel hawrawp zir turin min tir a. Dhalchera Corps-ah Commanding Officer kan nih lai a ni a. Kan fa upaber Janet Lalmawipuii chu thlaruk mi chauh a ni a, Kalimpong-ah chuan keimah chauhvin ka liam thla a. Mitdel zirlai leh zirtirtuten an hawrawp leh anmahni enkawl dan, kaih dan thlengin min zirtir a. Kum a lo ral a, December a lo nih meuh chuan, kut kherin chhiar ve thei lo mah ila, ka thiam thaw khat ve ta viau mai. Janaury thla lamah chuan Mitdel School thar hawng mai tura in ngai kha a In sak a la inpeih loh avangin Mary Scot Home ah chuan Assistant in Brigadier Dorothy Page-i hnuaiah appoint kan ni ta a. Ka nupui leh kan fanu Janet Lalmawipuii kum khat lo ni ve chiah chu ka han hruai a. 1976 kum chu School-ah zirtir pahin Mizoram Primary School zirlaibu Mitdel hawrawpa lehlin nan kan hmang ta a ni.
Kum 1977 January-ah Zoramah chuang chhuakin Kolasib-ah School chu kan han hawng tan ta a. Official-a hawnna erawh chu 17 April 1977-ah Territorial Commander Colonel Jaikumar Makanji an a nei. Hemi ni hian khua a chhe hle chungin Sorkar hna thawk mi lian engemaw zatin Aizawl atangin min tawimawm.

Mizote hian kan fate rual ban lo apiang hi kan lainat a zual a. Mitdelte zirna schoola tirh pawh kan harsat khawp mai. Anmahni tana rilru nawm vena tur lam kan ngaihtuahpui thiam loh vang a ni bawk a. An hmangaihna leh lainatna ngawt thlirin nu tam takten 'a ni mit khaw hmu lo thawh chhuah ka it lo' tiin lehkha zir tura tirh an remti lova. Chungte hrilh fiah nan leh Mizo mipui hrim hrimin Mitdelten lehkha an zir thei a, hna an thawkin mahni an into delh thei a; Nu leh pa leh chhungte chawmtu an ni thei tih an hriat nan Campaign neiin kan chhuahpui reng bawk a. Kum 1977 kum chuan campaign-in kan zin chhuak nasa hle a ni.
Tum khat chu Bilkhawthlirah Pathianni hmangin kan kal a. Kan haw lam chu zing karah Pu Lalhmingthanga Ralte Junior Engineer PWD in a Mortorin min han thlah a. Bilkhawthlir kan pelh phat atangin kan zai tan a, engemaw chen kan tlan hnu chuan hla pakhat a phuahtu ka hre lo:
'Lei hring nun hi ka pelh hun chuan,
Lungngaih tahna a bo vang;
Tlansate nen hlim tawp lovin,
Chhandamtu kan fak ning lawng'
tih hi thiam em em mai hian kan naute chuan an sa a. An sak lai chuan ka hnuk a ulh ta tlat mai a. Lei hring nun pela Lungngaih tahna bo hun tur an tana a nghahhlelhawm bikziate ka ngaih tuah a; zaipui thei lo khawpin ka tap ta mai a nih chu!! Chu chuan hla thar min rawn pe a. In kan thlen veleh Pen ka la a. Ka ziak nghal ta a.

He lei hring nun buaina ramah,
Ka chan tawk khuarel ka han dawn thin a;
Thimna leh thawpikna chauh maw,
Ka chan tawk reng hi lo ni le, Lalpa.
Hring mi naufa zaleng zawngten,
I kut chhuak ropui hmuin an chhiar;
Mahse ka nunnaah kei zawng,
Thimna lalin ro a rel e, Lalpa.

Ka chun leh zua unau zawngten,
Tinkim dawna nun khua an rel changin;
An lungawi lo an hrai duh leng,
Khawvel par mawi tawng lova ka leng hi.
Mahse min hmangaihtu Kristan,
Pathian ropuina tur a lo ti;
Amah fakin ka zai ang a,
Ka nih dan zawng i tan ka hlan Lalpa.

Ka thimna ram he thlaler hi ,
Ka pelh hun chuan hmangaih Lalpa ramah;
Nunna tharin lungduhte nen,
Hmangaihtu hmel kan la hmu ve ngei ang.
Tah chuan min hmangaihtu Kristan,
Nunna thar min lo pe dawn si a;
A kut chhuak ropui chhiar turin,
Ka chhingmit khar lai min hawnsak ve ang.

Ka nupui Lieutenant Lalhlimpuiin a thluk min siampui a, rei loteah sak theihin kan peih ta mai a. Ka phuah han tih chi pawh ni vakin ka hre lo. Lalpan min rawn pek liau liau ni berin ka hria. Chu hla thar nen chuan Zoram dung leh vang kan fang a, kalna apiangah mi rilru a hneh viau zel a. Kan nauten an hawrawp an chhiar a, Mitdel Sana pakhat kan neih chu mipui hmaah kan entir zel bawk a. Zoram mipui pawhin Mitdelte tan lehkha zir theih a nih leh kut dawha kawng sira thu mai lova mahni kut hna thawh chhuah ngeia din theih a nihzia kan hre chiang ta in ka hria.

Kum 1977 a lo tawp a, 3 Decembera Advance Christmas kan hmanni te kha a ngaihawm ta hle mai. Kolasib khaw chhunga sipai leh thian tha engemaw zatin min rawn hmanpui a, kan hlim teh asin!! Tunah chuan khang hun laia kan naupangte engemaw zat Matriculation pass leh graduate hialte niin sawm chuang laiin sawrkar hna an thawk ta mai hi lawmawm ka va ti tak em!! Hman kum deuh tawh atanga Aizawl khawpui kawtthlera Mitdel zaia kutdawhte ka hmuh hian ka rilru a na hle thin. Engemaw zat hi kan School naupang thin in zir chhuak zo ta lote an ni a. Hengmite tan hian eizawnna tur kawng dang zir tur a awm ngei ka ring thin. Hetia kutdawha mi thatnaa innghata awm ringawt lova an awm dan tur hi ngaihtuahpui tha ka ti khawp mai. Hetia kut dawha an zai hian mi rethei leh harsa dangte tan hna thawk hram lova kutdawha thut hi ei hmuhna awlsama ngaihna a hrin theih avangin sorkar pawh hian ngaihtuah deuh se tha ka ti hle. Kolasib Mitdel School Lalpan malsawmin hruai zel rawh se.

Lt, Colonel JOAN WILLIAM - MISSIONARY

2009-09-20T12:14:00.000-07:00

Lt, Colonel Joan William-i hi India rama thawk tawh Missionary te zingah kan hriat lar ber a ni hial awm e. A pasal nen Missionary in Burma, India leh Sri Lanka-ah te an thawk tawh a. Sri Lanka-a an thawh laiin a pasal in Vankohna a chhansan a. Chumi hnuah India ram Kolkatta-ah Office neiin India pum Social Service Secretary in a awm a. Chuta tang chuan a retire ta a ni. India rama thawk tawh Missionary te zinga India ram hmangaiha, vei zung rengte zinga pakhat a ni a. Tunlaiah phei chuan ani lo hi chu thahnemngaia sum leh thahrui thawha an hmangaihna lanzui tirtu kan nei lo ni hialin a lang.
Tavistock, Devon-ah a awm a, A In pawh a kawt lam chu Market an a ni a, a kawm thlang lamah Lui lian ve tak hi a tlawh chhan bawk a. A hnuaia thlalak hi a kawm thlang lam pang Lui luang langa kan lakho a ni. Kan nupa bakah Mamuani (Rev. Lawmsanga nupui) leh a fanu kan hruai bawk a. Kan vaiin a Inah Mizo in mikhual ang thlapin min lo mi khual a. Kan cham laiin ni khat chu India rama Children Home pakhat Simultala, Bihar a mi tana suam tuakna Coffee Morning a siam a. Kan theih ang angin kan puia, mi za lai an lo kalkhawm a, Pound 1500/- lai a hmu chhuak a ni. A target aia tam a hmu chhuak a, a lawm hle. Heng sumte hi a hmuna kalin amah ngeiin a hlan thin.
A hnuaia thlalak hi a kawt lam pang atanga a In thla a ni a, sawi tawh angin a kawt lam hi chu Market a ni a. In a nei tha a, Ama luah bakah a inte hi Mi pathum laiin an la luah a ni. A in chu Sapho in changkang taka thil an tih ang hian a ti ve lova, a Missionary In hle a, Chaw einaah pawh serviet in chhawp thlip thlepte a awm ve lo. Lehkhabu hlui khawnkhawmna a siam a, chung chu a hralh leh a, chung atanga a hmuh chhuah zawng zawng pawh chu Missionary-a a thawh tawhna ram lamah a pe vek zel a ni.

Pi Joan William-i chuan Sapram hmun mawi hmingthang Cornwall lamah min chhuahpui a, Tuifinriat kam khua Looe an tihah min va hruaia, Tuifinriat kam vela tlang ram tlang panga Zoram ang maia an insakhote chu mawi kan tiin kan lung an tileng hle a ni.

A hnuaia mi hi Haytor an ti a, Lung tlang a ni ber ang chu. A chhipa ka han lawn chhuk thla leh lam thla a ni. A chhip atang hian a chheh vel ram zau tak lang rai dup maite chu thla lak tumin video camera nen ka lawn chhova. Thli a lo thaw nasa em em mai a, a chhip lungpui zawlah chuan din chu sawi loh thut ngam pawh a lo ni lova, ka bawk phek tawp mai a. Chuta tanga ka chhuk chu thawh kan ngam ni tawh hek lo, zangthalin a tawlhin ka tawlh liama. Ka kekawr hnung ipte kawrkilh te pawh ka ti keh a, a pawngte pawh a tet hial a ni. Amaherawhchu zahpuiawm khawpa tet erawh a ni lo hlauh.

Mi tamtak chuan Missionarya an thawhna ramte dik lohna leh sualnate hi an hre reng thin a, chu chuan an hmangaihna leh an duhsakna te pawh a tihkiamsak thin. Pi Joan William-i erawh chu chutiang a ni ve lo. India rama thil dik lo leh sualnate chu a hre hlei hlei a ni a, mahse chung chuan a hmangaihna a tikiam chuang lova, a tizual zawk emaw tih tur a ni. Tunah pawh hian Zoram leh India ram hmun thenkhatte tlawh turin a in buatsaih mek a. A thiannu pakhat amah zui tum chuan Aizawl Baby homeah thla engemaw zat tal a theih chuan puih ka duh a ti nghe nghe.

Pi Joan William-i India ram hmangaihtu hi dam reng rawh se.

LEGENDS OF GLASTONBURY

2009-09-11T09:55:00.000-07:00

Great Britain-ah kum ruk lai kan lo awm ve ta bawk a. Kumin chu an ram mawia an sawi Devon leh Cornwall i tlawh ve teh ang kan ti a. Kan tlawh chak zualna chhan pa khat chu kan tunu hmingah Devon tih a nih vang a ni. Vanneih thlak takin Devonah hian Lt, Colonel Joan William India rama Missionary a awm tawh thin, India hmangaih em em mai chu a awm hlauh bawk a. A Inah Mizo in mikhual ang thlapin min lo mikhuala, a chungah kan lawm teh asin. (Chanchin kimchang Army Home lamah ka dah e). Kan thlenna khuaa chu Tavistock a ni a.

Tavistock-a an Biak In pakhat compoundah chuan Thing phun pakhat an lo nei a, chu chu kan thla lakpui hi a ni. He thing hi 'Glastonbury thorn' an tih zar sahthlak a ni tiin kan Guide chuan min hrilh.

Glastonbury Thorn: Sapho thu in hlan chhawn in a sawi dan chuan Isua thih hnu khan a ruang la thlaa phumtu Josepha Arimathai khua a mi kha Glatonbury-ah hian a lo kal a. Kohhran a rawn din a, chu chu Saprama Christian Kohhran ding hmasaber a ni nghe nghe. A Kohhran din Biak In compound-ah chuan a tiang a sawhphun a, chu chu a lo chawr a. Christmas ni apiangin a par a. A par chu vawiin thleng hian England lal In (Buckingham Palace-ah) an la thawn ziah a ni. Chu thing danglam leh chanchin nei tak mai chu a hnuaia mi hi a ni.
Hemi hmunah hian Christian-ten kut ropui tak an hmang thin. An sawi dan chuan Josepha Arimathai kha mi hausa tak a ni a, Isua nen inlaichinna an nei a. Glastonbury-a a kal hian Isua Nu Mari pawh a hruai a ni an ti.

ENGIN NGE HLA MIN PHUAH TIR

2009-09-04T03:03:00.000-07:00

Salvation Army Officer training session 'Light Bringer' chu October 1970-ah tan a ni a. Kei chu a tir atanga pawm ka ni ve lova. Kal thei lo pakhat, Baktawng a mi ni ta awmin ka hria, a awm azarah kan hotuten min rawn ko ve leh hnuhnawh a. December thlaah Christmas dawn tep hian ka lut ve ta a. Cadet Kiamlova, ka ni ve ta.
1970 Octoberah min Commissioned a. Ka Corps hmasaber chu Tlangmawi a ni a, khaw lian lo tak a ni a. A khua pawhin In 14 chauh kan ni a. Primary School leh Middle School a awm a. A khua chu tlang chung zawla awm nuam em em mai hi a ni a. Amaherawhchu kan luahlum zawh loh em avangin khawchhung hnimbuk karahte hian Phivawkte an rawn riak ve thin a. Sai a rawn luh thuak thuak changte a awm bawk a. A khuain Sipai pawl vek kan ni a, chutih laia an lal chuan kohhran dang din a phal lova, Sipai pawl khua a ni tawp mai a ni. Kan mite chu ei leh barah an harsa em em mai a, mahse kan awm chhungin Pathian ram an neih ang atangin an pe tha a, Cachar District chhunga thawhlawm nei thaber kan nih changte a awm ve a. Chutih lai chuan thla khatah Rs 60 ka hlawh a, tanpui ngai zualte theih ang angin ka la pui ve leh chhawng thin a. Pathian zarah ka nghei bik lo.
Khawhar em em mai chang hi ka nei thin a, Kan khua atanga hmar thlang lam pangah chuan Ngaihban tlang ngaw dur tha em em mai hi a awma. Tlai ni tla turin chung tlang vel an chhun en ruih maite chuan ka lung a tileng zual thin a. Ka tap ru deuh thin a niber e. Kan bul hnaiah Officer dang han biak phak tur an awm mai si lova. Lothazawlah Lieutenant Thanhlira a awm ve a, mahse reiloteah Zoram lamah an sawn chho va. A Corps pawh chu ka va bial tel ve ta nghe nghe a. Pathian tanpuinaa ka tuar chhuak thei kha ka va lawm em!! Ka lungleng khawhar chu a ni taber ang chu hla min phuahtirtu kha; He ti hian ka'n ti ve ta a nih kha:

1. Aw awmkhua a har tinkim ka dawnin,
Nun hlui puan ang a chul tawh hnu kha;
Ngai mah ila kir an rel lo,

Zaitin ka chhiar nilen e.

Aw min awmpui la ka Lal nunnem,
Hmuh ka nuam i ram mawi chullo lawmna parmawi,
Vulna hmun min thlirtir rawh.

2. Thal favang tlai ni tla eng riaian,
Mahten awmhar tuar ka zuam lo e,
Leng la Lalpa ka thinlung ah,
Awmhar tuar a nem tawh ang.

3. Tlang tin ka chuan vel nun hlui ka thlir a,
Siangah an lawi siamtu runah chuan;
Mahriakten ar ang ka vai e,
Tinkim ka dawn chang ni hian.

4. Ka ngai ka pa ram lungduh an lenna,
Tahchuan awmhar tuar a awm tawh lawng;
Min tlantu beramno fakin,
Lungduh zawng an kim tawh ang.

Vanneihthlak takin Traininga kan awm laiin Naupang khawmpui Ruallungah kan tel ve a. Chuta tang chuan ka kumtluang kawppui tur ka chhar ta. Kan dawta Officer training session an hawn chu engemaw chen an kal leh tawh a; Kan hotute khawngaihna azarah engemaw chen session a kal hnuah, keimah ang bawkin, kan hotuten Nl Lalhlimpuii chu Cadet nih an phal ve leh ta a. Hun laklawhah training chu a zawm ve leh ta a. 1973 April thlaah chuan hotuten ka khawhar min hriatthiampui a ni ang, amahin an commissioned a, min rawn zawm ve ta a. Khawhar a hnem teh asin!!!!.

WALES LAM VE THUNG

2009-08-31T12:09:00.000-07:00

Wales han tih hian zofate lung a kuai a, Pathian hnenah lawmthu min sawitir thin a ni. Mizo Pastor pathum lai Wales-a kan nei ta mai hi a lawmawm hle mai. Kawng khatah chuan min hringtu zawkte tlakhniam takzia a tilang thei a. Lehlamah chuan an fa hrinte an tihpuitlinzia a tilang bawk. An fa hrinte heti khawpa an puitlin tawh chuan a hringtu chuan tar lam an pan chu dem vak tur em ni ang. An faten an enkawl ve thung pawh chu an tihtur dik tak a ni dawn lawm ni. Sum leh paiah thleng pawh an harsa a nih chuan nu leh pate chu kan pui let ngei tur a ni ang chu. Zoram kohhran pakhat tan Wales-a Pastor pakhat chawm hi thil harsa a ni reng reng lo. Kan pastorte hian Wales ram chungchangah sawi tur tam tak an neiin sawi pawh an sawi ngei ka ring a. Kan Missionaryte hnena lawmthu sawi nan ka blog-ah hian kan dah ve hrim hrim duh a ni.
Kan Missionary-te hi an fakawm ka ti thlawt. An rawn kalsan ram nawmzia leh mawizia lam hre hawt lovin, kan zoram chu nuam leh mawi ti em emin, Thingpui parcel ruak ngei mai kha Double base-ah siamin 'Kan zoram nuam hi chhawr pial run i iang e; Hei aia ram nuam zawk hi ram dang awm ve maw!! tihte kha kan sak khum tlut tlut mai a. 'Kan ram a nuam zawk daih' tiin min lo nuihsan reng reng lova. Naupang tawng thei tir nu leh paten an lawm ang tluk zetin thiamtakin min lo lawmin min lo dawm mai mai a ni tih an ram han hmuh hian a chiang khawp mai.

Tuifinriat chunga tlai thlifim dawnna tur Leihkapui an dawhte hi a pui hem hem asin.

Tlang sang tak tak leh kham rang mawi tak takte pawh an nei ve tho mai.

Snowdon tlangte hi Englanah pawh an tlangsang ber a ni a, mahse Rel an lawntir thei tlat nia.

Kan Ruahthimpuite pawh kha an tan thilmak tak a ni lovang. An ruah haw turte reng hi an thim ve mai.

An thingtlang khuate hi asin mawi, 'Aw enchim loh thlir ninawm loh' tia thlir vawng vawng mai tlak thiau an ni.

Missionary Pi Tei-i phumna thlan mual, tlan paha Motor atanga kan lak.
Quary Slate an laih chhuahna, tunah erawh chuan an hmang tawh lo.

MIPA KAWR LEH HMEICHHE KAWR

2009-08-23T14:19:00.000-07:00

Tunlai hian Mipa thuam leh Hmeichhe thuamte hi a danglam ta lo hle mai a. Mipa hmeichhe thuama inthuam chu an awm kher lo mai thei a, Tuaite an nih loh chuan. Hmeichhia erawh chuan mipa thuam an inbel nasa ta hle mai. Kan thawmhnaw atang chuan mipa leh hmeichhia pawh hriat hran a harsa ta.
Mipa kawr leh Hmeichhe kawr danglamna ber pakhat chu a kawrkilh awmna hi a ni a. Mipa kawr chu a lema a lan ang hian a kawr hma dinglamah kawrkilh a in vuah a. Hmeichhe kawr erawh chu Vei lamah kawrkilh a in vuah. Hei hi a chhan i hria em? Hmanlai in indo reng renga khawsa an ni a. Mipa chu raldo tura ngaih a ni mai a. Chung laia an ralthuam tha chu Ngunhnam a ni a. Chu chu Mipa in veilam khelah an pai thin a. Chu chu an dinglamin an phawi thin a ni. Kawr atan kawrkilh an vuah tan dawn hian nasatakin an ngaihtuah a. Mipa hi dinglamah ni sela, chutilo chuan Ngunhnam phawiin a lo bat thei dawn a, tiin Mipa kawr chu a hma dinglamah kawrkilh an vuah ta zel a ni.

RAM NGAW HUMHALH

2009-08-07T09:09:00.000-07:00

He thlalak mawi tak mai hi Saituala Salvation army Hlimna In chung atanga khawthlang lam hawia ka lak a ni a. Zoram thla ka lak hrang hrangte zingah mawi ka tih ber a ni. Tlangdung pahnihna hi Seling tlang dung a ni a, a dawt lehah sawn Durtlang leh Aizawl te pawh a lang thei. Hetiang ram hring mawi tak mai hian mit a tihahdam a, min tihlim a, nun a tinuam a, boruak a vawng tha bawk a. Mihring hriselna atan pawh a tha a, ram sate tan a nuamin an nunna a ni bawk a. Vawn that reng atan ava tha em!! A hnuaia mi hi zuangtui Kudam, Sangthankima hovin mi harsate an enkawlna Riangvaite Run lam phei kha a ni a. Salvation army tawngtai tlang pawh chiang takin a lan khi.

Kan lo neih dan hian ram chu a tichhia a ni. Kangvar laiin zoramah kan zin a, a hnuaia mite pahnih hi Karvar thla kan lak a ni. Hman laia kan tih ve fo thin dan mah ni se kan hmuh lohna a rei tawh a, ram ngaw humhalh tulzia hriatna ram leh ngaihtuahna atanga han thlir chuan ram kan tipamhmai chauh pawh a ni lova; a lungchhiat thlak thei hial a ni. Zoram mipuiin thlawhhma atana kan neih tur aia zau zawk ram kan tikangchhe tel zel mai si a. Tumah lah dem tur an awm chuang lova, kum hei chen State sorkar kan nih hnu pawhin a thlakna tur tha kan la hmu chhuak si lova. A thlakna kan hmu chhuak lo a nih pawhin hman lai ram theh leh humhalh ang khan ram kang zau lo thei tur ang bera ram theh te la ni sela a that dawn teh reng nen. A tihdan tha zawk hmuh chhuah chu a ngai a ni.

Kan sorkar hotute tih tur chauhvah dah lo ila; kan Scientist hote, kan Agriculturist hote leh lo neitute tangrual in, thingtlang lo neih dan tha zawk hmuh chhuah tumin beihpui thlak a ngai a ni. Ram hmangaihtute hian ram tak tak hi i hmangaih teh ang u. Tih dan tha nia kan hriat apiang thawh tlang ila, i tangtlang teh ang u, kan zaa mawhphurhna a ni e.

CHHAWRTUI KHUA

2009-08-01T10:30:00.000-07:00

CHHAWRTUI khua hi ka seilenna khua a ni a. Ka chhuahsanna rei hle tawh mah se vawin thlenga ka khuaa ka la chhal a ni.
Chhawrtui khua miten an hriatlarna tak pakhat chu a Tuikhur hi a ni a. Khaw laili takah, Sih ruamah hian Tuikhur tha tak mai an nei a. Chu chu 'KHURPUI' an ti a. Chumi chhakah chuan a hnar kinah Tuikhur a awm bawk a, chu chu 'Luihnar' an ti a; a thlang lamah Lengkir hniamte hnuaiah khur hnih a awm a, Chung chu 'Hna pen' an ti a. Khurpui hi Chhawrtuineihlala chhun chhuah a ni an ti a. A thuk lam hi Feet nga vel lai a ni a. Tui hi a mawng atanga rawn irh chhuak a ni a. Lunghlir a ni a, a lung pawh a chang tha a, chumi mawng atanga tui lo irh chhuak chu a thianghlim em em a. Amaherawh chu a hna hi a tam lova, a kang deuh reng a. A mawnga tling khawm zu suak tur chuan Fian liang sei tak neih a ngai a. Fianthlir pangngaiin a phak loh avangin Mauin an zawm thin a. Chu chuan a kawngkaah hian kun lutin an zuk suak thin a ni.

Kum 1955 hma lam zawng kha chuan a chung hi Lungphek hlai taka khuh a ni a, 1955-ah Tuna a lan ang hian siam a ni ta a ni. Ka la naupang viau a, mahse ka hre chiang ve thei tawh hle a. A chung an zut lai hian cement ro tak tak hmain Kawiin kan nawt mam ve thin.

Chhawrtui Tuikhur chunglamah hian tlang sang tak a awm a, chu chu Chhawrtui khaw chhunga tlang sang ber lai a ni a. A chhipah hian Bung a awm avangin Bungtlang an ti a. Indopui lai khan Champhaia Ration thlak tur Thlawhna pakhat chuan Chhawrtui khuaah hian a thlak chiam mai a. Inte a deng chhia a. A hnuah engvanga chulaia thlak mai nge tih an han zawh chuan 'Bung awmnaah thlak tur in tia lawm' a ti e, an tih chu. Champhaiah Bung a awm a, Chhawrtuiah pawh a awm a. A hnai zawk leh Japan ral hlat deuh zawk Chhawrtui khua Bungtlanga Bung a hmuh hian a thlak ta mai a ni awm e. Chuta tanga rei vak lovah chuan Chhawrtui Bung chu Tekin a deng a, a thi ta a ni.

Bung tlangah chuan Chhandamna Sipai Pawlin Biak In an nei thin a. Tunah erawh chuan a hmun an sawn tawh a. Mahse Chu Biak Ina Zahngaihna Dawhkan chu Ka piantharna hmun leh Rawngbawl tura ka inhlanna a nih avangin ka ngaisang a. Chumi hmunah chuan Chhawrtui khuain Zahngaihna Dawhkan Cement-in min siamsak a, ka kal apiangin ka inhlan thar thin. He Zahngaihna Dawhkanah hian: 'SIM RAWH U VANRAM CHU A HNAI TAWH E' tih a in ziak.
Chhawrtui khua miten an hriat larna dangdai tak dang pakhat chu: 'Hming Mak' a ni. Chung hming mak an tih thinte chu: Aiuta, Awtliana, Bawngauva, Bawngsaia, Buhsanga, Chhesawnga, Hmaihlaia, Hnamlena, Keseia, Mawiuka, Rangliana, Rawkhawnga, Sakeia, Savawma, Sapbekhama, Telrawka, Tesawpa,Vaiseia, Vaisanga. - Heng hian hming hran tha pangngai deuh chu an nei ve tho a ni awm e. mahse Chhawrtui khawho hi an phawk khawpa hming loa in kohte hi an ching a, mahse tuman an ngaihaw chuang lo. ~A thente hi chu an hming tak tak a ni.

Chhawrtui khuaa hming sei ber nia an sawi thin chu: Paihtevengkawntlangliamapusiamdalasakhithangkamnabulabatlingkungathangnangkhawngaempaikhataphurthurthuri hming hi a ni. Mihring hming chu ziahzawm vek tur tih hi Primary School ka kal laia min zirtir dan a nih avangin ka ziak zawm a ni. Chhiar la, chhiar awl tura i ngaih angin han ziak chhuak chhin teh le!!!

BIBLE STUDY - REVELATION 2 & 3

2009-07-18T02:23:00.000-07:00

Thupuan bung hnih leh bung thumah hian Kohhran pasarihte hnena lehkha thawn kan hmu a. A hmasain Kohhran mal tinte endiktu (Isua) in a hmuh dan leh an hnena a thu sawite in thlir phawt teh ang.

EHESUS (Loveless):

1. Description of the one testing the Church: Who holds seven stars and walks among the seven golden lamp stands.

2. Nature of the Church as seen by the one who tests: Persevering, enduring hardship, hating wicked men, hard work.

3. Nature of attack by enemies: Nicolaitants and False appostles.

4. Counsel given to the Church: To return to the height from which he has fallen.

5. Promise for faithful and repantant: Right to eat from the tree of Life of paradise.

SMYRNA (Persecuted):

1. The First and the Last, who died and came to life again,

2. Afflicted and poor yet rich.

3. False Jews, Synagogue of Satan.

4. Be faithful at the point of death.

5. Crown of Life and be saved from second death.

PERGAMUM (Compromise):

1. Who has the sharp double edge sword.

2. True to Jesus, did not renounce faith even when Antipas faithful withness was murdered.

3. Balaam Sexual immorality, Nicolaitant, shameless in uncleanness4. Repent otherwise I will come to fight against followers of Balaam.

5. Hidden Manna, white stone and a new name written on it.

THYATIRA (Corrupt):

1. Son of God whose eyes are like blazing fire and feet like burnished bronze.

2. Love, faith, service and perseverance.

3. Jezbel self prophetess.

4. Hole on to what you have till I come.

5. Authority over nations and rule them ... dash them pieces, Morning Star.

SARDIS (Dead):

1. Who holds the seven spirits of God and the seven stars.

2. Reputation of life but dead.

3. No enemies (No attack)

4. Wake up, strengthen what remains and is about to die, obey what you have heard and repent.

5. Faithful few will walk in white with Him. their name would not be blotted out from the Book of Life.

PHILEDELPHIA (Faithful):

1. Who is holly and true, who holds the key of David. What he opens no one shuts what he shuts no one open.

2. Little strength yet faithful, patient

3. Synagogue of Satan.

4. Hold on to what you have.

5. Keep him from trial to come upon the whole world. Make him pillar of a temple, Name of God and the city be written upon him.

LAODICEA (Lukewarm):

1. The Amen, faithful and true witness, the ruler of God's creation.

2. Neither cold nor hot, lukewarm, poor, naked, blind, proud, wretched, pitiful. About to be spat out from His mouth.

3. No Enemies (No attack)

4. Buy gold refined in the fire to become rich and white clothes to wear to cover nakedness.

5. To come in if open the door and be with him and he with Jesus. Right to sit on the throne.

SAWI FIAHNA: Kohhran hmasaber Ephesus kohhranah khian number khat atanga number 5 thleng thupui kan dah a. Khi khi kohhran dang atan type nawn leh tawh lovin kan ring nghal mai a. A number mil zel hian a chhanna kan siam thla zel a ni. A awmzia chu: Ahmasaberah chuan Kohhran hming an ni phawt a. Chumi dawtah Number 1 chu Kohhran endiktuin amah a in sawi chhuah (address) dan a ni a. Number 2 chu Kohhran dinhmun a hmuh dan a ni a. Number 3 chu Kohhran chhunga hmelma anmahni tichhe tura bei mektu awmte a ni a; Number 4 chu An kohhran endiktuin an dinhmun atanga an tihtura a rawn counselling a pekte an ni a, a tawp ber Number 5 hi Kohhran endiktuin a endik a, an awm dante a puan vek hnuah leh an tihtur counselling te pe a a hrilh hnuah Beiseina a siamsak te an ni.

HRILHFIAHNA: Kohhran endiktu hi Isua a ni a, amah a in sawifiah dan hi an kohhran dinhmun azirin a danglam zel a. A thenah chuan 'Mit mei alh ang nei a', te a inti a, a thenah chuan 'Khandaih hriam tawn nei a' te a in ti a. Hei hi an kohhran dinhmun ang zela an tana hlauhawm emaw malsawmtu, enkawltu a nihzia a in sawilanna a ni. A pathumna number 3 ah hian an kohhran chhunga hmelma an kohhran tihchhiat tumtu inrawlh dan leh chung tichhetu te chu tutenge an nih chiangtakin a hriattir vek a. Chu mi hnuah chuan Number 4 ah hian chung an beih dan turte leh an awm dan atanga an inlamletna turte a hriattirin counselling a pe a. A tawp ber Number 5 ah hian an kohhran dinhmun leh an mimal thlarau lam nun chu eng ang pawh lo ni se, mi rinawm leh inlamlet te tan chuan beisei tur a la awm a ni tiin thutiam beisei tur (hope) a la siamsak a ni.

Heng lehkha thawntea chhin chhiah tur pawimawh tak takte chu:

1. Kan kohhran dinhmun leh kan mimal nun theuh hi Lalpan chiangtakin min hmu,

2. Kohran pahnih a chhunga hmelma awm lo, beitu awm miah lo, Sardis leh Laodicea kohhrante hi pakhat chu 'Kohhran thi' a ni a, pakhat chu 'Lum si lo vawt si lo' a ni a. Hei hian hmelma neih loh hian kohhran a timuthlu a, chauhna a thlen a, hmelma awmte hian chakna min pe a, min titang a ni tih a tilang.

3. A tawpberah hian kan sawi tawh angin tute tan pawh Beisei tur a siamsak vek a. Kohhran lum si lo vawt si lo te, kohhran thi Sardis te tan te pawh Bieisei turte hi a siamsak tha hlei hlei emaw tih tur a ni. Hei hian min zirtir ropui tak a nei. Kan fate leh mi sual tu pawh kan zilh a, kan hau a, kan vau a, beisei tur siamsak miah lova kan kalsan hian an nunah beidawnna leh mahni hial inkhawih duhna te pawh a thlen thin a ni tih min hriattir a ni. Mizo pa tamtak fa sual hau chuan 'Ka hmu peih tawh lo che, i lakah engmah bat ka nei lo, ka mit hmuh phak lohvah kalbo rawh' tih te kan ching thin. Chutih lai taka Nu-in an fate hmangaiha thil an lo rawltuk te kan haw em em a, mahse nu hian chutiang chu lo ti miah lovin, nu-ah tal beisei tur an la nei a ni tih hre hauh ta lo se, mahni intiboral duh fa hi an tam tawh viau mai thei a ni. Fa sual zilh leh siam that tumna kawngah nu leh pa tan rual a tul kan ti thin a, a dik khawp mai. Mahse tan rual dan tha hriat a tul. Anmahni hnawl leh duh tawh lo, be peih tawh lo zawnga kan tan rual vaih chuan in chhung khurah beisei tur an nei tawh lova, pawna tlan chhuah a, Khawlaia an theih ang anga ei zawn chu an hmabak a ni mai. Pathian thu chuan mi sualber pawh beiseina siamsak lovin a kalsan ve ngai lo. Hmangaihtu pathian nih ava tling tak em!!!

Wimbledon 2009

2009-06-29T05:22:00.001-07:00

June 27 2009 a ni a, an sawi Wimbledon chu kan en ve ta ngei mai. Pu Jimmy a hovin Gate-ah kan han lut dam dam a, Court Number 1 hrulah lut chhovin Stepah thla kan han la ho phawt mai a. Chuta tang chuan British Tennis Player lar tak Henman a hming chawia an phuah Henman Hill an tih TV screen lianpui a an enthinna tlang chu kan pan chho va. Tlang kan han thleng chho chu TV a en tur, ground ticket chauh nei, ho chu an lo thu khat hmur tawh mai a. Thuthmun han rem vena tur tha pawh a lo awm tawh lo. Engpawhnise chulaia thuthmun han zawn ve lam reng reng chu kan pu chuan min ngaihtuahpui lova. Wimble kan en hriatrengna tur thla lak chu kan tih leh hmasakber chu a ni a.

Tlangchhip lam panin kan chho zel a. Wimbledon 2009 tih grass a an ziakna hmun kan han thleng chu chumi lang chuan thla an lo la sup sup mai a. Chance hmuh ve a har hle mai. Duh anga mi dang lang miah lova la tur chuan vengtu insiam deuhte pawh a lo ngai hial a ni. Engpawhnise chutah chuan thla chu kan han la ve ta a.Henman Hill atang hian a compound chhung cheimawi nan leh vawnvawh nan lui an siam chawp chu a luang del del reng mai bawk a. A fim em em a, a kamah chuan kan thu chawlin, thlate kan han la a nih hi.Henman Hill atang chuan han thlir ila, mipui an insul nulh nulh mai a, an tam teh asin. Mahse chuti khawpa mipui tam chu an vawng fel em em mai a. Compound pawh an vawng thianghlim a. Tuman kuhva eina an chhak lova, an chhun chaw ken leh ei leh in kawr emaw ei bang emaw an paih ve neih nuaih lova. Hnawm bawm a paihna tura siamah an paih thlap zel a. Chubakah stepah emaw tlang pangah a ni emaw mipui tamin thutna tur in chanlo hle mahse, duty ten thutna tur an tihchin bakah chuan tumah an thului ve lo. Dan zawm hnam (Law abiding nation) a nihna hi an awhawm em emna a ni.

Kan thianpa Jimmy Pachuau Club member nihna azarah Wimbledon Restaurant mipa tawh phawt chu Necktie suih ngei ngei tura an beiseinaahte kan lutin thingpuite kan in a. Club member an fa mipa kal thei tawh hruaite pawhin nectie suihtir vek a ngai nia maw le!! Chuvang chuan kan han in duan deuh zaih ni. Chutah chuan mi lar tak pakhat kan hmuh leh thla kan lakpui chu Cliff Richard hi a ni. He Restaurant hi Centre Courta nena inzawm a ni a, Inkhelhote leh a en tur mi lar zawng zawngte intihhahdamna Restaurant, an eia an ina an hahchawlhna a ni. Hengahte kan han lut thei ve lehzel hi Inkhel kan en chauh pawh kan lungawi nen a lawmawm lehzel teh asin.

Inkhel tan hmain kan fang kuala Centre Court chhunga kan zuk lut chu Boris baker leh Sue Barker-te an lo interview mek lai a lo ni a. Backgroundah hmangin thlate kan han la ve a. Sue Barker hi a puangtupui ber pakhat a ni a, Cliff Richarda bialnu thin a nih nghe nghe kha. Chutah chuan seat kan nei a, Centre Courtah ngei hian inkhel kan en dawn a ni tih reng kan lo hre lova, Pu Jimmya chuan ticket min lo neihsak diam mai lo niin. Ava lawmawm leh zel em. Court lian deuh deuhte kan fang kuala kan lut kim hle mai.

Heta thla kan lakpui hi Centre Court-a an Umpire pakhat a ni a. Court-a a luh hmain kan in hmu a, thla kan han lakpui ve zuai a ni. kan hnung a mite hian mi an it ve hmel asin, kan hnungah an lo nui sang mai.
Centre Court chhungah Inkhel tan hmain duty pakhat thla kan lakpui. Centre Court hi kan enna hmunber chu a ni ta a. Roddick a te inkhel te, Venus William-i te inkhelte kan en. Nilengin hun kan hmang a, kan hlim hle a ni. Kan hriat angin Wimbledon inkhel lai hi Englandah ruah sur lai a nih thin avangin inkhelh lak lawh lai ten an khuh po po thin a. Tunah chuan Centre Court bik hi a chung an siam a. Ruahsur veleh a khar mai theih a ni ta. Kan en ni pawh hian Murray-a te inkhelh laiin an khar a ni.

MAHNI TA LO KAWL

2009-05-22T12:33:00.000-07:00

Thuhriltu pakhat chuan an tia lawm: "Zan ina ka changthlan chu Nikola Thupuan bung hnih chang ruk (thupuan 2:6) a mi hi a ni a. Nikola nih hi a tha a ni. A ni lo kawl hi a hlauhawm em em a. Unaute u, in enchiang teh ang u, Nikawla kan ni em? Nangni nute u in en chiang teh u, Nikawla in ni em, Nangni pate u, Nikawla in ni em, thalaite pawh in enchiang rawh u. Kan vaiin Nikawla kan ni tur a ni. Nikawla nih hi ava pawimawh em!" a ti hlap hlap e, an tih chu.

England hian an ta lo an lo kawl em ni? An lalte lallukhum an khumtirna chair, coronation chair' an tih mai, thutna hnuaiah hian Lung pakhat 'Stone of Scone' an tih chu an dah thin a. He lung hi Jacoban a tlanbona kawngah Bethela a riah zana a lung lukham, a manga leihlawn, lei atanga van thlenga in dawh a hmuhna kha a ni e, an ti a (Genesis 28:18). He lung hi AD 1296 atanga an neih a ni a. King Edawrd I in Scotland atanga a lak a ni.

He lung hian chanchin a nei thui khawp mai a. An sawi dan chuan Israel ram atangin Zawlnei Jeremian Aiguptaah a keng thla a, chuta tang chuan Spain-ah, Ireland-ah a kal zel a. Ireland hian an tlangserh 'Tara' an tihah an dah a; 'Lia-Fail' an ti a. A awmzia chu 'The fatal stone' emaw 'the stone of destiny' tihna a ni. An lalte lallukhum khumtir nan an hmang thin a. Lal tur diktakin a chunga thua lallukhum a khum chuan he lung hi a lo au vak thin a. Lal tur dik tak nilo a thut erawh chuan a ngawi hmiah thin an ti.

Ireland atangin Scotland-ah a kal leh a, AD 846-ah Perthshire Monastery of Scone-ah an dah a. An lalte lallukhum khumtir nan an hmang ve leh a. An lalte zingah hemi chunga lallukhum khum hnuhnungber chu Balliol-a a ni, kum 1292-ah he lung chungah hian lalah an siam a. Chumi hnu 1296-ah England lal Edward-I in a chhuhsak ta a ni.

England lal Edward I in a lak hnu hian England lalte tana lallukhum khumna tur chair 'Coronation Chair' an tih chu AD 1300/1301 -ah a siamtir a. Chair-a thutna hnuaiah 'The stone of Scone' dahna tur kua a siamtir bawk a. A thlalakah pawh thutna hnuaiah a in zeh kuh hi. Kum 1308-ah Chair ke innghahna tur Sakeibaknei lem an siam leh a. Tun hnu hian a chair hi a rei tawh em avangin an repair zauh zauh bawk. AD 1308 atang hian lallukhum khumtirnan an hmang tan a. Chuta tang chuan England lal zawng zawng Edward v leh Edward viii tih loh chu hemi chairah vek hian lallukhum khumtir an ni. He chair hi England ram pumpuia vawiin nia thlenga furniture la hman te zinga a upa ber a ni.

Coronation Chair leh the stone of scone chungah hian England a luh hnuah chuan England lalte bakah mi pahnih chiah an la thu a. Chungte chu Cromwell-a leh Peter Abbot an ni a. Cromwell-a chu Lord Protectora an siamin an thuttir a, mahse lalte lallukhum khumna hmunah ni lovin a chair hi an zawn chhuak a, tah chuan an thuttir a ni. Peter Abbot erawhchu tuman a thut dan an hre lo. Mahse a chair hnungah hian 'he chairah hian Peter Abbot a mu' tih a lo ker tlat a ni.

Coronaton Chair hi England lalte lallukhum khumna chair niin ropui hlein lang mahse, He lung 'the stone of scone' tel lo hi chuan hlutna a nei lo. Scotland hian England in an ta an chhuhsak a ni tih an hre ran a. Ni 25 December 1950 khan Scotland Nationalist hovin an ru chhuak a, an rukna lamah an ti bal deuh nghe nghe a. An thukru ta a, an thuhruk chu 1951 April thlaah hmuh chhuah leh a ni a. February 1952-ah a awmna ngaiah fimkhur leh zuala vengin an dah leh a. Indopui laite khan a bo vang tih hlauvin an thukru zak zak a ni. Mahse Scotland-in kan ta a ni an tih tlat avangin 1996 kum khan an pekir leh ta nge nge a. Tunah chuan Edinburgh Casttle-ah a awm. An inremnaah chuan England-in lal thar an neiha, lallukhum an khumtir dawnah chuan Coronation Chaira dah turin lak a ni ang' tih a ni. Hei hian the stone of scone tel lo chuan Chair hian hlutna a nei miah lo a ni tih a tilang.

He lung lo chhuahna hi rinthu mai lo chu sawi theih ni lo mahse, lung danglam tak zawng a ni e. Heti hian ka ngaihtuah. Mahni ta lo kawl tlat mai hi thil tha lo tak mah nise, England chauh ni lovin mitin mai hi mahni ta lo kawl vek kan lo ni. Kan nunna leh kan hnar a thaw hi kan ta ni lo, Lalpa min kawl hawhtir mai a ni a. Mihring lei vaivuta siam hian Lalpa Nunna min hawhtir tel lo hi chuan, England coronation chair ang maiin, ropuina leh hlutna a nei miah lo. Lalpan nunna a hawhsak leh a hnara thaw a pek kawl tawh lo chu; mi ruang, rei lotea tawih ral mai tur, tenawm mai chauh a ni; Hlutna a nei tawh lo. He kan taksa ruangam hi Lalpa nunna min pek avang chauhva hlu a ni. Lalpan a duh hun huna a laklet theih, a ta kawltute kan ni a, fimkhur tak leh thianghlim taka hmang tur kan ni. He Nunna Lalpa ta kan kawl hi kan duh ang ang thil tih nana hmang tur kan ni lova, Lalpa tan thianghlim tak leh tangkai taka hmang tur kan ni. Engtikah nge min lakletsak dawn tuman kan hre lawk thei si lova.

SIALHAWK TUIZEM HAWN A NI

2009-04-22T11:52:00.000-07:00

Sialhawk khua hi In zali chuang an ni a, Biate leh Khawhai inkara awm a ni. Nikum Zorama kan chhuah lai khan an khawtlang hruaitu Village Council president leh Salvation army Corps awptu Kross sipai Lalnghinglova te lo kalin Tuizem min rawn dil a. An khaw tui harsatzia lantir turin Video film an siamte an rawn keng bawk a. An film siam han thlir chuan uchuak deuhva chan chawpte pawh a anna lai a awm a. Engpawhnise khawtlang hruaitute meuh lo kala an mamawhzia rawn sawi chu theihtawp chhuahin THQ pawhin rawn dilpuiin project-te siam a ni ta a.

An Project leh an film siamte chu United Kingdom territory hnenah pek a ni a. Annin sum lo khawnsakin Project chu tihpuitlinsak an ni ta a. Kuminah hian Corps Cadet Khawmpui hmang turin kan chhuak dawn tih hriain chumi ruala hawn theih tur chuan an tuizem siam chu an lo zo ve a. A hawng tura min rawn sawmna chu ngaipawimawhin kan han kal a. Tui harsatzia chu kan mit ngeiin kan han hmu ta a. Project siamsak tlak an lo ni ngei mai. An khawthlang hi In 400 chuang an ni a, chu chuan tui pump pali an nei a. An tui pump khawi mah hi tui tamtak a awm lova. Tin khat pump tur pawhin hun a duh rei em em mai a. Pump centre tinah hian Exercise book an dah a, tin dah apiangin hming ziah zel tur a ni a, an pump zawhah thai chhiat leh zel tur a ni bawk. Zing dar rukah Tin dahten tlai lam dar li-ah an pump thei chauh a ni. Heng Tui pump te bak hi Tuikhur chawi tur a awm miah lo bawk.

An Tuizem lo siam chu feet 20 diametre a thuk lam Feet 12 a ni a. Chu aia te deuh chu Salvation Army Biak In kawtah siam a ni bawk. Heng Tuizem pahnih mai hi chu a khatin tui lo awm thei pawh nise chhungkaw zali chuang tan chuan a tawk lo hle a ni. A aia lian siamsak theih atan an tha hle. An khawtlang hi an lawm thiam khawp mai a. Kan thlen ni chuan Salvation Army bakah khawtlang hruaitu hrang hrangten parthi nen min lo hmuak a. A zahthlak thei hial zawk a ni. A tukah Tuizem hawnna leh hlanna Inkhawm neih a ni a, ruai te theh a ni hial bawk a. Pathian Biak Inkhawmte kan neih bakah Nilengin upa hote nen inkawmna hun tha tak kan nei a ni.

Birth Day

2009-02-23T15:41:00.000-08:00

Pu Lallura Sailo chuan "Ka nu ka birth day hi eng ni nge? ka ti a. Ka nu chuan 'I nausen lai khan i pa khan Shillong atangin min rawn hruai a, kan chhuk thlak khan Shillong tlangah Khasihovin leipui an lo hal let let a' a ti ringawt mai a. Chuta tang chuan ka rin dah ta mai a ni". a ti. A pa hi sipai Jemadar Empera Sailo a ni a. A lan dan chuan thil chhinchhiah na chang hre awm tak a nih teh lul nen. A lo chhin chhiah hauh lo.

Hengte ka ngaihtuah chang hian ka nu, min hmangaih a, ka piantirh atanga ka nun engkim mai min hriatsak a, vawiin ni thlenga min tawngtaisaktu ka nei hi ka vanneihzia ka hre chhuak thin. Ka piannite hi min lo chhinchhiahsak tha em em mai . Lehkhabu te takte a siam a. A kawm chhung lamah chuan ka nausen lai thlalak tarin 'Lalkiamlova, Pianni March ni 7, tlai dar 3:20 tih hi a in ziak kalh a. A phek dawt lehah chuan A chhartu Nurse Laii leh Biaki, pianna hmun Aizawl Civil Hospital a in ti bawk a. Chuta tang chuan ka nuna thil thleng danglam deuh a piang a chhin chhiah ta zel a. Ka bawrh chhuah ni leh chumi avanga ka khua a sik thute. Ka bawhkhup theih ni te, ka thut theih ni te, kawng ka vuana ka din theih ni te, Bawng koh ka thiam ni te, Ka din theih leh kal ka tum a, ka ke hnuai pan avanga ka thulh leh rih thute lamin min chhinchhiahsak vek a ni. A tawpbera a chhinchhiah chu kalchhet chuan ka thiam ni a ni a. Chung nite chu keimah pawhin ka hre chiang tawh khawp mai. Khang lai khan chuti takin ka nun min care a ni tih ka hre hauh lo. Mahse tun hnua ka ngaihtuah let hian ropui ka tiin ka lawm tak zet a. Ka pian cham kum sawmrukna a lo thlen hian Ka Nu hnena ka lawmthu sawi nan hei hi ka ziak a ni.

Pathian huat zawng leh a duh loh zawng ka tih pawha vuak fung nen min zilh lova, Zahngaihna Dawhkan min kawhhmuhtu a nihnate hi ka ngaisang a. Ka nau Nghaktei nen min indanpui a, kei tleirawl ve uaih tawh chu miten lehkha zir chawla amah hna thawhpuia ram tang mai tura min ngaih laia Lehkha min zirtir tang tangtu a ni a. Ramhnuaia ka kal ve lai pawhin huaisen takin hotute hnenah 'ka fapa neih chhun a ni a, inkahnaah teltir lovin Office lamah dah hram tehu' titu kha. Ramhnuai pukah ka damlo min rawn tlawh a, ka silai phura min hruai hawa min enkawltu kha. Lalpa rawngbawl tura min hlantu, hun harsa tawp khawk a tawh pawha min la let lova, kal zel tura min fuihtu kha. A In vawihnih an halsak a, a tawpah hlate khuaah a silh leh fen lai chauh changa an hruai khawm hnu pawh a, min laklet zai rel lova, mahnia su tlang zeltu. A lakah ka va ba hnem em.

Nikum hmasa khan Aizawl Bethlehemah Nute ni kan hmang ve hlauh mai a, chumi ni chuan Lawmthu sawina pangpar mawi tak ka hlan a. Ka kum 60 Birth day a lo thlen hian chumi tuma kan thlalak hi kan tar chhuak teh ang. Ka nu avang hian ka Birth Day hi a special em em a ni.

Ka Nu ka lawm e.

Ka nupui fanaute hnenah pawh lawmthu ka sawi. Ka nupui duh tak Commissioner Lalhlimpuii hian ka birthday hi a theihnghilh ngai lo chauh nilovin min lawmsak ziah a. Hun tak takah then leh rualte min khawmsak thin a ni. kan fate nise ram hla taka kan awm pawhin a huhovin Telephone-ah min rawn wish thin a. ka tan ka nupui fanaute hi malsawmna an ni tak zet a ni.

A tawp leh a bulpuiberah chuan Kum 60 lai khawvel min hmantir a, ka hun zawng zawngah min thlahthlam lova min venga min hruaitu pathian hnenah lawmthu awm rawh se.

2009-02-20T15:51:00.000-08:00

Friday, February 20, 2009

THLAMUANTU AN MAMAWH:

Orissa tih hrim hrim pawh hi Kristiante tan hming raptlak tak a ni ang tih ava hlauhawm em!! Kum tamtak kaltaah khan Phulbani District tuna Kandhamal an tih takah hian kristiante tihduhdahna a thleng tawh a. Chumi tum chuan mihring khawih lovin an Biak Inte tihchhiatsak an ni a. 1999 January ni 23-ah khan Dr Graham Staines leh a fapate pahnih Phillip-a leh Timothy-a te chu an Motor chhunga an mu lai hal hlum an ni leh a. 2008-a Kandhamal District chhunga Kristian zawng zawngte chu an theih theih thatin an pawngsual bawk a. Biak In chauh ni lovin Mi mal Inte pawh tih chhiat vek a ni a. Fahrah chawmnana In pawh an zuah chuang lo.
Kandhamal District chhunga tribal hote hi hman lai chuan mihringa inthawi thin an ni a. An eizawnnaber chu Tengtere hi a ni a. An Tengtere te an rah that theih nan mihringin an inthawi thin a ni. Chu chauh a ni lova, helai biala Pan an tih hnamhote hi Bristish hun lai khan Criminal tribe an tihte zinga hnam chi khat an ni a. Mi pangngai an nih theih nan Salvation Army-in theihtawp chhuahin an lo enkawl tawh thin a. Puan tah te, Capenter hnate leh thil chi hrang hrang an eizawnna tur atan an lo zirtir tawh thin a ni. Chunglaia an enkawl dan chu Log house an tih mai Thing hlira sak In chhungah tlaitin mipa kum 14 atanga kum 60 thleng chu an khung khawm ziah a. A tukah hna thawk turin an chhuahtir a, tlaiah Roll call an nei leh a. Kim lo an awm phawt chuan Policein an umzui nghal vat thin.
Nikumah kristiante tihduhdahna a lo thlen khan Kristian tamtak chu ramhnuaiah an tlanbova, chuta tang chuan thenkhat chu mel 200 chuangte kea kalin hmun him an thleng a. A tam zawk tlan chhe ve thei lote chu sorkarin la khawmin Camp parukah mi 55,000 vel zet chu an khung khawm a. Chung chu Sorkarin an chawm ta a. Camp atang pawh hian mi thenkhat chhungte leh hmun him pana an chhuah nual avangin an number a tlahniam zel a. Tunah chuan camp pawh pathum chauh siam a ni ta. Heng campa awmte enkawlzui zel dan tur hi engmah a la chiang thei lo. Camp pathum zinga pakhat Tikavalli an tihah chuan 500 an la awm a, chung zinga 150 chu salvation army an ni.
Heng campa la awmte hian thlamuantu an mamawh hle mai. January thla tawp lam khan Mizoram Kristian hruaituten an pawisa khawnkhawmsak Maktaduai chuang lai kengin an zuk tlawh chhuak a. an zingah hian major Lianhlira Salvation Army social Secretary pawh a tel nghe nghe a ni.
Heng kan mite tlawha thlamuan tur hian February ni 10 khan Bubhaneswar atangin kan chhuak a. Territorial Commander, Divisional Commander leh Officer dang pathumin min zui a. Cara Darkar 6 chuang kan tlan hnuah Tikavalli camp chu kan han thleng a. Permit lakna tur hotu tumah an lo awm loh avangin Gate-a Sipai dutyte dilin kan mite leh hruaitu thenkhatte kan ko chhuak a, Gate pawnah kan in chibaiin mittui tla zawih zawhin kan in pawm a. A lungchhiat thlak duh hle mai. Tawngtaihonate neiin engemaw chen kan titihova. An pocket money tur tlem azawngte kan pek fel hnuah kan tinsan leh ta a ni. Orissa state chhunga salvation Army Officer awm zawng zawngte chu ko khawmin an DHQ hmun Angul-ah ni 11 February-ah Inkhawm ka neihpui a. Thlamuanna thute sawiin hun tha tak kan hmangho. A tuk Ni 12 chuan Bubhaneswarah Kandhamal District atanga tlan chhe chhuak Salvation army mi leh sa Chhungkaw 34 te nen Inkhawmna hun tha tak kan hmang leh a. Tuman chibai mai an duh tawk lo, mittui tla chungin min pawm vawng vawng mai a, insum a har khawp mai. Thlamuantu an mamawh a ni. Anmahni thlamuanna thute sawia tawngtaisakin kan tinsan leh ta a.
Anmahni chhawmdawlna tur ruahman turin a bialtu Territoryte ngen leh hriattir an ni a. Reiloteah ruahmanna fel tak an rawn thawn theih thuai ka beisei.

GERMAN RAM LAMAH

2009-01-31T05:58:00.000-08:00

Nikum hmasa Christmas hma deuh khan Germany kan va tlawh a. An territorial commander nilai mek hi 1981 kuma International College for Officers a ka training[ui a nih avangin ngamtlak takin kan va bel a. Kan thlen In tur engkim min lo tihfelsak vek a. Kan tlawh turte pawh an lo ruahmanin min buaipui vek a. Kan awm lai tak hian an Commissioner kai tur thu puan a ni nghe nghe a. An staff te hovin Officeah lawmnate an neihsak a.

German ram hi Hitlera te avangin ram tihbaiawm tak angin a lang a. mahse Matin Luthera te avangin Christian nihna lamah an nelawm hle thung a ni. Thil chhinchhiah tlak tak tak awmte chu:

1. Christmas an uar em em a, Khawpui tinah Christmas Market bik an siam a, chumi en tur chuan khawvel ram hrang hrang atangin mi an fuankhawm thin. An christmas marketah hian mihring incheimawina lam chi engmah an zuar ve lova. Christmas min hriattir theiotu lam thil hlir an zuar a ni.
2. Hmun pakhat ramhnuai Christmas Drama kumtina an channa a awm a. Isua pian dan chanchin kimchang takin an chang a. Atirberah Khawchhak mifingten Arsi an hmuh atangin an tan a, Chutah Josepha leh Mari Bethlehema lo kal, chutiang zelin heng a scene zawng zawng hi hmun hranah zel a nih avangin a entuten kan zui dul dul mai a ni.

3. German ram chhungah hian Pathian niin pawimawh zual avanga special permit nei an nih loh chuan Track (Motor Lian) tlan an awih miah lo. Pathianni an la serh tha hle a ni.

Rhyne luia Lawng lianpui mai chu tiruak vekin Chrsitmas Marketah an hmang a, a chhungah hian restaurant te a awm nghal vek a. Zanah kan va kal a, a mawi turu hle a ni.

Ka Parmawi kung vullai a tliak

2009-01-27T14:52:00.000-08:00

Zirtawp ni a ni a. A off ni a nih avangin kan nu tel lovin ka office a. Tlaiah ka va hawng chu kan kawt a lo veng huai mai a. Kan en chiang chu kan In leh kan veng cheimawitu leh chawimawi em emtu a ka ngaih, kan kawta Cherry pangpar vul chuk thin chu an lo kit daih mai a lo ni a. Huat tur ber hre si lovin ka thin a rim em em mai a. Ka ui lutuk chu ka mittui a parawl tep a ni. In chhung ka va lut a, kan nu pawh keimah ang tho a lo ni a. A ni chuan a kittute pawh a lo hmu a, mahse han dan rual an ni si lo. A kung a tar tawh vang a ni ang nge kan tih dawn chuan a la par vul nasa thei em em mai si a. An kihna bul lam han en pawhin a hriselzia a lang chiang hle bawk si a. A tuk Inrinni chuan ka Bazar hlanin an khawl nen an lo thawk leh a, a zung lamin an lo chhui chhuak a. An lo cho phut vek mai leh nghal. Engvanga chuti em em a, diriam nge an nih pawh ka hre lo. Khawhar lenpui ngai te hnem thiam tak takte pawh in lo awm mial mahna tiin amah thlah nan leh hriatreng nan kan blog-ah kan han tar chhuak a ni e.

JERICHO-AH I ZIN ANG.

2009-01-15T14:32:00.000-08:00

JERICHO KULH CHIM: (Joshua 6: 1 - 27) Hei hi Jericho kulh Joshua hova an hual chim kha a ni. Joshuan anchhia a lawh a. He Jericho khawpui hi rawn din apiang chu anchhe dawngin awm rawh se....' (6:26) ti hian din thar lohvin Lalpan a mite a hruaina kawnga a thil tih mak hriatrengna atan a awm ta reng mai a ni.

ZAWLNEI ELISHA TUIKHUR: He Tuikhur hi Zawlnei Elisha tuikhur tih a ni. A chhan chu Jericho khaw upate ngenna anga Elishan tui thianghlim lo a tih thianghlimsak kha a nih avang a ni. Lalte pahnihna bung 2: 21 en teh "Lalpan heti hian a ti, 'He tui hi ka tithianghlim tawh e, tun achinah chuan thihna leh nau chhiatna a awm tawh lovang,' tiin. Mihring hi chhan chauhvin an nun glova pathian kaa thu tin chhuakin an nung zaw a ni. Lalpan a sawi tawh chu a thleng zel a. He tui pawh hi tui thianghlim tak lei chhungril atanga rawn irh chhuak tawp mai. In nghal theih mai a ni.

THEIPUI KUNG: He theipui kung hi Jericho khawpui kawng thuam lai taka awm a ni a. Zakaia lawnna theipui ngei kha a la ni e an tih chu. Tlangval uangin 'Zakai lo chhuk rawh' a tihna chhan te chu theipui hi a ler lama rah lova a bul lama a rah vang a nia, te an ti thin a. Israel ram theipui chu kan theibate ang deuhin a ler lamah an lo ah tlat. A bul hi a kawrawng tawh a, a ler lamah pawh a zar a ro nasa tawh hle. A hnah erawh a la duah tha khawp mai. (Luka 19: 1- 10)

TEMPTATION MOUNT:

He tlang hi Thlemna tlang tih a ni a. lal Isuan ni 40 leh zan 40 chaw a nghei a, a ril a lo tam hle hnua tlemtu lo kalin a thlemna tlang kha a ni. Jericho khaw thlang lam pangah he tlang hian a rawn khuap lurh a. A pangah hian Monastery a awm a, chutah chuan sakhua avanga in vawng thiam hlim rual engemaw zat an la cheng a. A tlawhna hi a hautak em avangin Cable Car (Thirhrui kawng) inkhai chhohna an siam a. A kal tanna station chu elisha tui tihthianghlim bul maiah hian a ni a. chuta tang chuan an in khai chhova tlangah hian a tlawhtute an han lawn thin a ni. (Luka 4:1- 13) e teh.

Zoram tang fan fan (chhunzawmna)

2009-01-07T06:53:00.000-08:00

Zoram Neitu i la nei e: A chang hi chuan neitu nei lo, fahrah te hi i ang ka ti thin a, ka lai hi a na ngawih ngawih thin. Kan pi leh pute khan ei tur petu i ni tih hriain fa chuam duatin an duat che a, i chhiat hlauvin kawng tinrengin an humhalh che a. Kumpinu nu lakah chauh a ni hlei nem. Kang mei lakah te an hum hram hram che a. I ram thingte a mang mai ang tih hlauvin khaw reserve (rizap) leh Chak lakna tur reserve (rizap) te an siam thlap a. Chung chu ngun takin an enkawl a, khaw reserve (rizapa) thing chu Vaibel dawn tiat lek kih pawh salam chawina a ni a, an hlau em em thin a. An khawtlang tan a tha lo a ni tih hriain tuman an tilui ngai lo. Thingtlang lo neih chu an eizawnna ber a ni a. I ram dung leh vangah hian chutiag bak chu mi dang puihna lo chuan han tih ngaihna vak awm hek lo. Chuvangin uluk takin khawtinin an lo neihna tur ramte an ruat fel a. An ram theh bial chu khawtlang lenna tur ngei a ni em an en fel a. Chumi chhungah chuan in khung len hram an tum a. An len ngang loh chauhvin zau dang an theh belh a. An lo tur atana an pawm chu chhungtinin an vat zo ngei tur a ni a. Vau awm tam lo thei angberin an vat a, kham chawi chheng chhe deuh pawh ni se vate fuk awm lo thei angberin an chunga mite an in phurthlu hram hram a. Lo leh lo inpawh (zau au) thei angberin an siam a. Tichuan zuva a nghal lo deuh thin a ni. An khawtlang lo neihna tur ram theh chu ram dang tikang lo thei tur angberin an ruahman a. Loh theih lohvin a kang ngei dawn tih an hriat chuan Mei lam an sat a, an veng bawk a. Chuti chung pawha a la kan hram chuan khawtlang, a hmei a pa kang thelh turin an thawk chhuak thin. Chutiang taka an enkawl che avang chuan i hnam fate tan ei tur i chhuahsak kum tin a. Khawimaw laiahte chuan mipui lo pung zel avanga Lo neihna turin a daih tak loh deuhnate a awm a ni mahna. Mahse i hnamfate ei khawp thar chhuak thin tur hian Lalpan danglam takin a ruat che niin ka hria.

Chu thuruk chu i hnamfate hian kan zir uluk lo em em a. I leilung hman dan kan zir ber pawhin mi ramah kan zuk zir a, nangmahah kan zir chu hman kan tum a, a lo in mil leh chiah thin si lova. Nangmah veng a, ngaw tha i neih theih nana thawktu Forest department berte pawh hian mi ramah an zuk zir a. Mau hi kumin tuai chauhvin a kum lehah tuai a chhuah a, kumin tuai hi in lak chuan nakumah chuan a rem a ni mai tiin min rawn zirtir a. Mahse i ram maute hi an zuk zirna lama mi nen a in ang lo nge ni, chutiang chu an ni ve hauh mai si lova. Lovah kan nei a, kan thlawh laia mau lo tuai chhuakte chu a chawr leh ang tih hlauvin a arkhelah ngat kan bal kum tluan a, chuti chung pawhin a kum lehah chuan mau hmun an ni leh zel tho si. I ram hmulte hi i rama tha tura siamte an ni a. Ram dang atanga lak rawn phun belh hi i lo tuai thar leh theihna tur tha ber, Ngaw tha i neih leh hma theihna tur atana i mamawhber a ni lo tih hi a chiang khawpin ka hria. Khawih lohva kan dah che hian i ngaw leh sam ber a, i ram hmulte ngei hian ngaw tha, lei tha an siamsak leh thin che a ni. I thingtlang khuate ram buai avangin sawi khawm an ni a, khaw hmun kum tam tak kan lo chen bel tlul tawh te chu kum khat lek kan chhuahsan chhungin an lo pik chun hman zel a, kan in hmunber pawh hriat hran hleih theih loh khawpin rei loteah ramhnuai pik tak an lo ni mai a. I Aizawl khawpui hial pawh hi kum thum emaw rauhsan ta i la, Khanchhuk tia tia i chhuah hman mai ka ring thin ka ti. Chuvangin i venhim dan tur thaber chu a dang phun belhna tura i ramhmulte sam fai ni lovin, i kang tur ven that a, hman lai kan pipute lo neih dan kha tih thar leh a, kan mamawh loh lai chu khawih loh che hi ni berin ka hria.

Pipute ei zawn dan kha ram a tichhia, a hlawk lo tiin min mausamtir a. A thlakna tur tha siam si lovin min sawi chhiat sak vak vak a. Tak tak emaw tiin kan han inthlahdul a, a thlakna awm si lo chu kan tam phah a. Vai buhin min chawm a, a leina tur kan tichhuak leh thei chuang si lova. A ram buaiin kan buai mai a nih hi. Eizawnna tha ngaihtuahin i ram hruaituten theihtawp an chhuah tak meuh em ka hre lova. Mahse vawiin ni thleng hi chuan Lo neih tih loh chu mi tlemte tih chauh loh chuan an la hlawhtlinpui lo a nih hi. Engatinge kan thil tih ve engmah hi a hlawhtlin theih loh le? A bulber chu nangmah kan zir chian tawk loh vang che hi a niin ka hria. Ruahmanna chi hrang hrang kan hre tawh a. NULP a lo chhuak a, a that hmel em em a. Mitinin mahni ram bik theuh kan neih chuan, uluk takin kan enkawl ang a. Chhungkaw kham thar theihna tur theuh kan neih chuan a dang zawng chu kan zuah ngaw ang a. Chu chuan Sorkar tan sum tam tak a la lut ang a, a ram chei nan leh hmasawnna kawng chi hrang hrang atan kan hmang thei tur kha a ni a. Mahse chutiang chu a ni ta si lo. Mahni ram theuh kan han nei a, a hal hunte siam a ni si lova, mahni duh hun hunah kan hal a, thenawmte huan kan tikang a, kan in ngaihtuah zui leh tawh si lova. Sorkar lam lahin chutiang a lo thlena tih dan tur chu an lo rel fel leh chiah si lo niawm tak a ni a. Kan ram bik cheina tur pawisa chu kan han dawng ngei a, mahse TV leh in chhung furniture man lamahte an kal zova, lo nghet min neihtir chuang si lo. Lo nghet neihna atana an hman loh chuan chuti khati tih a awm leh chuang bawk lova. Mahni ram bik tur kan thlan fel hnuah pawh a dang neih leh kha harsatna engmah a awm chuang bawk lo niin a lang. Mahni ta bik hmun khat chauh sem kan nih den den lai khan a thei pain Ram zawng zawng i ta ni se, tih hla ang maiin hmun hrang hrangah an lo patta leh bawk si a.. Ram bikte hi nei ta thlih thliah ila, thing hnah leh hnim i lei titha khawp hi kan nei zo lo mai angem le. Lei tha te nen han tang ta ila, i awih deuh ang vir ver a, i leilungte hi tuihawkin a len pherh mai mai a ni si a. Thlai ngeih tur khawp hian i tui har viau lovang maw le aw te ka ti thin a. Nangmah siamtu hian thing hnah tla leh hnim tawihten an tihtui thar zel tura a siam i ni ve hrim hrim a ni lo maw le!!

Sorkar an han in thlak a, e hei chuan Thingtlang lo neih thlakna tur Leilet siam theih apiang tihpuitlin hmasak an tum an ni ang Bulldozer-te pawh an lei kan ti a, kan lo lawm em em a. Lui kama ram zawl i neih ve chhun ang angte Buh chinna atana an tih hmin vek chuan i leilette hian Zoram mamawh khawp Buh an ti chhuak mai awm mang e tiin kan lo hisap a. Mahse chung dozer-te chu khawi lamah nge an awm zawh tak pawh kan hre leh tawh si lova; Leilet tihhmin lah sawi awm bawk hek suh. Kan hawi kawkva leh ta mai mai a. Chini siamna khawl kan ti kan han bun ve ruau a, a hun lai chuan kan sawi ropui em em a, employment harsatnate pawh engemaw chen su kiang chho thei turah kan ngai a. Mahse in puh chhiat tawnna khurpui a chang leh a. A khawl enkawltuten ‘vawi khat tihnun man pawh a tam lutuk a, kan fu neihin a daih lo’ an ti an ti a. Chung tur chu kan bun tirh lam khan kan lo ngaihtuah lawk lo a ni chek a ni ang chu. A fu chingtu lamten an han sawi ve leh chuan ‘a thawktuten laksak duh bik an nei a, a then ta an la a, a then ta an la duh lo’ an lo ti ve leh bawk si a. Thu dik hriat hi a va harsa thin tak em!! Hre ril inti deuh te chuan ‘Fu herna fe atang khan Zu siam tur a ni a, zoramah zu khap a ni leh si a, chuvangin a hlawk pha lova, chu chu kan hlawhchhamna a ni an ti e an tih chu. I chhunga awm vek an nih avangin nang chuan thu dik i hre kiau awm si a. Sawhthing chin a hlawk an ti a, kan ching a, a tha duh em em mai a. Sawhthingte hian an ngeih hle che a ni. Mahse, chu pawh in puhmawhna khurpui bawk a chang leh a. A chingtuten sorkarin an titha duh lo, a hralhna tur an zawng lo, an ti a. Chutih laiin a hralh lam buaipuitute tawngkam ni awm tak tlang thang veah chuan i hnamfate hi kan rinawm tawk lova. Sawhthing tih huhte kan ching a, lei kan thianfai duh lova. Ram danga thawn chhuah tur meuh chuan a quality te pawh thliar fel ngai ang kha kan tih that tawk loh vang niin an sawi ve leh bawk si a. Chungte pawh chu thil awm thei a ni e. Mi ram sawhthing thawn chhuahte hi chu Thangkuran sapram chu an thianghlim khawpa an kethiahte pawh sil lohva chhum tlak vek a tih ang mai an ni a, ei nghal theih mai tihfai leh ngai tawh chuang lo te hi a ni si a. Tih huhte leh thenfai aia a rih loh hlauva lei dahte kan lo ching a nih phei chuan, chu chu a hralh chhuahna lam tibuai theitu tur chu a ni ngei mai. Hman kum deuh lawk khan India Basmati thawn chhuah pawh an titawp a, a chhan chu lungte telh a lo awm vang a ni. Chutiang chu kan ti a nih chuan mahni sah hnawkah bawk kan tang tihna a ni. Heng ang thil hi nguntaka ngaihtuaha hotute ringawt dem lova, i ram fate hian kan tih dik loh kan hriata kan sim ve pawh a tul khawp ang. Mahse han ti leh ta ila, chutiang tur chu a ni tih hi mipuite min zirtir meuh lo zawk a ni mai awm mang e ka ti. Chutianga lo tite ta chu la lo ta hmak hmak sela, rei loteah a kal dik mai lovang maw le.

Ram hruaituten an sawimawi apiang hi taima takin kan bawhzui vein kan in hria. Tung an tih leh kan ching sup sup a, mahse chhungkaw chawmna khawp kan hmu leh lova. Lakhuih thei kan ti a, engemaw zat chuan an din chhuahpui awmin ka hria, mahse chu pawh a sawrna leh a thawn chhuahna lam mumal taka buaipui chu a awm lo niin a lang. Sapthei te, Grape te kan han ti leh ta a. Enge kan an zel dawn ni le. Mahse i hnam fate hi kan beidawng dawn lova. Nang pawh lo beidawng reng reng suh lo tang fan fan zel ang che.

A thlakna mumal tak kan neih theih hma chuan tlangram lo neih kan tih bawk hi i ramah hian min chhunzawmtir leh ta la. Sawrkar hian a neitu ngai hnenah pe let leh ta che sela, khawtin VC te hian i chungchangah hian thuneihna nei leh ta zawk se. Pi pute hun leh Village Council hunlaia an ram theh dan, a hmaa kan sawi tak, ang tak khan theh leh ta che ila, kan la hlawhtling awl zawk awm asin maw le. I ngaihdan han sawi ve thei la ka va han ti em ve aw. Neitu chan chang takin han enkawl leh ta che sela, rei loteah ram ngaw tha tak tak i chhuah leh mai zawk ka ring tlat.

Thingtlang lamah hian Tlangram lo uluk taka neih dan in zirtir leh rih ta ila. Buh thar tam mahni kham baka thar tamte hnenah lawmmante siamsak ta ila. An Buh thar anmahni kham khawp bak chu leisakin khaw tinah hian Kudam sa ila chungah chuan tam an lo awm pawha man man zawka an lei theih turin chhekkhawm ta ila. An khuain an mamawh loh pawhin a mamawh khuaah kan thawn kual mai ang a. Tichuan thingtlang lam chu kan intodelh mai ka ring a. Chumi rual chuan i ram chhunga leilet siam theih awm zawng zawng hi tihmin ta vek ila. Chumi lamin min chawm theih hunah chuan tlangram lo neih titawp tan chhovin NLUP mahnia ram bik neih te chu ti chho ta chauh zawk ila. Kan hlawhtling hma zawk awm asin maw le. Hetia ram tha tak Buh leh thlai tinreng that duh em emna kan nei chung si che a, hausak chu sawi loh ei leh bar pawh in todelh lova kan awm ringawt mai hi chu a zahthlak tlat a ni. Hei hi remchangah lain politician ho lah hian pawisa an in sawi chhuah tam theih siak reng bawk si a. Zahawmna (dignity) kan nei ve thei tak tak dawn hlei nem maw le. Kohhran ang chuan ram dangah kan in chhuang thei viau mai a, mahse nitin khawsakna lamah hi chuan kut dawh, central chawm liau liau an laka e, aw, mai mai tur kan ni reng mai dawn a nih hi. Kan intodelhna tur min ngaihtuahpui aia pawisa bawk min zawrh leh thin party-te hi chu bawiha min siam tum; ‘Rethei reng ula sumin kan lei reng ang che u ang a, keini kan lal reng ang a, kan tanpui ngai ngawih ngawihin awm reng mai rawh u’ min titu an ni mai lo maw!!. Chumi kawngah chuan ka lo ngaisual a nih chuan min ngai dam ang che. Chutiang chu kan party leh hruaitu neihte an nih reng mai chuan a beidawn thlak ang reng khawp ang. Mahse beidawng lo la tang fan fan ang che aw.

ZORAM TANG FAN FAN (chhunzawmna)

2008-12-03T12:19:00.001-08:00

Economics a ding chhuak turin enge I hnam faten an mammawh ber:

Economics a ding chhuak tura I hnam fate mamawh a tam mai. Power, In kalpawhna kawng tha, Tui hnianghnar te hi an pawimawh teh meuh mai. Mahse tun maia kan mamawh em em ka sawi duh chu I hnam fa, ei zawnna kawng hrang hrang neite ‘in mamawh tawn vek a siam’ hi a ni. Chu chu enge a awmzia? E le, tuna kan din hmunah chuan Dawrkai hausa, Sum dawng hausa, Sawrkar hna thawk hausa in Lo nei mite tih turan ngaih an ti ve vek a, an thar tam hlei hlei a. Lo nei mitten an kham khawp aia tam pawh thar se, lei tur an awm lo va, hlawk chuang hek lo. Vawk vulh, Ar vulh ei zawnna a tling kan ti a. Chhungkaw tam tak eizawnna a hmang turin kan rawn a. Bul chu kan tanpui ngei, mahse chung mite chu Dan in kan humhalh leh si lova. Mi hausa leh force lam hotute hlei hleiin mi leh sa, an ran vulhte enkawltu tur, an lo nei tha leh si a. An vulh thau thei zawk bawk si a. Vawk vulha ei zawng turte tan hlawkna a awm lo. Aizawl leh Khawpui lian town ho zawng zawngah hian vawkvulh phal loh ni se. Mi hausa leh sorkar hna thawkin vulh phal loh ni bawk se. Ei zawnna atana hmang turte tan chauh vulh phal han ti ila, engahne chung mite tan chuan a hlawk loh teh lul ang. Chhungkaw sang li sangnga in eizawnna hlawk takah an hmang mai ang chu. Chutiang bawkin Ar vulh te pawh. Huan neihte thleng pawhin. Second hand zawrhte hi a titawk awmte eizawnna atan hmang ila, Sorkar hna thawk lianpui puiten bail te hi hawng hawng ve lo sela.

Assam Rifle hi chhuak ta sela: Mi tam takin an rin dan chuan Assam Rifle hi chhuak ta sela mi mal ramin a khat ang a, Sokar tan tangkaia hman tur engmah a awm lovang. Minister te pawhin an patta niin an sawi. Kum sawm lai liam taah khan tum khat chu Revenue Office-ah ka leng a, an ti ti ruk ka hre tlat a ni. Tun hnu deuhvah Chief Minister pakhat chuan chung zawng zawng chu kan thian fai zo vek tawh tiin min hrilh a. Tak tak a nih chuan a lawmawm ngawt ang. A ram hman dan turah hian ngaihtuah dan chi hrang hrang a awm tih ka hria. Ngawi teh, duh thu kan sam ve teh ang. Zoram hian kawng ngil hi kan nei thui lo em em mai a. Kan khawpuiberah pawh hian kan kawng ngil thui ber chu Governor gate atanga dak Inpui hi a ni mai awm a sin, nge Dawrpui phei. Khawpui ber e ti lovin awllen nia intihharhna tur tuallenna te hi kan tla chham em em mai si a. Chuvangin Assam Rifle hi an chhuah chuan Dawrpui Bungkawn atanga Dak In pui lang ruih turin Kwngpui ngil I siam phei teh ang. Tlangte hi kan rawt ang a, a inkar ruamte hi kan chhung khat ang a. A sirah Lungrem ni mai lo, concrete nghet tawkin kan siam ang a. A kam tuak tuak ah thing kan phun thelh ang a, Park nuam tak tak han siam phei zui mai ila, Motor kalna tur leh Kea kalte kalna tur lian tha tawk tak nen, Aizawl khawpui hi a ti khawpui sawt ngei ang. Lam mual hi chu statdium lung phum a nih tawh ang ngeiin tihpuitlin ni ngei se.

Khel Mual: Lam mual sawi takah chuan khel mual siam danah I kai lawk teh ang. I leilungte hi ka sawi tawh angina an awih vit vet a, khel mual siamte hi a awlsam lo em em mai. Mahse Naa (japan) chu ni sela chuan I thalaite hi laih zawl khera in khelhtir tum lovin, concrete leihkapui an dawh main ka ring. Kawr lian pui pui kap tur tha tak tak i nei a, I in ruahman dan chuan a hnuaiah Motor park, Office leh Restaurant te awm a, a chung zawla khel mual kan siam theih nan i in ruahman ni ngeiin ka ring. Chu chu i hnamfate hian kan la hmu chhuak thiam si lova. Bapminton Court tur lek talin han tichhin awm sela, a hlawhtlinzia hriain Football ground te pawh kan tichhunzawm mai tur a ni na a le. Concrete lai pawng deuh a sir lamah tui luan zel theihna in ruahman ila, a chungah lei chhah tawkin han chhung ila, phai tual hnim han ching khat tlat mai ila. Concrete chungah kan in khel tih pawh an hre lovang. Awih pangah khel mual kan siam duh a nih pawhin a chhak lam ko sang pui pui a laih a, a thlanglam lungrem chim leh mai thei a dawl dawl ai chuan, a zawl sa hi Concrete dawh zawm ila, a chungah lei chhah tawkin chhung ta mai ila, a min lo zawk ang a, kan hlawhtling awl zawk daih tur hi a ni a le. Vaivakawn field te pawh hi, tuna a field khu Car park ni se, a chungah khuan concrete in dawh ta mai ila, Khel mual changkang lutuk kan nei ni mai tur. India state dang zawng zawngin i leilung hi a nih ang anga kan hman thiamzia ha hipin an sawi mai tur lah ni. Ngawi rawh chutiang ni chu a lo la thleng ang, a ngaihna hria an la lo chhuak mai ang. I thalaite pawh la beidawng suh se, lo tang fan fan rawh.

Chanchinbu mite: I ram siamna atana tangkai tak tur pakhat chu Chanchinbu mite hi an ni a. Anni ho lah hian mipui rawng aiin Political party rawng hi an bawl nasa zawk emaw ni? Tan lam hi an neih deuh farin ka hria a, nutral Chanchinbu kan mamawh khawp mai. Engtinnge I hnamfate rawng an bawl ve ang? Information pek a, thil chhe pui pui thleng thinte chhuah ringawt hi an duh tawk ang tih ka hlau deuh thin. Political party ten an intiamna ang an tihpuitlin loh te, Department ho hmalakna tha tawk lo te. Veng chhung kawng chhe lutuk te a thlalak nena chhuahin, Tuikhur leh tui sem dan rual lote, leh department hna thawh tur an vil that tawk loh apiangte chhuah thin se. Heng hi chhuah chu an chhuah vet ho mai ti rawh. Mahse engatinge heng hi sorkar department te hian an mualphonaa an lak lohva an tihpuitlin chuan thin loh le? Kan khawpui kawng dungte hi engatinge rei tak tak siam lihva a awm thin le? State changkang ah chuan Ministerte hian zing office an thlen veleh a an tih hmasakber pakhat chu, tukin chanchinbuah kan department chanchin a chhuak em? Enge an sawi? Khawi laiah nge? Chu chu a tih that theih em? Tih hi a ni. Chief Minister fel chuan department mualphona thil an chhuah chuan a changtu minister leh department atangin explanation an call vat thin. I hnamfate hi chuan chutiang a Chief Minister leh a minister dangten an tih loh pawhin ‘an hna an tlin lo, min ngaihsak tak tak lo; min hmangaih tak tak lo’ tih hi kan ngaihtuah chuang miah lo. Thenkhat chuan chutiang tur chu a ni tih pawh kan hre lo niin ka ring, mipui lahin hre hek suh. Ministry in chutiang chu an tih loh avangin department enkawltute hian hna an thawh that loh pawhin hotute lam atangin zilhna a awm lova. Mipui chuan complain mahse a hotu lam an ngawih tlat chuan tension engmah an nei lova, an titha duh chuang lo. Burma sipai pakhat Thana an tih hian an sipai Kudama Motor ke ruk puiah a thianpa a sawm a. A thianpa chuan a lo hlau nasa mai a. Min man ang tiin a tang nasa mai a. Mahse a thianpa Thanan a sawm tlat avangin Motor nen an kal ta a, an va ru ta ngei a, an hlan mawlh mawlh laiin an hotupa chuan a rawn hmu ta ngei a. An hmingin a rawn kova ‘Thana, kha engtia tih nge I tum’ a rawn tia, Thana chuan a, hman nia I tih ang kha ka va ti ve lawk ag chu ka ti’ a lo ti sam et a, a thianpa chu a lo meng phawk nasa mai a. An hotupa chuan ‘va ti thuai thuai rawh u’ a ti a. an in then ta ringawt mai a. Chutiang ang sorkar hruaitute chu kan nei ta mai emaw tih a awl hle thin e.

ZORAM TANG FAN FAN

2008-11-29T15:59:00.001-08:00

ZORAM TANG FAN FAN

I hnam fate hian khawi atanga lo kal nge an nih chiah chhui chhuak thei rih mah suh se, khawvelah hian mi danglam tak an nih zia hi chu a chiang khawp mai. India ram ropui tak state te zinga pakhat chu i ni ngei mai. Mahse i hnam fate hi khawvel hnam tumah hian India mi angin an hmu thei lova, India mi kan ni an tih pawhin tuman an awih lo. India ram pawnah chang a ni hlei nem, India ram chhungah ngei pawh hian I hming hre lo tam tak an awma. I hnam fate hi India mi, an unaute an nih hre lo hi a tam zawk an la ni hial awm asin. Chumi hre chiangtu sorkar laipui chuan theih tawp chhuahin India ram state zinga pakhat i nih ve zia leh i hnam fate pawh India mi a an in ngaih ngheh tlat theihna turin theihtawp an chhuah a. Programme hrang hrang an duanga. India hnam tawng zirna uar kawngah leh a zirtirtu train chung chang thuah te, T V serial lam atang te, politics lamah te theih tawp an chhuah mek a. Sum leh pai nise i hnam fate duh tawk tawk an pe a ni ber. Hmasawnna tur programme duan tihpuitlinna tur atana hman aia kawng danga luangliam a tam danah hian hman sen loh an hmu ni hialin a ngaih theih. I ram pumpui budet za zela 90 lai hi central atanga pek a ni a. Kan hruaitute hian intodelh tuma beih hah vak ai chuan a awmsa hai chhuak tam thei nih hi an in tihsiak niin a lang a. Hei hian sum leh paiah chauh ni lo, rilru lamah pawh retheihna kawngah nitin min hnuk lut thuk tial tial a ni. In todelh lo mi zahawm an awm ngai lo, chhungkua kan nih avanga kan nu leh pa kan hnekna tur chin chu a awm teh meuh mai. Mahse a chanve tal pawh thawk chhuak lo, kut dawh, mi laka dawvan kai nih reng mai hi zawng salah in hralhna mai a ni. I hnamfate hi he mi kawngah hian engtikah nge an harh chhuah ang aw zoram. Mahse kan la chhe zo vek lo tang fan fan rawh aw.

I sakruang hi kan chhuan viau che rualin mi tlangramte an lohna tak i nei a. Mi ram tlangte chu an hlum lian a, an nghet tha bawk a. Tuite an pai tam a, tlang chhipah te pawh tui hna tha tak takte an nei a. Nang erawh chu i tlangte hi an hriamin an awih vit vet a. Tuite lah hi i pai tam lo em em mai ni hian a lang a, mahse i hnamfate mamawh tawk chu i nei teh meuh mai. I ram leilungte hi a thaw leng a, an nghet lo em em a, chuvangin in kal pawhna kawng tha siamte a buaithlak em em a. Kan thawk ve fe tawh emaw kan tih pawhin furah an min chhe leh zel a. I ramah hian thil danglam tak Mau tam, thing tam khwvel ram dangin an hriat ve lohte hi a thleng thin a. Chung chuan i hnam fate a lo suat nasa hle tawh thin a. Chubakah ei chhiat avang a, hri tha lo leng ten i hnam fate nasa takin a lo suat sak tawh thin che a. Thli chhia te, min pui kum te leh harsatna chi hrang tam tak I tuar chhuah zia kan hria. Hetiang i ni chung hian kan pi leh pute khan kan Mizo nun phung leh khawsak dan nena in milna leh inrem riauna, thil hlu danglam bik nangmahah hian an hmu ni ngei tur a ni. Khaw chhak ram hla tak atanga lo chhuak an ni a. Kawl ram phai zawl ram tha pui pui an rawn kal kan a. I ram an lo thlen hian an thla a ngam em em a. A thlang lawka phai zawl nuam leh zau pui puite pawh chu pan thla zel tang e, ti lovin nangmahah hian an nghet tlata. Hei hian chhan eng emaw chu a nei ang. I hnam fate tan hian i la chhuah phal lo mai mai nge, hun i la ti lo zawk le. Nge anmahni zawn chhuah atan i dah le? ‘Naa chu ni se heti hian a ti tur’ tih ang zia zanga, ‘Japan chu nise ti hian an ti ang’ ti mai mai ram hruaitute chuan i hnamfate hi ram ropui tak an thlen lovang. Mahse tang fan fan rawh aw. In sak kawngahte, Tui hnianghnara neih dan kawngah te, kawlphetha siam kawngahte, Kawngpui siam thuah te, thalaite tana khel mual tha siam thuah te, tourism leh ei leh bar intodelh kawngahte, khawpui din dan kawngah te, I nih dan mila thil ti thiam i la nei em em ang, tang fan fan ang che.

Nangmah humhalh nan hian kan pi pute khan theih tawp an chhuah ve a. An thiam ang angin an humhalh ve che a. Mi dang lo lut turte leh i thing leh mau tichhetu tur leh phula rawn siam mai tur che nia an hriat apiang chu an lo do ve a. Nangmah chhan nan hian theihtawp an chhuah tak meuh a ni. Fing ve fu mah se, an pa chhiat em avangin mi ralthuam tha nei leh sipai rual nena tang chu an tan tihngaihna awm hek lo. An retheih pa chhiat chu sawi loh tlang hrang te te a lal thlih thliah an ni a, tan rual dan an thiam tawk bawk si lova. Theih tawp chhuaha an beih pawh in mi, sipai rual leh ralthuam tha pui pui neite lakah chuan tang zo ta ngang hek lo le, Kumpinu sorkar hnuaiah an kun ta a. Nangmah siamtuin a ruat dan a ni chek a ni ang chu, Kumpinu rual hian hre lova an lo biak thin Pu vana chan chin hriltu an lo chhuak ve hlauh mai a. Tichuan i hnam fate zawng zawng zawng chuan rinna thar chu an lo vuan ta a. Khawvelah hian hnam khat, tawng khat hmang, i hnam fate anga he rinnaa lungrual hi an awm lo hial awm e. Kum tam a liam hmain kristian an lo ni fai ta vek mai a. Sorkar a lo inthlak thleng a; India ram In dan (Independent) rualin i Politician-ten India sorkar hnuaia luh tithluin kum engemaw zat chhung chu hmar chhak lam zawng zawng vawn khawmna Assam state-ah i bei ve a. Chutih chhung chuan i chhungah hian sum dawnna lam emaw, zirna lam emaw, industry lam emaw, kawng tha emaw, i hnam fate tana tangkai tur leh chhenfakawm thil engmah din a ni lova. Fairel bel ruak thak, mei alh en tak meuha tam pui mitthi i tuar lai pawh in lainattu i nei lova. Mahse I tang fan fan a, i hnam fate chu I chhunga kamrah leh chung hun atana i lo vawn ruk ram bahratein i khaw chhuah pui hram a. I hnam fate thinurin an nu leh pate lakah vui vaina thu an thlen a. An thin ur chuan a chan chhe zawk tur an nih hre reng mah se hmawlh te an han lek ve iaih iaih a. Chu chuan neih belh chu sawi loh, kan neihsa zawng zawng pawh mei vapah a chantir a. Kum 20 chhung teh meuh silai leh thirkhaidiat a rorelna hnuaiah I hnam fate an kun a. Eng maw ti state nihna kai chho ve taa. I tang fan fan a, vawiin hi i hnam fate min thlen chhohpui ta a nih hi.

I unau state dangte hma sawnna phei khai ruala kal siam ve tur hian mamawh i ngah hle mai. I ram siam tha tur leh i hnam fate ti changkang tur hian party hrang hrangin hma an la tawh a. In thlan dawn apiangin a ti thei ber tur angin an in zuar a. Chanvo kan han bel a, hna thawh kawr emaw kan haktir kan tih laiin suit bawkin an lo inthuam leh thin si a. Sum leh pai nise anmahni hun theuhvah tam mangkheng an dawng theuh a. A hun en chuan zirtirtu ni tawh awm hi, zuntenu siam ang mai kan ni a. A bulah bawk tan a ngai leh thin si. Mahse Zoram tang fan fan rawh.

Tlang mite tana Pathian ruat leh siam i ni e: Zoram, siamtu chu nei chiang a ni. I hnam fate hian nangmah siamtu leh an tana lo ruahmantu che hi an thlahthlam tik apiangin an tuar ang. I hnamfate hruaitute hian zu leh sa chen a, an mite hmasawnna ngaihsak lova, hnam dang leh sorkar laipui lakah ngei pawh an uire chuan nangin theih tawp chhuah mah la i mite hi an ding chhuak lo vang. Nangmah siamtuin tlang mite himna kulhpui atan a ruat che a ni tih hi hai rual a ni lo. I chhak leh thlang, chhim leh hmarah sakhaw dang lian pui puiin an karche che a. Tlang mite hi chung karah chuan an awm ve thlih thliah a. Mahse i thenawm ram leh state khawiah mah hian tlang mite hi an him tak tak lo. Manipur a ex-Minister Pu Vungzaliana chuan “tlang mite hi zoram tih lohah chuan khawi dangah mah kan him lo; Zoram hi Pathianin tlangmite kulh atana a ruat a ni a, chuvangin zoram muanna tider thawng leh tichhe thei tur zawng chuan tu hnam mah hian harsatna siam lo ila a tha ber a ni” a tih hi a dik thlawt a ni. I chhunga tlang mi hnam chi hrang hrangte hian pumkhat tlang mi theuh pum khat kan nihzia leh chu aia thuk zawkin Kristaa pumkhat kan nihzia hria a I ram chhung muanna kan humhim theuh hi a pawimawh tak zet a ni. Tichuan he India ram ropui tak chhungah hian I unau dangte aia sang zawkin khawsakna kawng engkimah kan thang thei ang. Chutiang ni chu a la thleng dawn zoram tang fan fan rawh aw.

I lo changkan ve nan leh i hnam faten rual an ban ve theih nan nangmahah hian tihpuitlin ngai nia ka hriatte kan au chhuahpui ve ange aw.

Politics: Hmasawnna daltu lian ber pakhat chu Political Party hi a ni. ‘Party a awm tur a ni lo’ ka tihna a ni lo. Political party-te hian party member tur an zawng nasa lutuk a. Mi kan tlem si, kan vaiin member nihna nei vek kan ni a. Hei hian Kan Pathian biakna Kohhran lam thlengin a nghawng a. Kohhran member kan nihna aiin partya kan nihna hian kan nunah awmzia a nei ta zawk hial emaw tih tur a ni. Party khata awmhote hi kohhran pawl khata awmte aiin an in pumkhat mah mahten ka hmu. Chu chuan kohhran chhungah inremlohna, inhmuh mawhnate a siam a. Inthlanna lamah ni se, nutral an awm loh avangin Political party te tan an policy leh hmasawnna programme duante hmanga inzawrhna tur tumah an awm lo. Kan party candidate a nih phawt chuan tu pawh ni raw sek sek, vote hrim hrim angin a kal. Party-te campaign dan ber chu policy zawrh ni lovin, party dang member chhuhsak a ni a. Chu chu an hlawhtlinna an tehna ber pawh a ni. An in lawmlut nitin mai a, an haw haw dur dur reng mai a ni. In thlan a lo zawh meuh chuan chunghote chu a zarzo tur zawngin an han intihsiak leh a. Inthlan dawn laia kut benga an lawluhte kha an in huphurh tawn leh tham a. Mipuite hi chutiang a lak theih leh hneh theih, mahni mimal hamthatna uma thleng tlawr zuan kan tam avangin Political Party te tan ram hmasawnna vak tilovin a sorkar reng theih. Ei ru teuh mah se, kan party a nih miau avangin kan thup a, kan hum a, kan awih lo der tlat zel tho. Chu chauh a ni lo an eiruk a zarah khan tlem an lo dawn ve avanga lungawi an tam. Aw, i ram mipuite za zela 80 tal hi nutral nise, Politician-ho hian an policy zawrh se lo buk thin sela, an tlin hnuah chu chu an tihhlawhtlin loh chuan an han zilh fak fak mai tur a nih teh lul nen. Mahse e, Chutiang ang ni chu a lo la thleng ang, zoram tang fan fan rawh aw.

Zahngaihna Dawhkan (Mercy-Seat)

2008-11-25T10:30:00.000-08:00

KA NAUPAN tet deuh lai chuan ka pi leh pu (ka nu Nu leh Pate) zuiin Roman Catholic-ah ka inkhawm ve thin a. Kum sawm ka nih hma in (ka kum chiah ka hre ta lo) Sipai pawlah ka let leh a. Zan khat chu Naupang Inkhawm Nilai thawhtan zanah (Other Y P Meeting) ka inkhawm a. Captain Saidawla kan Commanding Officer-in Inkhawm min hova, kan hlim khawp mai a. Naupang Sipaia lut turin min zirtir a, sawi rual thei turin thutiam te min vawn-tir a. (Chuta tang chuan vawiin ni thleng hian Naupang Sipai thu tiam chu ka theihnghilh leh ta reng reng lo. Palh hauh lovin ka la chham thei a ni) Major chuan Isua Lal leh chhandamtua pawm duh te chu Zahngaihna Dawhkanah kuna, Pathian hnenah kan thutiamte chu thlen turin min sawm a, ka va kun ve a. Isua chu Lal leh Chhandamtuah ka pawm ve ta.

Nikhua a lo rei a, kan lo tleirawl chho va. Tum khat chu Christmas lai hian thian zahovin Christmas sa tlemte lain kan lo kang a. Chu chu an lo ngai sual ta phian mai si a. Kan mualpho ang reng hle a. Ka nu ka hlau em em mai a. A lenkhawm hlanin keimahin Inah ka awm a, a lo haw tih ka hriatin pawnah ka chhuaka. Kawtah kan in tawk ta si a. Min hau hrep dawn emaw ka ti a, mahse 'Mama Zahngaihna Dawhkanah kun la ngaihdam dil ang che aw!' min ti a. Kum hlui thlah zan, Zan lai Inkhawm-ah chuan ka kun ta ngei a. Ngaihdam ni hliah hliah hian ka inhria a. Ka thianteho hnenah pawh 'kei chu Lalpan min ngaidam tawh' ka ti hial a, min nuih mai mai a.

Hun a lo kal zel a, Mizoram a lo buaia Ramhnuaiah te kan han ti ve zar zar a. Kum 1967 kum tawp lamah khan Campaign Inkhawmah Pathian aw ka hria a. Mizoram mai ni lo, Ama Lalram zawk chhan turin min kova. Zan a rei tawh hle a. Zanlai vel a ni a, Chumi zan la la chuan keimahin kan Biak In, kan khua Chhawrtuia tlangsangber laia awm-ah chuan ka kal ta a. Zahngaihna Dawhkan ngai bawkah khan ka han in hlan leh a. Chuta tang chuan a ni Lapan 'Heta tanga hla takah ka tir ang che' tia Cachar ram lama min tirh tak daih ni.

Zahngaihna Dawhkan hi ka tan chuan ava hlu em ve aw. Chu ka zahngaihna Dawhkan Kunna-ah chuan 'Sim rawh u Vanram chu a hnai twh e' tih hi a in ziak a. Kan Biak In chu Vaiin min halsak a. Kan khua an khawm a, rei tak a ram a. Chumi hnuah lut lehin Biak In chu hmun dangah an sa ta a. Mahse kan Biak In hmun hluiah khan Cement in Zahngaihna Dawhkan 'Sim Rawh u Vanram chu a hnai tawh e' tih in ziak khawtlangin min siamsak a. Chu chu ka kal changin Inhlan thar nan ka hmang thin. Zahngaihna Dawhkan ka tan iva hlu em!!

Gerizim leh Ebal tlang

2008-11-20T13:37:00.000-08:00

17 October 2008 khan kan nupain kum tam tak kal ta atanga fiah leh hriat chian ka chak em em, Ebal tlang leh Gerizim tlang in kar ruam mel hnih laia zau Pathianin 'Natural amphitheatre' atana a lo siam hi kan finfiah thei ta. Israel fate Aigupta atanga Mosia hruaia an chhuah khan Jordan rala an la awm laiin Mosian Joshua hnenah helai ruam chanchin leh a awmna laite chiang takin a hrilh a. Chumi ruamah chuan Israel fate zawng zawng hruai khawm a, Pathian thu pek an zawm chuan malsawmna an zawm loh chuan anchhe dawnna ni tur chu chhiar chhuak turin a hrilh a. Israel hnam 12 te chu hnam ruk ve ve a then a, Ebal tlang leh Gerizim tlangah chuan dah turin a ti a. Ebal tlang lama mite chuan anchhia an entir ang a, Gerizim tlang a mite chuan malsawmna an entir ang. Mosia hrilh ang tak hian Joshua chuan a ti ta ngei a (Joshua 8: 30 - 35). Ka zawhna chu 'Engtinnge aurinna hmanrua engmah la nei si lo khan Ebal tlang leh Gerizim tlang mel hnih laia zaua mipui sang tamtak tling khawm khan an vaia Amen rual thei tura Puithiam aw kha an hriat vek theih? tih hi a ni.

Gerizim tlang chhipah kan han chuang chhuak a, kan hnuaia khawpui pawimawh tak mai Shechem (tuna Nablus an tih) chu kan zuk thlir a, a hlat teh reng nen an thawm a ring em em mai a. E khai, a chanchin kan lo hriat hi a dik theih ngei dawn hi kan ti dun a. Chuta tanga kan chhuk hnu chuan Gerizim tlanga Samaritan khuaah chuan Samaritan Museum kan en a. Chuta an Director Mr Husney W. Kohen chu kan kawm a. Kan zawhnate chu kan han zawt a. A lo phur hle mai a, 'Vawiin ni thleng hian Ebal tlanga mi leh Gerizim tlanga mi pawh hi a la in biaktheih a lawm, Pathianin helai ruam hi danglam takin a ruahman a ni' a ti a. Chu chauh ni lovin Ebal tlang chu anchhe entirna a nih angin engmah a tha thei lova, Gerizim tlangah erawh chuan hei in hmuh angin khaw nuam tak a awm a, thlaite pawh an tha a ni' a ti. Gerizim tlang bakah Samaritan mi ngei hmu a, chibai a, thlate kan han lakpui ta mai te chu lawmawm kan tiin, Pathian min hruai dan ropui kan ti hle. Mr Husney chuan Samari mite chu mi 750 chauh an ni tih min hrilh bawk.

Gerizim tlang leh Ebal tlang inkara Shechem khua chu Abrahama Puan In kaihna, Israel faten Aigupta atanga an chhawm chhoh Josepha ruhro an phumna, Jeroboama Juda lalte atanga a intih hran a Khawpui atana a hman a ni a. Samari hmeichhia leh Isua Jakoba tuichhunchhuaha an inbiakna leh Israel history a thil pawimawh chi hranghrang thlenna a nih avangin phur em emin tlawh turin Gerizim atang chuan kan tlan liam thla ta a. Vanduaithlak takin Palestine khawpui buaiber lai a lo ni tlat mai a, luh min phalsak ta si lova, lungchhe em emin Jerusalem lam kan pan leh ta a ni. (Heng thu hi chiang zawkin kan zinna chanchin a bua kan ziak mekah tihlan a ni e)

Mi dangte tana nun pek

2008-11-15T15:17:00.000-08:00

Tsunami, Indian ocean tiphulh bulh bulh a, mipui sang tam tak nunna lemtu leh tithlabartu kha kan la hre theuh anga. Khami tuma Salvation Army chet ranzia leh thawh thatziate, vawiin thlenga, Sri Lanka, India leh Indonesia-ahte hna kalpui mek a la nih dan pawh kan hriat theuh ka ring e.

A hnu thla hnih lekah India chhim lama tanpuina hna thawhte enthlithlai turin General Larsson- an kan nupain min tir a. Kan han thlen chuan Sangha mantute lawng engemaw zat an lo siam thatsak hman tawh a. Heng Sangha mantute hian tuipui hi an nitin eizawnna hmun a ni a, tui an thiam em em a, lawng kar an thiam em em bawk a. Mahse Tsunami in an sawisak meuh chuan thlabarin an khur a. an lawngte chu siam that ni teh reng mah se, tuifinriata let leh zai an rel thei lo. An thlabar a, ni danga an nel em em an thlawhhma, tuifinriat chu a tihin an tih a ni. Mahse sangha man chu an nitin eizawnna, chhungkaw chawmna a ni si. A awm lo hauh lo, hlauhawm tak tak a lo thlen chuan kan experience leh thiamna neih zawng zawngte pawh hi an hman tlak tak tak loh chang a awm thin a ni. Petera leh a thiante pawh kha an nitin eizawnna hmun ngei Galilee dilah a ni thlipuiin a nuai a, an mangan em em a, thlaphang mangang a an zirtirtupa, nitina an zui thin pawh hmuithla hmuha an hmuh mai ni.

Kan han thleng chu an lawmin min thlamuanpui em em mai a. Roman Catholic Fatherte pawhin chung sangha mantute chu an mite an nih avangin kan kalna apiangah min zui a. Salvation Army in lawng an lo siam thatsak tawhte chu hlan turin min ngen a. Kan hlan zawh chuan Sanghamantute chuan 'Tuifinriat hi Tsunami hnuah kan vawi khat kal lehna tur a ni a, In nupain min va kalpui ula, chu chuan min thlamuan ang' an ti ta mauh mai a. Zoram luiah te chuan lo hleuh ve thin tho mah ila, Tuifinriat zau pui mai ,mit tlin tawk tawka cham dum kuk, so bulh bulh mai kara lawng te reuh te, dahlau tak leh nghala han in khalh kual chu kan zuam lo hle mai. Kan lawng chu let palh ta sela keimahni chuan vaukam kan in vai thleng zo dawn lo tih kan hre sa reng. Mahse thlamuan ngai, an bula kan awm a thlamuang, Pathian mi kan ni tih an hriat avanga min thlamuanpuituten min nghak si. Kan lut ve ta tawp mai a. a tirah chuan muang changin an kal a, a rei tulh tulh a, an chak ta tulh tulh mai a, kan rin aia thui thui min tlengpui ta, a zamawm duhte asin. 'Hlau leh khur chungin Thlaphangte thlamuan turin kan in pe a. 'Thlaphangte thlamuanin an awm a, thlamuantute kan thla a phang' a ni ber mai. Mahse kan hnena awm Lalpa avanga min thlamuanpuitute thlamuan theia kan awm kha kan hlimna leh lawmna a ni. Krista pawhin lungngaih thlaphan, mangan tuarin kan tan Kraws-ah khenbeh thihna thlengin min tuarsak a. 'Chhandamtu a thi a, thi turte chhandamin kan awm' a ni si a. Chu chu Pathian mite rawngbwlna chu a lo ni e.

CHIAHPUAM LEH INBUM DAN CHI HRANG HRANG

2008-11-13T13:10:00.000-08:00

Lungleiah thian dun Pu Dara leh Pu Hrima hian Pheikhawk dawr in chhak thlangin an nei a. Tlangval pakhat hian 'Pu Dar i pheikhawk ang deuh hi Pu Hriman a nei a, lehlam hi ka la ang a, kan enmil teh ang aw' a ti a. Pu Dara chuan 'aw' a ti ve mai a. Pu Hrima hnenah a kal leh a, 'Pu Hrim i pheikhawk ang deuh hi Pu Daran a neiin ka hriaa lehlam hi ka la ang a, kan enmil teh ang aw' a ti leh a. Pu Hrima chuan 'aw' a lo ti ve leh mai a. A vei lam leh a dinglam a lo la si a, a kalbo daih a sin. Pu Dara leh Pu Hrima chuan an hriat chhuah hnu chuan a lehlam ve ve chu an thawhkhawma pakhat hralhin an hralha a man an insem ringawt.

Pu Hranga Jail rawngbawl ve kha asin!! Ni khat chu tlangval pakhat hian 'E kha pu Hrang in dam maw, en teh Jail atanga lo chhuak ka nia, Jaila i thu sawi khan min hneh thei lutuk a. Hei ka chhuak a thil tihsak ve che ka duh a. Motor khalh tur ka hmu a, Silcharah ka kal dawn Buhfai i duh chuan ka rawn hawn ang che. Bagah Rs 200/ chauh a nia' a ti a. Pu Hranga chuan 'a ni tak maw, hei Rs 200/ chu aw, ka va lawm dawn hetah a to ropui si a' a ti a. A tuk tlaiah chuan a lo kal leh a, 'hei Pu Hrang kan liam dawn a, bag khat chauh maw in duh' a ti a. Bag khat man Rs 200/- a pek belh leh a. Ni hnih hnuah a lo kal leh a, Ka rawn thlen taw a, bag nga ka nei, company pengah Motor ka dah a. En laiin a tih chi si lova, tlaiah Temple bulah min lo nghak dawnnia, in duh belh loh chuan mi dan ghnenah ka hralh mai ang a' a ti a. An it tawh si bag khat dang man rs 200/ an pe leh a. Tlaiah chuan an nupain Temple kawtah Vaivakawn kawng lam hawia reife an din hnu pawhin an nghak chhuak zo ta lo a ni.

Chiahpuam chanchin hian zofate a chim hneh hle mai. Zoramah chauh a ni lo, England, USA leh ram hrang hranga zofate titi pui ber pakhat a ni. Heti taka a darhzau chak na chhan chu zofate inkungkaihna that vang kan ti thei ang. Kan In pui Aizawl leh zoram chanchin hi a thlen ni niin kan hre ve thei nghal deuh zel tawh a ni. Globalization age-a awm kan ni bawk a.
Ar talh dan chi khat chauh a awm lo'' tih ang deuhvin inbum dan hi chi khat chauh a awm lo.
Chiahpuam pawh hi inbum dan chi khat a ni ve mai. Buma awmte hi hmuhsit emaw diriam emaw ngawt tur an ni hauh lo. Biblein 'bumin awm suh u' a ti lawm lawm chung pawhin khawvel mihringte hi tum khat tal buma awm tawhte kan ni vek mai. Chiahpuam ang deuh hi Sap ram (England) ah hian an lo ti ve tawh thin a. Pyramid an ti a, kum li lai an ti hman a, mahse an man ta phiar a. Tlem lai deuhva Zoramah pawh lar tak Amway ang deuh khan down line an nei a. A hlawkte chuan an hlawkpui em em a, mahse tute emaw tuartu awm lo chuan a hlawk theih miah loh. Chiahpuam pawh tuten emaw an tuara tuten emaw an hlawk pui a ni mai. Inbumna reng reng chu chutiang vek chu a ni. India ram state dangah pawh an ti ve thin tho mai. Tuna Londona awm kan thianpa Petera Tamil mi pawhin, ka pan min thihsan a, kan rethei deuh va. Sum tuak nan i zawm ve teh ang ka ti a. Kar khat ka zawm a, mahse ka hlawk pawhin tuten emaw an tuar dawn tih ka hriat avangin ka bansan leh ta a ni a ti.
Zoramah hian Financial Institution te tak te te, pawisa khawn kual chi an lo chhuak zauh zauh tawh a. A tirah chuan tha awm takin a lang a, an hlawk ve leh an khara an bo leh mai thin a. Pawisa chan tamtak an awm tawh a. Mahse a chi thar a lo chhuak a, hmana mi ang kha chu a ni lovang tiin kan bawh leh a, chutiang zel chuan Chiahpuam kan thleng chho ta a ni ber e.

Thenkhat chuan 'hei hi kan inzirna tur a ni ang, kan tan a tha ang' an ti a. Mahse a ni chuang lovang. A lo chhuah leh hun chuan hmel danglam puin thar varin a lo chhuak anga, tute emaw chu min bum leh tho ang. A in venna atana ka advise ve chu:
1. Lal Isuan 'sum ngah hi mihring dam chhan a ni love' a tih hi vawngin zawm ila,
2. 'Tangka sum hmangaih hi sual tinreng bul a ni' Paulan a tih hi zawmin hmangaih lo ila,
3. Kut tling lo thil it hi bang ila,
4. Mahni unaute bum hi sual lian tak Pathian huat zawng a ni tih hria in ti tawh lo ila.

Mary leh a Bible

2008-11-11T14:17:00.000-08:00

Mary Jones hi Wales ram Tyn-y-ddol Cottage, Llanfihangel -y-Pennant khawperah christmas hma lawkin a piang a. Kum nga birth day a lawm hmain a pain a boral san a. A nu nen harsa takin an nung chho ta a ni.Chutih lai chuan School kal lkual an tih mai hmun khata zirtir lova hmunhrang hranga zirtirtu kal kual Thomas charles-an a hawng a. Mary pawh chutah chuan a kal ve a, rei loteah ziak leh chhiar a thiam thuai a. Chung lai chuan Bible hi a vang em em mai a. Farmhouse pakhatah hian varandha Dawhkanah Bible hi a awm a, Mary chuan a chhiar chak em em mai a. Aneitunu hnenah chuan chhiar a dil t chawt a, phal takin a lo chhiartir a. Mahse Mary chu a lungawi mai lova, ama ta ngei Bible neih a duh tlat a. Tichuan a theih ang angin pawisa a khawl ta a.

Kum engemaw zat hnuah Bible leina tur chu lo ngah pawh nise khawnge a lei ang. Thil mak tak mai chu, Thawhtan ni khaw chhe em em mai hnuaiah kum 15 a nih laiin a dan pangngaiin Penybryniau Mawrah Bible chhiar turin kein a kal a. Pa pakhat sakawr chung chuang hi a tawk a. Chu pa chuan "Nula khua a chhiat teh reng nen khawnge i kal dawn" tiin a zawt a. Mary chuan Bible chhiar turin Penybryniau Mawr-ah ka kal dawn ka pu a ti a. Engatinge chu chen chenah Bible chhiar tura i kal a ti a, mary chuan Inah Bible kan nei ve lova, hei pawisa ka tuak ngah tawh a, mahse leina tur ka hre si lova" a ti a. Mary chuan a tawh tur dik tak a tawk a ni. A mi tawh chu Thomas Charels Bala khua a mi Bible hralh thintu a lo ni reng a. Welsh Bible London atanga a lo thlen thuai ka beisei a, i pawisa chu rawn keng la Bible ka lo pe ang che an ti chu, Mary chu a lawm hle mai, boruaka thlawk kang ta hiala a in ngai a ni.

Bala chu an khua atangin mel 25 ai maha hla kawng chhe em em mai lehnghal a ni a. Kum 1800 kumtir lamah Mary chu ke ngatin Bala kal tur chuan a chhuak ta a. Bala a thlen chuan Thomas Charles chu an zawng chhuak a. Ava hmuh chuan Thomas pawh chuan a lo la hre reng a, mahse vanduaithlak takin Bible chu a lo la thleng lo tlat mai. Mary chu a tap ta a, Balaah tumah hriat a nei si lova, Bible lo thlen hun nghaka lo thlenna tur a hre si lo chu a mangang hle a. Mahse Thomas chuan a Ina hna thawka a chhawr thin Catrin Sion hnenah a thlentir a. Chutah chuan zan hnih a riak a, Bible chu a lo thleng ta. Thomas pawhin chu nula Bible duhzia chu mak a tih em avangin Bible pakhat manin Bible pathum a leitir a. Chumi nia Mary lawmzia chu sawi chhuah thiam chi a ni lo. Heng Biblete hi pahnih chu vawiin thlengin hmuh theihin a la awm a, pakhat chu Wales National Libraryah vawn a ni a, pakhat ama pual bik chu Cambridge University Library-ah vawn that a ni. A pathumna erawh chu a chin hriat a ni lo.

Thomas-a In Bible a zawrhna leh Mary Bible leina In hi tunah chuan Barclay bank in an luah a, mahse Thomas a Bible vawnna Shelve te chu a ngai a ngaiin an la dah tha a, heng chanchinte pawh hi a tlawhtu apiangte hnenah an lo sem zel bawk a ni.

Kan nupaa Wales kan kal tumin Rev. Lawmzuala (Tunah Durtlang Theological Collegea thawk) te nen kan va tlawh a. Thlalak hi Thomas-a In kawtah kan lak a ni e.

Scotland tlangram lamah

2008-11-06T15:52:00.000-08:00

Scotland tlangte hi an mawi em em mai. England ram chhungah pawh an hmun mawi ber ber laite an ni. Thlasik lai hi a vawt hle naa vur tlate hian tlang mum tha tak takte hi an cheimawi leh zual a, hmuhnawm tak a ni. Pu Jimmy-a hovin kan kal a, englai maha kan la chenna ngai loh ram mah nise lung a tileng hle mai. Heti khawpa an mawi chung hian zoram tlang hriam tak tak te nen duh min thlantir ta sela Zoram nge nge chu kan la thlang zawk tho ang.

London Millennium Bridge-ah

2008-11-06T15:32:00.000-08:00

Rev. Lawmsanga leh Mamuani te chhung hi Birminghama awm kan thian leh unau te an ni a. Kan in tlawh tawn zauh zauh a. He thlalak hi London an lo kal tuma Millennium Bridge a lak a ni. Hun a lo kal zel ang a, zoram lama kan hawn chhoh hun a lo thleng ang a, heng nite hi kan la ngai viau ang.

England tlang sangber (Snowdon) ah

2008-11-06T15:22:00.000-08:00

Snowdon tlang Wales a mi hi England ram tlangsangber a ni a. Electric train compartment hnih chauh nei hi tlang chhip thlengin an lawntir a. Vur a tlak deuh reng avangin a vawt em em mai a. Rev. Lawmzuala te nen ni khat chu kan han lawn ve a, kan lo in ha lum tawk lova pawnah pawh kan awm rei ngam lo. vawt tak a ni.

Kan la ngai dawn asin aw - khua reiah.

Children are a heritage from the LORD

2008-11-06T00:48:00.000-08:00

Tu leh fate hi Lalpa laka kan ro chan kan nun chhungrilber luahtu leh min tihlim bang lo tute an ni. Ram hla taka awmbosan keini ang phei hi chuan an thlalak hi kan en zing dup mai a. an lo nuih sang leh kan nui sang a, an lo nuih loh leh lawm nuih theih in ring ni awm fahranin kan han lawm a; kan be mawlh mawlh hi a ni hrim e.

(Puii & a tu-te..)

Let us go to Bethlehem

2008-11-03T14:30:00.000-08:00

(Photo:

Birthplace of Jesus)

One thousand years before the birth of Jesus, Samuel (with fear and trembling because of King Saul who was rejected by God) visited Bethlehem to anoint David, son of Jesse, to be a king, from whose descendants Jesus would be born. Samuel in reply to the elders of Bethlehem said “Yes, in peace; I have come to sacrifice to the Lord. Consecrate yourself and come to the sacrifice with me”. There he anointed David to be King of Israel and paved the way for the birth of Jesus. (1 Samuel 16: 1 – 13)

“Let’s go to Bethlehem and see this thing that has happened, which the Lord has told us about” said the shepherds to one another. So they hurried off and found Mary, Joseph, and the baby who was lying in a manger. When they had seen him, they spread the word concerning what had been told them about this child. The shepherds returned, glorifying and praising God for all the things they had heard and seen - which were just as they had been told. (Luke 2: 15 – 20)

According to William Barclay it is most likely that these shepherds were in charge of the flocks from which the Temple offerings were chosen. If that is true, it is no wonder that the shepherds who were watching the sheep that could cleanse the sins of men for only a while, left their flocks to worship the Lamb of God who would cleanse the sins of the world permanently and returned rejoicing and praising God. (The Daily Study Bible).

The grotto, marked as the birthplace of Jesus in Bethlehem, is visited by thousands of Christian pilgrims and tourists every year. Bethlehem (The House of Bread) where Jesus (The Bread of Life) was born is still giving the bread of life to those who are spiritually hungry. The young John Lennon may have once irreverently boasted that the Beatles were more famous than Jesus but the Beatles have long since broken up and now in 2008, Sir Paul McCartney one of the two remaining and perhaps the most famous and successful of the Beatles, visited the birth place of Jesus on 24 September and bent, like all other visitors, to enter the gate of the Church of The Nativity.
(You have to bent to enter the gate of Church of the Nativity - "Enter through the narrow gate..Matt 7:13)

Let us go to Bethlehem (the House of Bread) this Christmas to see Jesus (the Bread of Life) and return glorifying and praising God for the gift of Salvation and to proclaim peace to the world.

Jordan

2008-10-30T23:40:00.000-07:00

Engvangin maw Jordan? Jordan leh Pathian hmangaihna hi I khaikhin ve tawh ngai em? I lo khaikhin ve tawh thin a nih chuan Kan blog hming atana Jordan kan thlan na chhan hi I hre thiam nghal mai ang.

Jordan hian hnar pathum a nei a. 1) Leddan 2) Banias 3) Hasbany te hi. Hasbany hnar chu Hermon tlang sang tak vurin a khuh reng feet 9230 laia sang a ni a. Bania pawh hi feet 1080 laia sang a ni. Heng lui pathum infin hian Jordan lui pawimawh tak hi an siam a ni. A hnar pathumte hian Pathianin mi sual tana chhandamna lui a siamna thil pathum infinkhawm 1) Pathian hmangaihna, 2) Krista Isua inpekna leh 3) Mi sual thi mai tur intawkkhawmte chu min hriattir a.

Tlangsang tak atanga lo chhuak, a chhuk thei ang bera chak taka luang a, khawvel hmun hniam ber Dead sea Tuifinriat aia feet 1378 laia hniama a luang lut hian Krista Isua van chung sangber atanga lo chhuk a, khawvel hmun hniambera sual thukberte chhandam tura a lo chhuk chu min hriattir bawk a ni.

Dead Sea (Tuipui thi) hi Abrahama leh Lota Bethel tlang atanga an inthen lai kha chuan Ram ngaw dur tha tak, Lalpa huan ang mai, tui tam tak awmna a ni a. (Genesis 13:10) Lalpan Sodom leh Gomora mei leh kata a hrem takah khan tuna a nih angah hian a lo chang ta ni ngei tur a ni. Chuti a nih chuan Pathian hmangaihna in sual thukber a luh chilh angin Jordan hian mi sual, Mei leh Kata hrem tlak khawpa sualte hremna lipui chu a luhchilh ve a ni.

Jordan hi mihring ni ta sela sawisak tura a inpek nasatzia kan hre thei ang. Pathian hna thawh lanna turin Krista Isuan vuak thitlin leh Kross a khenbeh thleng a tuar angin Jordan hian vuak chah tum thum a tawk a. Joshua hoin (Joshua 3: 16) Elijan a vaw chat (2Lalte 2: 8) Elishan a vaw chat (2Lalte 2: 14).

Heng vang hian alawm kan blog hming atan ‘The Jordan’ kan tih ni.

New born baby

2008-10-29T01:59:00.000-07:00

Naute a lo pian hian, mi tam tak neih hnu ni mah se, naute nu leh pa tan chuan thil thar a nih miau avangin an lawm em em thin. He blog pawh hi khawvel mipui sang tam takin hun rei tak ata an lo neih thin ni mah se, a blog neitu tan chuan thil thar ni ve miau hek le, an lawm ve ngei chuan kan ring.